Markôs 1:6 - Sơ̆p Hlabơar Nơ̆r 'Bok Kei-Dei

⁶ Yôhan hrŭk ao tanh păng sŏk aseh lăk-đa păng tah gơ'năm akar tơ bơnei sư. Tơmam sa sư lep păng đak sut bri đĕch.

Markôs 1:6 Iomraidhean Croise

II Pot 1:8

Lu sư tơl: “Bơngai noh hrŭk ao akar sŏk sem bri păng tơ̆n tơlei tơ̆n akar.” Pơtao khan: “'Nei Êli bơngai Tisbit noh bơih.”

Lêwi 11:22

'Nâu lu iĕm gơh sa, noh lep ba kiơ̆ kơ adrĕch sư, adro kiơ̆ kơ adrĕch sư, lep tung-nut kiơ̆ kơ adrĕch sư, ler kiơ̆ kơ adrĕch sư.

Sa 13:4

Kŭm lăm năr noh, dah lu 'bok khan lê̆ adrol, wă pơma lê̆ adrol lu sư gô mơlâu gah tơdrong mă đei tơ'bôh kơ lu sư; lu sư kư̆m ưh pă đei hrŭk ao tai đe tanh păng sŏk kon sem brem wă pơma hơlĕnh dơ̆ng.

Mathiơ 3:4

Yôhan hrŭk ao tanh păng sŏk aseh lăk-đa păng tơ̆n gơ'năm akar tơ bơnei sư. Tơmam sa sư lep păng đak sut bri đĕch.

Markôs 1:5

Đĭ-đăng bơngai đơ̆ng dêh Juđê hăm đĭ-đăng bơngai lăm Pơlei Jêrusalem năm tơ Yôhan. Lu sư roi kơ 'Bok Kei-Dei tơdrong yoch lu sư, na Yôhan pơm 'batem kơ lu sư tơ krong Jôrđăn.

Markôs 1:7

Sư bơtho đe khan: “Đei minh 'nu bơngai gô truh đơ̆ng rŏng kơ inh, Sư 'Bok tih tơpă. Mă khan Sư athei inh yaih ăn tơlei chơkhŏ Sư đĕch inh kư̆m ưh kơ hơnhŏ 'mơ̆i, inh ưh kơ pơ̆n ngơk lăng Sư ôh.