Luka 9:45 - Sơ̆p Hlabơar Nơ̆r 'Bok Kei-Dei

⁴⁵ Mă khan Yêsu pơma hơdah tơdrong noh, lu sư ưh kơ hlôh păng lu sư kư̆m ưh kơ pơ̆n jet Yêsu.

Luka 9:45 Iomraidhean Croise

Mathiơ 16:22

Na Pêtrôs krao Yêsu weh ataih 'biơ̆, sư wă khă Yêsu yua kơ Yêsu pơma thoi noh hei. Pêtrôs khan: “Ơ 'Bok, apinh 'Bok Kei-Dei 'nĕ ăn truh kơ Ih tơdrong 'noh.”

Mathiơ 17:22

Kơplah lu sư brŏk akŭm tơ dêh Galilê Yêsu roi dơ̆ng tơdrong Sư wă lôch: “Đe gô rôp pơjao Inh Kon Bơngai tơ ti kon bơngai tơ ala teh âu.

Markôs 9:10

Thoi noh na lu sư ôn tơdrong 'noh tơtăm lu sư kơdih. Mă-lei lu sư ưh kơ băt ôh akâu Yêsu gô lôch iung arih noh, na lu sư jet tơduă lu sư wă kơ băt tơdrong Yêsu khan: “Truh Inh Kon Bơngai iung arih đơ̆ng lôch ning-mônh.”

Markôs 9:32

Mă-lei lu sư ưh kơ hlôh ôh Yêsu pơma thoi noh păng ưh kơ pơ̆n jet Sư tăm.

Luka 18:34

Yêsu pơma tơpăt tơdrong Sư gô lôch tơpă, mă-lei lu bơngai pơhrăm păng Sư ưh kơ hlôh tơdrong Sư pơma noh wă khan kiơ.

Luka 2:50

Mă-lei bre sư ưh kơ hlôh Yêsu wă pơma kiơ.

Luka 9:46

Lu bơngai pơhrăm păng Yêsu oei pơjah dih băl bu lăm lu sư pơm tih 'biơ̆ kơ tơduă lu sư.

Yo 12:16

Hơtai ei lu bơngai pơhrăm păng Sư ưh kơ tơchĕng tơdrong âu pơma roi gah tơdrong Yêsu năm tơ Pơlei Jêrusalem. Mă-lei đơ̆ng rŏng kơ Yêsu lôch iung arih tŏk tơ plĕnh lu sư 'blŏk hơdơ̆r tơdrong đe chih noh. Na lu sư băt boih tơdrong noh roi kơ Sư mơ̆t tơ Pơlei Jêrusalem.

Yo 12:34

Lu bơngai tơpôl lơ ei khan kơ Yêsu: “Nhôn đŏk lăng lăm sơ̆p hla bơar 'Bok Kei-Dei khan: 'Bok Krist arih ling-lang ưh kơ layơ lôch. Na Ih khan đe gô atol pơlôch Kon Bơngai tơ 'long pơglang. Kon Bơngai ei bu? Ưh kơ sĭ 'Bok Krist hă?”

Yo 14:5

Na Thôm khan: “Ơ 'Bok, nhôn ưh kơ băt Ih năm tơ yơ, thoi yơ nhôn gơh chă trong năm tơ Ih?”

Yo 4:33

Na lu bơngai pơhrăm păng Sư pơma dih băl: “Đe ăn kơ Sư tơmam sa tơpă dah kiơ?”