Markôs 1:21 - Sơ̆p Hlabơar Nơ̆r 'Bok Kei-Dei

²¹ Đơ̆ng noh lu sư năm tơ Pơlei Kapernum. Kơplah năr pơdơh Sa'bat, Yêsu năm akŭm tơ hnam akŭm 'Bok Kei-Dei păng bơtho đe tơ noh.

Markôs 1:21 Iomraidhean Croise

Mathiơ 4:13

Yêsu ưh pă oei tơ pơlei Sư Nasaret boih, na Sư năm oei tơ Pơlei Kapernum. Pơlei ei kiơ̆ jih đak dơsĭ Galilê lăm tơring Sabalôn păng tơring Naptali.

Mathiơ 4:23

Yêsu năm jơ̆p-jang kơ dêh Galilê bơtho đe tơ lăm hnam akŭm đe Juđê gah tơdrong 'nao 'lơ̆ng 'Bok Kei-Dei wă pơgơ̆r bơ̆n păng Sư pơklaih rah dôm tơdrong jĭ jăn kon pơlei pơla pơmat-tat.

Markôs 1:20

Yêsu krao bre sư, na bre sư kiơ̆ hloi Yêsu, lê̆ 'bă sư păng lu bơngai bơ̆jang kơ sư tơ thŏng-nan.

Markôs 1:29

Yêsu lĕch đơ̆ng hnam akŭm ei năm tơ hnam bre Simôn păng Andrê. Bre Yakơ păng Yôhan kư̆m kiơ̆ Sư mơ̆n.

Markôs 1:33

Na đĭ-đăng lu bơngai lăm pơlei ei akŭm 'bơ̆t cham hnam Simôn păng Andrê.

Markôs 1:39

Na Sư năm jơ̆p kơ dêh Galilê chă bơtho tơ lu hnam akŭm 'Bok Kei-Dei păng pơpuh lu yang kơnê̆ đơ̆ng lăm akâu bơngai mơ̆n.

Markôs 10:1

Yêsu năm đơ̆ng Pơlei Kapernum ei mơ̆t brih lăm dêh Juđê păng hơloh năm hloi tơ dêh pah to krong Jôrđăn. Tơ ei đei lơ bơngai năm akŭm tơ Sư dơ̆ng, na Sư bơtho đe kư̆m thoi krô hmă.

Markôs 2:1

Lăp 'bar pêng năr đơ̆ng rŏng dơ̆ng, Yêsu wih tơ Pơlei Kapernum na đe kơtơ̆ng ang Sư oei hnam,

Markôs 3:1

Yêsu mơ̆t dơ̆ng tơ hnam akŭm 'Bok Kei-Dei. Đei minh 'nu bơngai ti kue minh pah oei lăm hnam akŭm 'Bok Kei-Dei ei.

Markôs 6:2

Lăm năr pơdơh Sa'bat Sư bơtho đe tơ hnam akŭm 'Bok Kei-Dei. Đei lơ bơngai năm mơ̆ng. Lu sư mơ̆ng hlĭch kơ đon păng khan: “Sư gơh dôm tơdrong âu đơ̆ng yơ kih? Lơliơ Sư băt tôm dôm tơdrong âu păng Sư gơh pơm tơdrong mơsêh?

Luka 10:15

Bĭ iĕm ơ Pơlei Kapernum, iĕm tơchĕng iĕm tih dang yơ, iĕm tih atŏ truh tơ plĕnh ti hă? Mă-lei 'Bok Kei-Dei wă tơhuŏng lê̆ iĕm truh tơ dơnâu ŭnh sŭng.”

Luka 13:10

Lăm năr pơdơh Sa'bat ei Yêsu bơtho tơ hnam akŭm đe Juđê.

Luka 4:16

Klaih kơ noh Yêsu wih tơ Pơlei Nasaret, pơlei Sư kơdih. Lăp truh kơ năr pơdơh Sa'bat Sư năm akŭm tơ hnam 'Bok Kei-Dei pơlei Sư kơdih, yua kơ rim năr pơdơh Sa'bat Sư juăt kơ akŭm ngăl. Lăp truh tơ ei Sư iung wă đŏk kơ đe sơ̆p hla bơar 'Bok Kei-Dei.

Luka 4:23

Na Yêsu khan kơ lu sư: “Iĕm wă jô̆ kơ Inh tơdrong đe juăt kơ pơma thoi âu: ‘Ơ 'bok thây pơgang, pơklaih tơdrong jĭ ih kơdih 'mơ̆i, yua kơ pơlei âu pơlei Ih kơdih na Ih athei pơklaih đe tơ âu kư̆m thoi nhôn kơtơ̆ng ang Ih pơklaih đe tơ Pơlei Kapernum ki.’ ”

Jang 17:2

Tơ rim pơlei Pôl năm akŭm tơ hnam akŭm đe Juđê mơ̆n păng Pơlei Têsalônik lei-lăi mơ̆n. Sư akŭm păng đe rim năr pơdơh lăm pêng 'măng giĕng. Sư bơtho đơ̆ng lăm sơ̆p hla bơar 'Bok Kei-Dei păng pơjah hăm lu sư.

Jang 18:4

Rim năr pơdơh Pôl năm akŭm tơ hnam akŭm bơngai Juđê bơtho lu bơngai Juđê păng lu bơngai Grĕk wă kơ đĭ-đăng lu sư păng Juđê lui kơ Kră Yang Yêsu.