Malachi 2:9 - Sơ̆p Hlabơar Nơ̆r 'Bok Kei-Dei

⁹ “Yua kơ thoi noh na Inh kư̆m đei pơm ăn kơ lu iĕm rai iĕ jing pă rơ-a 'bơ̆t anăp đĭ kon pơlei pơla, yua kơ lu iĕm ưh kơ kiơ̆ trong Inh pơdah kơ đe khan lu iĕm oei lăm khôi juăt.”

Malachi 2:9 Iomraidhean Croise

I Pot 22:28

Mikai tơl: “Tơdah ih brŏk hiôk-hian lei Kră Yang ưh kơ yua nơ̆r inh pơma ôh.” Sư khan dơ̆ng: “Ơ rim 'nu kon pơlei pơla, iĕm athei 'blŏk nơ̆r inh pơma.”

Jop 32:21

Inh ưh kơ đei 'mêm kơ mah kah kơ hu ôh, Kŭm ưh kơ đei pôk hơtŏk bơngai ayơ.

Tơdrông Pơđơk 10:7

Tơdrong 'blŏk kơ lu bơngai tơpăt noh pŭn hiôk, Mă-lei anăn lu bơngai kơnê̆ ôm hach.

Tơdrông Pơđơk 12:8

Bơngai bu gơh hơgei đei đon tơpăt đe bơnê. Mă-lei bơngai bu jơhngơ̆m kơnê̆ đe pơchê pơjăm.

Êsêkiên 13:21

Inh gô iŏk hek lê̆ che gom lu iĕm, na pơklaih kon pơlei Inh đơ̆ng tơpang ti lu iĕm, lu sư ưh pă jing tơmam lăm tơpang ti lu iĕm, chă lua rôp dơ̆ng, na lu iĕm gô băt Inh boih Kră Yang.

Êsêkiên 7:26

Tơdrong gleh răm âu truh kư̆m đei dơ̆ng tơdrong gleh răm nai truh; kơtơ̆ng ang đei tơdrong âu kư̆m đei kơtơ̆ng ang tơdrong nai hai dơ̆ng. Lu sư chă tơdrong tơ'bôh đơ̆ng lu bơngai khan lê̆ adrol; tơdrong bơtho tơ'bôh khôi juăt đơ̆ng 'bok soi hăm đơ̆ng lu kră tă kơ hiong tôch đĭ bơih.

Mi 3:11

Lu bơngai sek tơlang sek pơgâm, lu 'bok soi bơtho tơ'bôh yua kơ jên đe apah, bê̆ gah lu bơngai khan lê̆ adrol pơma tơ'bôh kư̆m yua kơ jên. Mă-lei lu sư pơm gơnang kơ Kră Yang na khan: Kră Yang ưh kơ oei lăm lu bơ̆n hă? Tơdrong răm huay kơ truh tơ lu bơ̆n ôh!

Na 3:6

Inh gô klơ̆m lê̆ tơdrong kơnê̆ 'mê̆-'mach krưp dêh tơ ih, ăn kơ đe pơjăm pơjuă ih, ăn kơ đe lăng hiĕk achơ̆ kơ ih.

Malachi 2:3

Tơpă, Inh gô chrih kơ adrĕch lu iĕm rei, kon sâu iĕm păng Inh gô săi 'mê̆ tơ muh măt lu iĕm, wă khan 'mê̆ đơ̆ng ĭch đơ̆ng sem dơrong lu iĕm pơyơ̆r; na Inh gô puh tơweh lu iĕm đơ̆ng anăp Inh.

Malachi 2:8

Mă-lei, tơplơ̆ dơ̆ng, lu iĕm rok trong nai, pơm kơ lơ bơngai pơm glăi kơ khôi juăt păng lu iĕm pơm glăi boih kơ nơ̆r Inh pơgơ̆p hăm Lêwi.” Kră Yang Tih Hloh khan thoi noh.

Luka 10:29

Mă-lei 'bok thây noh sư ưh kơ 'mêm kơ đĭ-đăng khŭl bơngai na sư apinh Yêsu dơ̆ng: “Lu đe bu bôl buăl inh?”

Luka 11:42

“Ơ lu bơngai Pharisi, ning-mônh iĕm pơmat-tat dêh. Iĕm pơm hăt hot tĕch lu tơmam hơi thoi lĕ kơ hla gơsơ̆m, hla hla-kat, dôm hla 'nhot nai, iŏk jên noh pơm pơyơ̆r kơ 'Bok Kei-Dei minh lăm mơjĭt. Mă-lei gah tơdrong kăl hloh thoi lĕ kơ pơm 'lơ̆ng kơ đe păng 'mêm bơnê kơ 'Bok Kei-Dei, tơdrong noh iĕm pơm pơhơi, ưh kơ wă. Mă tơdrong iĕm pơyơ̆r tơmam hơi noh kư̆m trŏ mơ̆n, mă-lei iĕm athei pơm 'lơ̆ng kơ đe păng 'mêm bơnê kơ 'Bok Kei-Dei, 'noh kăl hloh.

Galati 2:6

Lu bơngai đe pôk pơm tih pơgơ̆r bơngai lui, inh băt mơ̆n lu sư oei hơdai Yêsu sơ̆, mă-lei 'Bok Kei-Dei pơgơ̆p jơhngơ̆m đon lu nhôn lei-lăi đĕch, lu sư ưh kơ đei wă ming tơplih tơdrong inh bơtho ôh.

Both 1:17

Lăm tơdrong jang sek tơlang, lu iĕm 'nĕ kơ mơ̆t minh pah; athei mơ̆ng mă bơngai iĕ dah bơngai pơm tih, 'nĕ hli kơ bơngai bu, yua kơ tơdrong sek tơlang âu kiơ̆ kơ Kră Yang 'Bok Kei-Dei, tơdah đei tơdrong kiơ anat kơ lu iĕm, athei chông ba tơ inh, inh gô mơ̆ng lăm tơdrong noh.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.