Malachi 3:6 - Sơ̆p Hlabơar Nơ̆r 'Bok Kei-Dei

⁶ “Yua kơ Inh jơ̆ Kră Yang, Inh ưh kơ đei layơ tơplih, yua kơ thoi noh, lu iĕm jơ̆ kon drŏ-nglo Jakôp, huay kơ lôch hiong.

Malachi 3:6 Iomraidhean Croise

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

Bl 15:7

Kră Yang 'Bok Kei-Dei khan dơ̆ng kơ Abram thoi âu: “Inh jơ̆ Kră Yang, Kră Yang mă chông anhăk ih đơ̆ng Ur, lăm char Kalđê, gô ăn kơ ih char âu jang sa.”

Bl 22:16

Na Kră Yang khan thoi âu: “Yua kơ ih đei pơm boih tơdrong, noh huay kơeng kơ kon ih, mă khan kon pôm ră, na kơdih akâu Inh pơkă pơkăm:

Horiso 102:26

Lu plĕnh teh gô hiong răm mă-lei Ih oei oei ling-lang; Plĕnh teh gô so thoi ao tai; Ih gô tơplih plĕnh teh thoi tơplih ao păng lu sư jing hŭt lê̆.

Horiso 102:27

Mă-lei Ih ưh kơ đei layơ tơplih. Lu sơnăm Ih ưh kơ đei layơ tôch.

Horiso 102:28

Lu kon sâu đĭch đam Ih oei đei ling-lang. Adrĕch adrung lu sư đei pơjing rai kơjăp 'bơ̆t anăp Ih.

Horiso 103:17

Mă-lei tơdrong 'mêm Kră Yang oei oei ling-lang. Ăn kơ lu bơngai hli yom kơ Sư, păng tơdrong 'lơ̆ng tơpăt Sư 'măn kơ lu kon sâu lu sư.

Horiso 78:38

Mă-lei yua kơ tơdrong 'mêm mơnat Sư huay kơ jô̆ yoch, ưh kơ wă pơrăm lu sư; Lơ wơ̆t sư gơ̆t lê̆ kơ hil, Sư ưh kơ mah tơ'bôh dêh tơdrong Sư hil.

Horiso 78:57

Lu sư plơ̆ pơm kơnê̆ thoi 'bok yă lu sư sơ̆. Lu sư weh thoi 'brơ̆m hră đŏng.

Êsai 41:13

Yua kơ Inh bơih Kră Yang 'Bok Kei-Dei lu iĕm: Tơ'ngla rôp ti 'ma lu iĕm, păng khan kơ lu iĕm, 'nĕ kơ hli ôh Inh gô tơgŭm lu iĕm;

Êsai 44:6

Kră Yang pơgơ̆r plĕnh teh, Pơtao păng 'Bok huai iŏk Isơrael, Kră Yang Tih Hloh khan thoi âu: “Inh blŭng-a păng tuch-luch, 'nguaih kơ Inh ưh kơ đei Yang nai dơ̆ng ôh.

Êsai 46:4

Dĭng truh kơ iĕm kră krŭng Inh kư̆m oei Kră Yang lei-lăi. Truh tơ iĕm sŏk ko go kơdŭ Inh kư̆m oei pôk kơ'mĭn lu iĕm Inh pơjing bơih lu iĕm, na gô pŭ pôk lu iĕm, Inh gô pôk kơ'mĭn păng pơklaih lu iĕm.

Je 32:27

“'Nâu, Inh boih Kră Yang, 'Bok Kei-Dei kơ đĭ-đăng kon bơngai. Hăm đei tơdrong kiơ mă hơnat kơ Inh?”

Da 6:26

Inh chih tơbăt, ăn jơ̆p kơ lăm dêh char 'bôh, đĭ-đăng athei hli yom tơtơ̆ 'bơ̆t anăp Kră Yang 'Bok Kei-Dei arih ling-lang hlŏng hloi, Kră Yang 'Bok Kei-Dei Đaniel teh đak Sư ưh kơ đei layơ hiong răm păng tơdrong mơsêh mơyang Sư oei oei ling-lang truh năr tôch.

Hôsia 11:9

Inh pơgơ̆t jơhngơ̆m tơtŏ Inh, păng Inh ưh kơ wă pơlôch pơrăm boih Êphraim, Yua kơ Inh jơ̆ Kră Yang 'Bok Kei-Dei, ưh kơ trŏ kon bơngai ôh. Inh Tơ'ngla rơgoh 'lơ̆ng 'bơ̆t anăp lu iĕm, ưh kơ wă hil pơrăm lu iĕm ôh.

Habakuk 1:12

Ơ Kră Yang, 'Bok Kei-Dei inh, Kră Yang mă Tơ'ngla 'lơ̆ng rơgoh! Ih bơih Kră Yang đei đơ̆ng blŭng-a ala chă sơ̆ mă truh tơ ning-mônh dah kiơ? Thoi noh na lu nhôn huay kơ lôch! Ơ Kră Yang, Ih đei hơmet pơjing boih kon pơlei pơla âu wă sek phak lu nhôn. Ơ Tơmo kơjăp! Ih đei dan boih sư wă kơ phak pơbral, bơtho pơjĭ nhôn.

Jo 23:19

Kră Yang ưh kơ trŏ thoi minh 'nu kon bơngai gơh pơma hơlĕnh, Kŭm ưh kơ trŏ thoi kon bơngai mă gơh tơplih tơdrong tơchĕng ôh. Tơdrong mă sư khan boih, mă sư jor kơ pơm hă? Tơdrong mă sư pơkă, sư ưh kơ pơm keh hă?

Rom 5:10

Kơplah bơ̆n kuă kơ lui kơ 'Bok Kei-Dei, đei Kon Sư Yêsu Krist lôch tang bơ̆n, ăn kơ bơ̆n jing hiôk 'lơ̆ng hăm 'Bok Kei-Dei. Dang ei bơ̆n lui kơ 'Bok Kei-Dei boih na Sư pơklaih lu bơ̆n tơpă, yua kơ Yêsu Krist iung arih đơ̆ng lôch boih.

Philip 1:6

'Bok Kei-Dei jô̆ iĕm jing bơngai 'lơ̆ng boih, na inh băt tơpă Sư gô tơgŭm iĕm ling-lang truh tơ năr Yêsu Krist jur ning-mônh.

Hêbrơ 13:8

Gah Yêsu Krist sư oei hơnơ̆ng ling-lang, mă đơ̆ng sơ̆ khơ̆ dang ei truh tơ ning-mônh.

Hêbrơ 6:18

'Bok Kei-Dei pơkă wă tơgŭm bơ̆n tơdrong noh, Sư pao anăn Sư kơdih hloi, na bơ̆n băt kơ tơdrong Sư pơkă noh Sư ưh kơ gơh lê̆ ôh, yua kơ Sư ưh kơ lah hơlĕnh. Thoi noh na lu bơ̆n mă kơdâu kơ'nơp tơ akâu Sư, bơ̆n băt kơ Sư wă tơgŭm bơ̆n tơpă.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

Tơdrông Tơ'bôh 1:8

'Bok Kei-Dei Kră Yang tih hloh kơ đĭ-đăng păng pơgơ̆r tôm tĕch tơdrong, Sư đei đơ̆ng sơ̆ khơ̆ dang ei, mă gô jur ning-mônh, Sư khan thoi âu: “Inh thoi chư A, jĭ blŭng-a kơla chă hơdrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh.”

Tơdrông Tơ'bôh 22:13

Inh thoi chư A, jĭ blŭng-a kơla chă adrol kơ đĭ-đăng lăm dôm tơdrong. Păng Inh kư̆m thoi chư Y, tuch-luch năr tôch kư̆m oei đei Inh.”

I Sam 15:29

Hloh kơ noh Kră Yang arih ling-lang lu bơngai Isơrael ưh kơ pơma hơlĕnh, kư̆m ưh kơ tơplih nơ̆r; yua kơ ưh kơ trŏ kơ kon bơngai na mă tơplih nơ̆r!