Biblia Todo Logo
Bìoball air-loidhne

- Sanasan -




Malachi 3:1 - Sơ̆p Hlabơar Nơ̆r 'Bok Kei-Dei

1 “'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Faic an caibideil Dèan lethbhreac




Malachi 3:1
38 Iomraidhean Croise  

Kră Yang khan kơ yŏng inh thoi âu: “Oei gah 'ma kơ Inh bĕ! Dĭng truh tơ Inh dan lu ayăt kơ ih tơ ala kơnơl jơ̆ng ih.”


'Nâu Inh wơh minh 'nu linh jang 'lơ̆ng năm adrol adrol kơ iĕm, wă wei-lăng kơplah iĕm yak năm rok trong mơ̆t tơ anih mă Inh đei hơmet boih.


'Bơ̆t anăp sư, ih athei kơchăng păng mơ̆ng kiơ̆ nơ̆r sư 'nĕ kơ sơngah pơjah plơ̆; kơnh sư ưh kơ mơnat ăn tơdrong yoch ih, yua kơ anăn Inh oei lăm sư.


To Kră Yang jur hăm tơdrong mơsêh mơyang, păng Sư pơgơ̆r hăm ti pran kơtang Sư To, lu bơngai mă Kră Yang dŏng pơklaih gô năm hơdai Sư.


Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.


Yua kơ noh bơih Kră Yang gô tơ'bôh kơ lu iĕm tơdra: Minh 'nu adruh gô anăp tơpŭ kơ minh 'nu kon drŏ-nglo, đe anăn kon sư noh Êmanuel.


Tơdrong Sư pơgơ̆r rai tŏk păng hiôk-hian đei hơnơ̆ng ling-lang ưh kơ đei layơ tôch, tơ anih tang-dŏ pơtao Đawit păng dêh char pơtao pơgơ̆r noh kơjăp pran, hăm tơdrong sek tơlang trŏ păng tơdrong 'lơ̆ng tơpăt đơ̆ng dang ei truh tơ ning-mônh ưh kơ đei layơ tôch, jơhngơ̆m hưch hanh Kră Yang Tih Hloh sĭt gô pơm tơdrong noh!


Hagai bơngai Kră Yang wơh năm na khan tơbăt kơ kon pơlei kiơ̆ thoi nơ̆r Kră Yang bơtho tơbăt thoi âu: “Inh oei hơdai lu iĕm,” Kră Yang khan thoi noh.


Lu iĕm băt boih nơ̆r Inh âu khan kơ lu iĕm, wă kơ tơdrong pơgơ̆p Inh hăm Lêwi.” Kră Yang Tih Hloh khan thoi noh.


Yua kơ hơkŭng 'bơ̆r 'bok soi athei wei tơdrong hlôh wao, lu đe chă tơdrong juăt đơ̆ng lăm 'bơ̆r lu sư, yua kơ lu sư jơ̆ bơngai đơ̆ng Kră Yang Tih Hloh.


'Nâu Inh gô wơh 'bok khan lê̆ adrol anăn sư Êli gô truh tơ lu iĕm adrol kơ năr tih krưp wă truh trŏ kơ năr hli tơpă đơ̆ng Kră Yang.


Sơ̆p hla bơar 'Bok Kei-Dei khan Êli wă jur. Mă tơpă Yôhan noh boih Êli, hli kơ iĕm ưh kơ lui đĕch na khan ưh kơ trŏ kơ Êli.


Ơ dăm, gah ih âu đe gô anăn ih bơngai pơtruh nơ̆r 'Bok Kei-Dei mă Kră Yang Tih Hloh, yua kơ ih gô năm hơdrol kơ Kră Yang wă hơmet ming kon bơngai hơdrol kơ Sư truh.


Yêsu bơtho rim năr tơ lăm hnam akŭm 'Bok Kei-Dei tơm. Na lu 'bok soi tih, lu thây bơtho tơdrong juăt păng lu đe kră pơlei wă rôp pơlôch Sư ră.


Măng 'nâu tơ pơlei Đawit, đe tơpŭ kơ minh 'nu 'Bok Dŏng Pơklaih, 'Bok Kră Yang, Krist.


Na sư kư̆m năm tơ mĕ 'bă Yêsu mơ̆n. Sư bơnê kơ 'Bok Kei-Dei păng roi lê̆ hơdrol gah tơdrong Yêsu kơ đĭ-đăng lu bơngai mă chang gô 'Bok Kei-Dei pơklaih lu kon pơlei Jêrusalem.


Na lăp năr đơ̆ng rŏng dơ̆ng na bre sư 'bôh Sư tơ lăm hnam akŭm 'Bok Kei-Dei tơm tơ Pơlei Jêrusalem. Sư oei hơdai păng lu 'bok thây wă kơ mơ̆ng lu sư bơtho, na Sư kư̆m jet lu đe noh mơ̆n.


Pôl khan gah tơdrong Yôhan sơ̆ thoi âu: “Yôhan pơm 'batem kơ lu bơngai tơbral kơdih tơdrong yoch păng sư bơtho lu bơngai Isơrael athei lu sư lui kơ minh 'nu 'Bok gô truh đơ̆ng rŏng kơ sư, wă khan Yêsu.”


Lăp lu đe Isơrael oei akŭm kơkuh kơ 'Bok Kei-Dei tơ char glă ei sơ̆ đei linh jang 'lơ̆ng 'Bok Kei-Dei pơma kơ Môis tơ kông Sinai, na Môis pơtruh nơ̆r ei kơ lu kơdră bơ̆n. Môis sư iŏk nơ̆r đơ̆ng 'Bok Kei-Dei wă ăn kơ bơ̆n arih ling-lang, pơtruh nơ̆r ei ăn kơ bơ̆n ră.


Lean sinn:

Sanasan


Sanasan