Malachi 4:4 - Sơ̆p Hlabơar Nơ̆r 'Bok Kei-Dei

⁴ “Lei lu iĕm athei 'blŏk bĕ kơ khôi juăt Môis, đĭch đam Inh, mă Inh khan tơbăt ăn kơ sư tơ kông Hôrêp, wă khan dôm tơdrong juăt păng nơ̆r tơtă ăn kơ đĭ-đăng bơngai Isơrael.

Malachi 4:4 Iomraidhean Croise

Êsai 42:21

Kơ tơdrong 'lơ̆ng tơpăt Sư kơdih Kră Yang lăp đon, Sư gô pơm kơ khôi juăt Sư hơdah păng ư-ang.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Je 6:16

Kră Yang khan: “Dơ̆ng bĕ tơ rok trong na răp lăng; Chă jet trong so, trong ayơ 'lơ̆ng yak kiơ̆ bĕ trong noh, Na chă ăn kơ bơhngol lu iĕm pơdơh hiôk.” Mă-lei lu sư khan: “Lu nhôn ưh kơ yak kiơ̆ ôh trong noh.”

Rom 3:31

Thoi noh boih, mă-lei bơ̆n hăm wă hŭt lê̆ tơdrong juăt 'Bok Kei-Dei pơkă sơ̆? Ưh ôh, bơ̆n kư̆m oei kiơ̆ mơ̆n, bơ̆n lui kơ Yêsu 'mơ̆i na bơ̆n kĕ kiơ̆ tơdrong juăt Sư pơkă noh.

Both 4:10

'Blŏk bĕ kơ năr iĕm dơ̆ng 'bơ̆t anăp Kră Yang 'Bok Kei-Dei iĕm tơ Hôrêp kơplah noh Kră Yang khan kơ inh thoi âu: Krao akŭm bĕ đĭ-đăng kon pơlei, wă kơ lu sư mơ̆ng nơ̆r Inh, wă pơhrăm ăn kơ lu sư băt hli yom kơ Inh kơplah lu sư oei arih tơ kơpal teh âu păng wă kơ lu sư bơtho nơ̆r âu ăn kơ lu kon sâu se lu sư dơ̆ng.

Both 4:23

Athei kơchăng bĕ kơdih akâu iĕm, 'nĕ kơ hiơt tơdrong pơgơ̆p đơ̆ng Kră Yang 'Bok Kei-Dei lu iĕm mă đei pơgơ̆p hăm lu iĕm păng 'nĕ kơ pơm rup yang, rup sem brem ayơ mă Kră Yang 'Bok Kei-Dei lu iĕm khă.

Both 5:2

Kră Yang 'Bok Kei-Dei lu bơ̆n đei pơgơ̆p boih hăm lu bơ̆n tơ kông Hôrêp.

Both 8:11

Athei kơchăng bĕ, 'nĕ hiơt kơ Kră Yang 'Bok Kei-Dei, wei răk dôm nơ̆r Sư tơtă, nơ̆r Sư tơbăt păng khôi juăt Sư mă đơ̆ng inh bơtho lu iĕm năr 'nâu.

Both 8:19

Tơdah iĕm hiơt kơ Kră Yang 'Bok Kei-Dei iĕm, na kiơ̆ lu yang nai, bơ̆jang păng drap kơkuh kơ lu yang ei, inh khan tơpă năr âu. Lu iĕm gô lôch hiong đĭ!