Luka 9:28 - Sơ̆p Hlabơar Nơ̆r 'Bok Kei-Dei

²⁸ Dang tơhngam năr đơ̆ng rŏng kơ Yêsu bơtho tơdrong noh Yêsu anhăk lu bơngai pơhrăm păng Sư, anăn lu sư Pêtrôs, Yôhan păng Yakơ, lu sư tŏk tơ kông kơdrô̆ lu sư wă krao khan.

Luka 9:28 Iomraidhean Croise

Horiso 109:4

Mă inh 'mêm kơ lu sư, lu sư oei ayăt kơ inh. Mă inh oei krao khan kơ lu sư.

Mathiơ 14:23

Đơ̆ng noh na Yêsu sơlah đơ̆ng lu bơngai tơpôl noh tŏk tơ kông kơdrô̆ wă krao khan kơ 'Bă Sư. Lăp 'năr mơ̆t măng mơt boih Sư oei tơ noh mơ̆n.

Mathiơ 5:1

Yêsu 'bôh lơ bơngai wă năm tơ Sư, na Sư tŏk tơ kông; truh kơpal kông boih na Sư tơoei wă bơtho đe, lu bơngai pơhrăm păng Sư năm tơ Sư tơ ei.

Markôs 1:35

Lăp pơgê hrôih năr đơ̆ng rŏng, Yêsu lĕch hloi đơ̆ng pơlei ei năm tơ anih kueng kơdrô̆, Sư krao khan kơdrô̆ Sư tơ ei.

Markôs 6:46

Đơ̆ng noh na Yêsu tơklah đơ̆ng lu đe ei tŏk tơ kông kơdrô̆ Sư wă krao khan kơ 'Bă Sư.

Luka 3:21

Kơplah đe tam mă phak Yôhan sơ̆ sư pơm 'batem kơ lu kon tơring tơrang. Đơ̆ng noh sư kư̆m pơm kơ Yêsu 'batem mơ̆n. Lăp Yêsu iŏk 'batem đang boih na Sư krao khan kơ 'Bok Kei-Dei, na plĕnh tơpơih.

Luka 5:16

Mă-lei hơtai noh Yêsu wă năm krao khan kơ 'Bă Sư 'Bok Kei-Dei tơ anih kueng, na Sư năm hloi.

Luka 6:12

Kơplah ei Yêsu tŏk tơ groi kông wă krao khan kơ 'Bok Kei-Dei. Sư krao khan tơ noh prăt măng hloi.

Luka 8:51

Lăp lu sư truh tơ hnam Jairut boih, na Yêsu ăn lăp Pêtrôs, Yôhan, Yakơ păng mĕ 'bă adruh ei đĕch mơ̆t tơ hnam noh.

Luka 9:18

Minh năr ei Yêsu oei krao khan kơdrô̆, na lu bơngai pơhrăm păng Sư năm tơ Sư. Na Yêsu jet lu sư: “Lu kon pơlei pơla sư krao anăn Inh bu?”

Yo 6:3

Yêsu tŏk tơ kông oei hơdai lu bơngai pơhrăm păng Sư tơ kông noh.

II Kor 13:1

Wă pêng 'măng kơ âu boih inh năm tơ iĕm, mă-lei ưh kơ sĭ năm chă jâu đe kư̆ kă ôh; tơ̆ng 'bar pêng 'nu 'bôh sư pơm yoch tơpă, na gơh pơma kơ sư.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.

II Pet 1:16

Nhôn roi kơ iĕm tơdrong Kră Yang Yêsu Krist Sư mơsêh mơyang đơ̆ng sơ̆ 'mơ̆i păng tơdrong Sư wă jur tơ teh ning-mônh; ưh kơ sĭ nhôn chă pơjing kơdih thoi lu bơngai 'bơ̆r đon hơgei chă pơjing, ưh ôh. Nhôn 'bôh Sư mơsêh mơyang, Sư 'lơ̆ng rŏ tơpă, na nhôn gơh roi kơ lu iĕm thoi noh.