Markôs 1:34 - Sơ̆p Hlabơar Nơ̆r 'Bok Kei-Dei

³⁴ Yêsu pơklaih lơ bơngai jĭ jăn păng pơpuh lu yang kơnê̆ mă mơ̆t lăm bơngai. Sư khă lu yang kơnê̆ pơma tơbăt Sư kơ đe kơlih kơ lu yang ei băt kơ Sư.

Markôs 1:34 Iomraidhean Croise

Mathiơ 4:23

Yêsu năm jơ̆p-jang kơ dêh Galilê bơtho đe tơ lăm hnam akŭm đe Juđê gah tơdrong 'nao 'lơ̆ng 'Bok Kei-Dei wă pơgơ̆r bơ̆n păng Sư pơklaih rah dôm tơdrong jĭ jăn kon pơlei pơla pơmat-tat.

Mathiơ 4:24

Jơ̆p kơ dêh Siri kơtơ̆ng ang Sư, na đe năm ba tơ Sư dôm lu bơngai jĭ jăn, bơngai hơwing, bơngai wơnh, bơngai jơ̆ng ti jo, Sư pơklaih ăn ngăl.

Markôs 1:25

Na Yêsu khă yang kơnê̆ ei thoi âu: “E 'nĕ pă pơma, e jah lĕch đơ̆ng akâu sư âu wăi.”

Markôs 3:12

Na Yêsu khă sư: “'Nĕ tơbăt anăn Inh kơ đe.”

Luka 4:41

Na Yêsu kư̆m pơpuh lơ lu yang kơnê̆ lĕch đơ̆ng akâu đe. Na yang kơnê̆ ei khan kơ Yêsu: “Ih boih Kon 'Bok Kei-Dei tơpă.” Mă-lei Yêsu khă lu yang kơnê̆ ei kuă ăn pơma, yua kơ lu sư băt kơ Yêsu 'Bok Krist gô wă tơbăt ăn Sư kơ đe.