Markôs 1:32 - Sơ̆p Hlabơar Nơ̆r 'Bok Kei-Dei

³² Lăp 'năr mơ̆t adrơ̆m kơsơ̆ ei đe năm ba tơ sư dôm lu bơngai jĭ jăn păng lu bơngai yang mơ̆t.

Markôs 1:32 Iomraidhean Croise

Mathiơ 4:24

Jơ̆p kơ dêh Siri kơtơ̆ng ang Sư, na đe năm ba tơ Sư dôm lu bơngai jĭ jăn, bơngai hơwing, bơngai wơnh, bơngai jơ̆ng ti jo, Sư pơklaih ăn ngăl.

Mathiơ 8:16

Lăp 'năr mơ̆t adrơ̆m kơsơ̆ ei đei lơ bơngai năm ba lu bơngai yang kơnê̆ mơ̆t pơm kơ sư wơnh. Na Yêsu pơma kơ lu yang kơnê̆ lăp minh nơ̆r đĕch, mă-lei lu yang kơnê̆ lĕch jăk hloi đơ̆ng akâu lu bơngai noh. Păng Sư kư̆m pơklaih dôm lu bơngai jĭ jăn nai.

Mathiơ 8:17

Yêsu pơm thoi noh wă kơ 'blep trŏ thoi Êsai khan lê̆ hơdrol sơ̆ thoi âu: “Sư pơklaih tôm tơdrong jĭ jăn kon bơngai bơ̆n.”

Markôs 1:21

Đơ̆ng noh lu sư năm tơ Pơlei Kapernum. Kơplah năr pơdơh Sa'bat, Yêsu năm akŭm tơ hnam akŭm 'Bok Kei-Dei păng bơtho đe tơ noh.

Markôs 1:31

Yêsu năm jê̆ sư hiot tơiung sư. Kơtă ei sư klaih hloi kơ bơlŏ, na sư chă awih awăn kơ đe Yêsu.

Markôs 3:2

Na đe răp lăng Yêsu hăm ming pơklaih sư dah ưh yua kơ năr noh năr pơdơh Sa'bat. Dah Sư pơklaih bơngai ti kue noh, lei đe wă jô̆ kơ Sư bơngai yoch, yua kơ lu sư khan lăm năr pơdơh Sa'bat ưh kơ gơh jang păng ưh kơ gơh pơklaih bơngai jĭ jăn ôh.

Luka 4:40

Lăp 'năr mơ̆t adrơ̆m kơsơ̆ ei, dôm lu bơngai jĭ jăn, bôl buăl sư anhăk ba tơ Yêsu. Na Sư pel hloi kơ̆l lu đe ei păng đĭ kơ lu sư klaih hloi kơtă ei.

Luka 4:41

Na Yêsu kư̆m pơpuh lơ lu yang kơnê̆ lĕch đơ̆ng akâu đe. Na yang kơnê̆ ei khan kơ Yêsu: “Ih boih Kon 'Bok Kei-Dei tơpă.” Mă-lei Yêsu khă lu yang kơnê̆ ei kuă ăn pơma, yua kơ lu sư băt kơ Yêsu 'Bok Krist gô wă tơbăt ăn Sư kơ đe.