Luka 9:42 - Sơ̆p Hlabơar Nơ̆r 'Bok Kei-Dei

⁴² Kơplah 'lơ̆p noh năm wă jê̆ Yêsu na yang kơnê̆ glơ̆m lê̆ sư arăng jơ'mro. Na Yêsu pơma pơpuh tơlĕch lê̆ hloi yang kơnê̆ 'nei đơ̆ng akâu sư ưh pă layơ mơ̆t dơ̆ng. Na Sư pơjao 'lơ̆p 'nei kơ 'bă sư dơ̆ng.

Luka 9:42 Iomraidhean Croise

I Pot 17:23

Êli glơng bơngai 'lơ̆p 'noh đơ̆ng anih kơpal jur tơ ala, jao bơngai 'lơ̆p 'noh kơ mĕ sư păng khan, “ih lăng âu kon ih arih bơih.”

II Pot 4:36

Na Êlisê krao hloi Gêhasi, na khan: “Ih krao bơngai drŏ-kăn Pơlei Sunem noh tơ âu.” Gêhasi krao hĭ duch ei. Duch ei kơdâu tơkan tơ sư, na sư khan kơ duch ei: “Iŏk pôk kon ih bĕ.”

Markôs 9:20

Na đe năm ba 'lơ̆p ei tơ Sư. Lăp yang kơnê̆ 'bôh Yêsu, yang kơnê̆ glơ̆m 'lơ̆p ei tơgrŏl hloi akâu sư kơdih. Đak hai sư lĕch djơdjih djơdjah.

Luka 7:15

Gruih sư iung tơoei păng pơma. Đơ̆ng noh Yêsu pơjao ăn kơ mĕ sư.

Luka 9:39

Phŏ phŏ yang kơnê̆ glơ̆m sư na sư ôr. Yang kơnê̆ pơm kơ sư lĕch đak hai djơdjih djơdjah. Yang kơnê̆ glơ̆m pơm kơ sư jĭ dêh 'mơ̆i na jăk jăi.

Luka 9:41

Na Yêsu khan: “Ơ lu iĕm mă oei lui rơdu hơnơ̆ng kư̆m oei pơm yoch, iĕm wă kơ Inh oei hơdai iĕm đunh dang yơ 'mơ̆i na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm.”

Luka 9:43

Na đĭ-đăng lu đe 'bơ̆t ei sơleng kơ đon yua kơ 'bôh 'Bok Kei-Dei pơm tơdrong mơsêh mơyang thoi noh. Kơplah lu bơngai tơpôl oei tơchĕng sơleng kơđon kơ dôm tơdrong Yêsu pơm, na Yêsu khan kơ lu bơngai pơhrăm păng Sư kơdrô̆ lu sư thoi âu:

Yo 6:19

Lu sư wơ̆r thŏng-nan ataih dang pơđăm tơdrâu kơsô̆ boih na lu sư 'bôh hloi Yêsu yak kơpal đak dơsĭ năm jê̆ thŏng-nan lu sư. Lu sư hli krê tơpă.

Jang 9:41

Đơ̆ng noh Pêtrôs rôp ti sư tơiung sư hloi. Klaih kơ noh Pêtrôs krao đe yă adro păng lu bơngai lui, tơ'bôh kơ lu sư yă Đêka iung arih boih.

Tơdrông Tơ'bôh 12:12

Thoi noh na ơ lu mă oei tơ plĕnh, gah lu iĕm hiôk boih, mă-lei mơnat kơ lu đe mă oei tơ teh păng oei tơ đak dơsĭ, yua kơ yang Satan huŏng tơ teh truh tơ lu sư boih. Satan jơhngơ̆m sư kơnê̆ 'maih hil 'maih areh kơ đe, yua kơ sư băt kơdih khei 'năr sư tơ teh ưh pă đunh boih.”