Malachi 1:3 - Sơ̆p Hlabơar Nơ̆r 'Bok Kei-Dei

³ Mă-lei Inh 'mêm kơ Jakôp areh kơ Êsâu, Inh pơm ăn kơ lu bri kông sư jing juơ păng jao mŭk tơmam sư ăn kơ lu kŏ bri tơ lăm char 'blach sa.”

Malachi 1:3 Iomraidhean Croise

Bl 25:23

Kră Yang khan thoi âu: “'Bar tŏ dêh char oei lăm klak ih, păng đei 'bar adrĕch kon pơlei gô đei đơ̆ng lăm klak; kon pơlei âu gô pran hloh kơ kon pơlei noh, păng bơngai 'lŏ gô yom kơ bơngai 'lơ̆p.”

Êsai 35:7

Teh chuơh tŏ gô jing dơnâu, teh hrĕng kro gô đei tu đak mơlĕch lơ. Anih đêl kŏ bri oei gô jing đei 'nhĕt gơlăr păng trang.

Je 49:10

Mă-lei Inh gô iŏk đĭ mŭk tơmam Êsâu, Inh pơih pơdah đĭ boih anih lu sư ôn, na kơ lu sư ưh pă gơh ôn đơ̆ng. Đe pơrăm pơlôch đĭ boih lu kon sâu sư, 'nhŏng oh sư, lu bơngai rông 'bôt sư, lu sư ưh pă đei bu oei arih. Ưh kơ đei bu chro ti dŏng tơgŭma

Je 49:20

Thoi noh mơ̆ng bĕ Kră Yang wă pơm kơ char Eđôm, păng tơdrong sư pơkă wă pơm kơ kon pơlei Têman: Mă lu kon triu oei iĕ đe gô rôp ba pơđĭ, Tơpă sư gô pơrăm lê̆ tơmăn 'nhĕt lu sư.

Je 49:33

“Tơring char Hasor jing anih ăn kơ kŏ bri oei ling-lang, Jing juơ tơtŭng hlŏng hloi. Ưh kơ đei bu oei tơ noh, ưh pă đei bơngai bu dơ̆ng pơm anih oei tơ noh!

Je 49:7

Gah dêh char Eđôm: 'Nâu Kră Yang Tih Hloh khan: “Lăm pơlei Têman ưh pă đei bơngai gơh hơgei boih hă? Lu bơngai gơh hơgei ưh pă đei đon pơđâu boih hă? Tơdrong hơgei sư hiong đĭ boih hă?

Je 49:8

Ơ kon pơlei oei lăm plei Đêdan! Bơkuĕch kơdâu bĕ, oei bĕ tơ lăm trôm kông jrŭ; Inh wă ăn tơdrong truh pơrăm Êsâu. Lăm năr Inh phak sư.

Je 51:37

Babilôn gô jing rơ̆m rĕch, Jing anih kơ lu kŏ bri oei, Anih juơ rơhiăng, ưh pă đei bơngai oei tơ noh. Bu rok trong noh lăng krưp chơbơle.

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Nhom 4:22

Ơ kon adruh Siôn, tơdrong phak yoch e truh boih, Kră Yang huay kơ puh e pơm bơnă dơ̆ng. Ơ kon adruh Eđôm, Kră Yang gô phak yoch e; gô tơ'bôh tơdrong kơnê̆ e!

Êsêkiên 36:7

Na, Kră Yang khan thoi âu: Inh yơ̆r ti pơkă: Lu dêh char jum dăr kơ ih tơpă lu sư gô mơlâu!

Êsêkiên 36:9

Inh gô wei-lăng ih, tơchĕng gah ih păng đe gô choh pơtăm păng rei jơmŭl ih dơ̆ng.

Jôel 3:19

Dêh Êyiptơ gô jing bri juơ, Eđôm kư̆m gô jing bri rơwơ̆ng, yua kơ lu sư pơm kơnê̆ kơ lu kon sâu Juđa, păng đei pơlôch tơlĕch pham lu bơngai tơpăt lăm teh đak Juđa.

Ob 1:10

Noh yua kơ đơ̆ng tơdrong kơnê̆ ih pơm kơ oh ih Jakôp, mă ih gô pŭ iŏk mơlâu păng lôch hiong ling-lang hlong hloi!

Luka 14:26

“Bơngai bu wă kiơ̆ Inh, mă-lei sư 'mêm kơ mĕ 'bă sư, kon akăn sư, 'nhŏng oh sư hloh kơ sư 'mêm kơ Inh păng sư 'mêm kơ akâu sư kơdih, lei sư ưh kơ gơh jing bơngai kiơ̆ Inh ôh.