Malachi 3:8 - Sơ̆p Hlabơar Nơ̆r 'Bok Kei-Dei

⁸ Kon bơngai gơh tơtông iŏk Kră Yang 'Bok Kei-Dei hă? Na iĕm tơtông Inh. Lu iĕm khan: ‘Tơ yơ khan lu nhôn tơtông Ih?’ Lu iĕm đei tơtông boih minh lăm mơjĭt đơ̆ng lăm lu tơmam iĕm pơyơ̆r.

Malachi 3:8 Iomraidhean Croise

Horiso 29:2

Kơkuh bĕ kơ Kră Yang mơsêh mơyang Anăn Sư trŏ kơ pơư pơang, iŏk bĕ tơdrong 'lơ̆ng rơgoha na kơkuh kơ Kră Yang.

Tơdrông Pơđơk 11:24

Bơngai bu đei đon hơmrah, gô rai mơdrŏng dêh. Bơngai bu kret pơ'met rai kơmah kơ'bah rai dêh.

Êsai 43:23

Iĕm ưh pă pơyơ̆r kon triu pơm tơmam soi 'buh kơ Inh bơih, kư̆m ưh pă soi sơmah pơyom kơ Inh. Inh ưh kơ đei pơm kơ iĕm pŭ trăp pơyơ̆r tơmam soi phe 'ba kơ Inh păng kư̆m ưh kơ pơm kơ iĕm ưh kơ hiôk yua kơ tơmam pơyơ̆r 'bâu phu mơ̆n.

Lêwi 19:25

Truh lăm sơnăm mă pơđăm lu iĕm gơh sa plei noh, wă kơ plei rai lơ hloh ăn kơ iĕm, inh boih Kră Yang 'Bok Kei-Dei lu iĕm.

Sa 5:3

Đơ̆ng noh sư khan kơ inh: “'Nâu jing tơdrong hiap pơtê̆ jơ̆p-jang kơ teh đak; yua kơ kiơ̆ kơ sơ̆p hla bơar đei chih boih tơ gah minh pah, rim 'nu bơngai bu mă tơtông klĕ đe gô pơrăm lê̆ sư, đơ̆ng noh kư̆m kiơ̆ kơ hla bơar đei chih tơ minh pah nai dơ̆ng bơngai bu mă kăt tơdra hơkar hơlĕnh đe kư̆m gô pơrăm lê̆ sư.”

Malachi 1:13

Lu iĕm đei khan dơ̆ng thoi âu: “Ô! Tơdrong jang gleh dêh pă băt dang yơ! Na lu iĕm pơdê sư.” Kră Yang Tih Hloh khan thoi noh. “Lu iĕm năm pơyơ̆r tơmam đơ̆ng iĕm tơtông păng lu kon sem dơrong jo, jĭ na mă năm pơyơ̆r kơ Inh. Inh hăm đei iŏk tơmam âu đơ̆ng ti lu iĕm ưh?” Kră Yang khan thoi noh.

Malachi 1:8

Kơplah lu iĕm pơyơ̆r tơmam soi păng sem dơrong măt tol, tơdrong noh ưh kơ trŏ krưp dêh tơpă hă? Kơplah iĕm pơyơ̆r tơmam soi hăm sem dơrong jơ̆ng jo dah jĭ, tơdrong ưh kơ trŏ krưp dêh hă? Lu iĕm pơlong pơyơ̆r lăng kơ yŏng tơ'ngla iĕm thoi noh lăng sư hăm lăp đon kơ iĕm ưh?” Kră Yang Tih Hloh khan thoi noh.

Mathiơ 22:21

Lu sư khan: “'Noh rup Sêsar păng anăn Sêsar mơ̆n.” Thoi noh na Yêsu khan: “Jên âu rup Sêsar tơpă na bơ̆n athei thuê̆ kơ sư yua kơ sư pơgơ̆r. Tơmam 'Bok Kei-Dei bơ̆n athei pơyơ̆r kơ 'Bok Kei-Dei yua kơ Sư tơgŭm ăn kơ bơ̆n.”

Markôs 12:17

Thoi noh na Yêsu khan: “Jên âu rup Sêsar tơpă, na bơ̆n athei thuê̆ kơ sư yua kơ sư pơgơ̆r. Tơmam 'Bok Kei-Dei bơ̆n athei pơyơ̆r kơ 'Bok Kei-Dei yua kơ Sư tơgŭm ăn kơ bơ̆n.” Lu sư mơ̆ng Yêsu tơl lu sư trŏ tơpă.

Luka 20:25

Thoi noh na Yêsu khan: “Jên âu rup Sêsar tơpă na bơ̆n athei thuê̆ kơ sư yua kơ sư pơgơ̆r. Tơmam 'Bok Kei-Dei bơ̆n athei pơyơ̆r kơ 'Bok Kei-Dei yua kơ Sư tơgŭm ăn kơ bơ̆n.”

Rom 13:7

Păng yua kơ thoi noh na tơdrong kiơ trŏ kơ bơ̆n ăn, bơ̆n athei ăn; 'bok pơgơ̆r sư wă iŏk thuê̆ đơ̆ng bơ̆n, bơ̆n athei ăn kơ sư; sư wă kơ bơ̆n pơm kiơ, bơ̆n chu pơm.

Rom 2:22

Iĕm bơtho đe 'nĕ pơm pơyô kư̆ kă, na bĭ iĕm hăm pơm? Iĕm hil kơ đe kơkuh kơ rup yang. Bĭ iĕm hăm tơtông iŏk tơmam đe kơkuh kơ rup yang noh ưh?

Jôsuê 7:11

Bơngai Isơrael đei pơm tơdrong yoch boih, lu sư ưh kơ wă pơm kiơ̆ tơdrong pơgơ̆p mă Inh đei pơkă ăn kơ lu sư athei răk, lu sư iŏk bơih tơmam trŏ kơ pơyơ̆r păng pơrăm pơma hơlĕnh, lu sư tơtông iŏk tơmam noh tah lê̆ lăm kơdŭng lu sư kơdih,