Markôs 1:5 - Sơ̆p Hlabơar Nơ̆r 'Bok Kei-Dei

⁵ Đĭ-đăng bơngai đơ̆ng dêh Juđê hăm đĭ-đăng bơngai lăm Pơlei Jêrusalem năm tơ Yôhan. Lu sư roi kơ 'Bok Kei-Dei tơdrong yoch lu sư, na Yôhan pơm 'batem kơ lu sư tơ krong Jôrđăn.

Markôs 1:5 Iomraidhean Croise

Horiso 32:5

Inh tơbral yoch hăm Kră Yang 'Bok Kei-Dei, Ưh pă đei ôn dôm yoch kơnê̆ inh. Inh khan: “Inh tơbral roi đĭ dôm tơdrong yoch glăi inh kơ Kră Yang. Ih huay pă jô̆ yoch inh.” Sêla

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Mathiơ 4:25

Na lơ bơngai tơpă kiơ̆ Sư, đơ̆ng dêh Galilê, mơ'nah đơ̆ng tơring Đêkapôlis, mơ'nah đơ̆ng Pơlei Jêrusalem, mơ'nah đơ̆ng dêh Juđê, mơ'nah đơ̆ng pah to krong Jôrđăn.

Markôs 1:4

Tơdrong 'noh 'blep tơpă: Yôhan năm pơm 'batem kơ đe tơ char glă chơngue, sư bơtho athei đe tơbral kơdih tơdrong yoch, na iŏk 'batem wă kơ 'Bok Kei-Dei pơklaih yoch sư.

Markôs 1:6

Yôhan hrŭk ao tanh păng sŏk aseh lăk-đa păng tah gơ'năm akar tơ bơnei sư. Tơmam sa sư lep păng đak sut bri đĕch.

Yo 1:28

Lu bơngai ei jet Yôhan gah tơdrong âu tơ Pơlei Bethani, pah to krong Jôrđăn mă đêl anih Yôhan pơm kơ đe 'batem.

Yo 3:23

Yôhan sư pơm kơ đe 'batem tơ Pơlei Anon jê̆ Pơlei Salim kơlih kơ tơ ei đei đak dơnâu. Na đe năm tơ sư tơ ei wă iŏk 'batem.

Yo 5:35

Yôhan thoi ŭnh kơđeng nhơk hơdah. Iĕm mơ̆ng sư bơtho hiôk chơt tơpă ră, mă-lei lăp minh yuh đĕch.

Jang 19:18

Thoi noh na đei lu bơngai lui ưh kơjăp năm tơ Pôl. Lu sư ră roi kơ Pôl tơdrong yoch lu sư năm tơ pơjâu.

Jang 2:38

Pêtrôs khan: “Iĕm athei tơbral kơdih tơdrong yoch iĕm. Iĕm athei iŏk 'batem hăm anăn Yêsu Krist wă kơ Sư pơklaih tơdrong yoch iĕm, Sư ăn kơ iĕm Yang Bơhngol 'Lơ̆ng.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.

Jôsuê 7:19

Jôsuê khan kơ Akan: Ô dăm! Athei băt kơkuh ư-ang kơ Kră Yang 'Bok Kei-Dei Isơrael păng bơnê kơ Sư; roi tơbăt bĕ, kơ inh dăm ih đei pơm tơdrong kiơ boih, 'nĕ ôn kơ inh tơdrong noh.