Luka 9:7 - Sơ̆p Hlabơar Nơ̆r 'Bok Kei-Dei

⁷ Pơtao Hêrôt kơtơ̆ng dôm tơdrong mă Yêsu pơm na sư hơwơ̆l kơ Yêsu, ưh kơ băt Sư bu, yua kơ lu bơngai mơ'nah khan Yêsu Yôhan mă pơm kơ đe 'batem ki, khan sư lôch iung arih.

Luka 9:7 Iomraidhean Croise

Horiso 73:19

Ơ lăng deh, lu sư răm hloi 'bônh đĕch! Tơdrong hli krưp hơpuih pơgoh lu sư.

Êsai 22:5

Kră Yang Tih Hloh pơkă bơih, gô đei minh năr tơdrong rŭng răng, pơjuă pơđep iung blah lăm anih thŭng tơdrong tơ'bôh, lu dur pơlei pơchah hơlih, nơ̆r krao ôr dŏng jơwa truh tơ kông.

Mi 7:4

Bơngai pơm 'lơ̆ng hloh lăm lu sư thoi jơla bơmrôm, lu bơngai tơpăt hloh kư̆m kơnê̆ hloh kơ dur jơla. Tơdrong lu bơngai gak ih roi năr phak ih truh boih, dang ei tơdrong hơwơ̆l hơwang lu sư truh boih.

Mathiơ 11:2

Yôhan mă pơm kơ đe 'batem, đe tah sư lăm hnam phak. Sư kơtơ̆ng ang tơdrong mơsêh mơyang 'Bok Krist pơm, na sư wơh lu bơngai pơhrăm păng sư năm jet Yêsu thoi âu:

Markôs 8:28

Na lu bơngai pơhrăm păng Sư khan: “Mơ'nah khan Ih Yôhan, bơngai mă pơm 'batem kơ đe. Mơ'nah khan Ih Êli, bơngai mă pơtruh nơ̆r 'Bok Kei-Dei sơ̆. Mơ'nah dơ̆ng kư̆m khan Ih minh 'nu bơngai pơtruh nơ̆r 'Bok Kei-Dei nai sơ̆.”

Luka 13:31

Kơplah Yêsu oei bơtho 'bơ̆t ei đei lu bơngai Pharisi năm tơ Sư păng khan: “Ih athei weh tơ nai yua kơ Hêrôt wă chă pơlôch Ih.”

Luka 21:25

“Iĕm gô 'bôh tơdrong hlĭch hlăch tơ măt 'năr, tơ măt khei păng lu sơnglŏng mơ̆n. Tơ ala teh âu lu teh đak đei tơdrong gleh tơpă. Lu sư hli kơ jơwa đak dơsĭ poh-yă tih.

Luka 23:7

Lu sư khan kơ Pilat thoi âu: “Sư bơngai Galilê tơpă.” Na mă Pilat wơh đe anhăk ba Sư tơ pơtao Hêrôt, yua kơ Hêrôt pơgơ̆r dêh Galilê. Hêrôt hơtai ei sư năm ngôi tơ Pơlei Jêrusalem.

Luka 3:1

'Bok Kei-Dei tơbăt kơ Yôhan mă kon Sachari nơ̆r Sư tơ char glă sơ̆. Kơplah noh sơ̆ 'bok Tiberi pơm pơtao tơm lu bơngai Rôm đei mơjĭt-pơđăm sơnăm boih. Bonsơ Pilat pơgơ̆r dêh char Juđê, na Hêrôt pơgơ̆r dêh char Galilê. Đơ̆ng noh dơ̆ng 'bok Philip, oh Hêrôt, sư pơgơ̆r dêh char Itur păng dêh char Trachônit. Na 'bok Lisan pơgơ̆r dêh char Abilen. Kơplah ei sơ̆ 'bok Ana păng 'bok Kaiphe oei pơm 'bok soi tơm đe Juđê.

Luka 9:19

Lu sư khan: “Mơ'nah đe krao Ih Yôhan, bơngai pơm kơ đe 'batem. Mơ'nah khan Ih Êli, bơngai mă pơtruh nơ̆r 'Bok Kei-Dei sơ̆. Mơ'nah dơ̆ng kư̆m khan Ih minh 'nu bơngai pơtruh nơ̆r 'Bok Kei-Dei nai sơ̆ iung arih dơ̆ng.”