Markôs 1:27 - Sơ̆p Hlabơar Nơ̆r 'Bok Kei-Dei

²⁷ Thoi noh na đĭ-đăng bơngai 'bôh Sư pơm thoi noh, lu sư sơleng kơ đon na sư tơjet dih băl khan: “Sư bơtho tơdrong kiơ âu kih? Sư bơtho tơdrong 'nao dah kiơ, na Sư gơh pơpuh yang kơnê̆, na yang kơnê̆ chu Sư?”

Markôs 1:27 Iomraidhean Croise

Mathiơ 15:31

Lu bơngai tơpôl ei 'bôh tơdrong noh hlĭch tơpă: Bơngai kơmlo mah gơh pơma, bơngai kue jo kư̆m klaih 'lơ̆ng, bơngai măt tol gơh 'bôh hơdah, na lu sư ư-ang kơ Kră Yang 'Bok Kei-Dei bơngai Isơrael juăt kơkuh đơ̆ng sơ̆.

Mathiơ 8:9

Inh kư̆m đei đe pơgơ̆r inh păng inh kư̆m đei pơgơ̆r lu linh mơ̆n. Dah inh khan kơ bơngai âu mă bơngai to: Năm bĕ, sư năm hloi chu inh. Dah inh bơtho lu đĭch đam inh jang, mă dôm tơdrong kiơ, lu sư jang hloi. Inh wă kơ thoi noh đĕch, na dang ei inh wă kơ Ih sơkat đơ̆ng âu đĕch na sư tơ hnam klaih.”

Mathiơ 9:33

Na Yêsu pơpuh yang kơnê̆ ei lĕch đơ̆ng akâu bơngai noh na bơngai noh gơh pơma hloi. Đĭ-đăng lu bơngai tơpôl oei kiơ̆ ei lăng hlĭch, na lu sư khan: “Dêh char Isơrael bơ̆n đơ̆ng sơ̆ ưh kơ đei bu gơh pơm tơdrong mơsêh mơyang thoi âu ôh ii?”

Markôs 1:26

Na yang kơnê̆ ei pơm kơ sư pơtơ̆l, pơma pơret, na lĕch jăk hloi đơ̆ng bơngai ei.

Markôs 1:28

Đơ̆ng Yêsu pơm thoi noh, na đe kơtơ̆ng ang tơdrong Sư jơ̆p-jang kơ dêh Galilê hloi.

Markôs 10:24

Lu bơngai pơhrăm păng Sư sơleng kơ đon ưh kơ hlôh tơdrong Sư pơma âu. Mă-lei Yêsu khan dơ̆ng kơ lu sư: “Ơ lu kon Inh, anat dêh mơ̆t tơ dêh char 'Bok Kei-Dei.

Markôs 10:32

Lu sư oei yak rok trong năm tơ Pơlei Jêrusalem. Yêsu yak hơdrol kơ đe. Lu bơngai pơhrăm păng Sư mah prưn kơ jơhngơ̆m păng lu bơngai nai kư̆m hli mơ̆n. Yêsu anhăk lu mơjĭt-'bar 'nu bơngai pơhrăm păng Sư weh ataih 'biơ̆ kơ đe thoi ki dơ̆ng. Na Sư roi tôm tơdrong pơmat Sư gô tơ'bơ̆p.

Markôs 16:5

Lu sư mơ̆t lăng lăm bơsat 'bôh minh 'nu bơngai tơdăm hrŭk ao tai kok tơoei gah 'ma, na lu sư hli.

Markôs 16:6

Tơdăm ei khan kơ lu sư: “Iĕm 'nĕ kơ hli. Iĕm chă Yêsu Pơlei Nasaret mă đe pơ̆ng pơlôch tơ 'long pơglang. Sư iung arih đơ̆ng lôch boih, Sư ưh pă oei tơ âu. Tơ̆ng iĕm ưh kơ lui apinh iĕm lăng anih đêl đe tơ'bĭch Sư âu.

Markôs 7:37

Lu sư kư̆m băt chrêu kơ đon păng khan: “Yêsu gơh pơm tôm tơdrong 'lơ̆ng tơpă iih? Sư pơm kơ bơngai klĭk klot gơh kơtơ̆ng, bơngai kơmlo mah gơh pơma.”

Luka 4:36

Thoi noh na đĭ-đăng lu bơngai 'bôh Sư pơm thoi noh, lu sư sơleng kơ đon na sư tơjet dih băl khan: “Thoi yơ bơngai âu pơma thoi noh đĕch ră mă-lei yang kơnê̆ mah lĕch hloi?”

Luka 9:1

Yêsu krao mơjĭt-'bar 'nu bơngai pơhrăm păng Sư, ăn kơ lu sư gơh pơpuh tơlĕch lu yang kơnê̆ đơ̆ng akâu bơngai păng ăn kơ lu sư gơh pơklaih tơdrong jĭ jăn.

Jang 17:19

Na lu sư anhăk Pôl truh tơ kră pơlei tơ kông Arêpa. Kông ei kơtă lăm pơlei sư hloi. Păng nơ̆r sư khan: “Nhôn wă kơ băt gah tơdrong 'nao ih bơtho.