Luka 9:26 - Sơ̆p Hlabơar Nơ̆r 'Bok Kei-Dei

²⁶ Ning-mônh Inh Kon Bơngai gô jur tơ ala teh âu dơ̆ng, hơdai păng lu linh jang 'lơ̆ng. Năr 'noh kơnh 'Bă Inh gô ăn kơ Inh mơsêh mơyang 'lơ̆ng rŏ tơpă. Na bơngai bu khan sư kiơ̆ Inh boih, mă-lei sư kơdơ̆ mơlâu kơ đe na kuă kơ bơtho kơ đe tơdrong Inh, năr 'noh kơnh Inh kư̆m kuă kơ sư mơ̆n.

Luka 9:26 Iomraidhean Croise

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Da 7:10

Đơ̆ng 'bơ̆t anăp sư, đei glung ŭnh ro tơ jơ̆p-jang; rơbâu hơngan linh jang awih awăn kơ sư păng rơbâu hơngan kon bơngai dơ̆ng 'bơ̆t anăp sư. Tơdrong sek tơlang hơmet lê̆ boih păng đe kư̆m pơih lu sơ̆p hla bơar.

Mathiơ 16:27

Ning-mônh Inh Kon Bơngai gô jur dơ̆ng tơ teh âu hơdai păng linh jang 'lơ̆ng. Năr 'noh kơnh 'Bă Inh ăn kơ Inh mơsêh mơyang tih-tin rŏ sor tơpă. Inh gô sek tơlang kơ rim 'nu bơngai kiơ̆ thoi sư pơm tơ teh âu sơ̆.

Mathiơ 25:31

“Năr ei kơnh Inh Kon Bơngai mơsêh tih-tin 'lơ̆ng rŏ jur tơ teh âu hơdai păng lu linh jang 'lơ̆ng, Inh gô oei kơpal tang-dŏ pơtao 'lơ̆ng rŏ.

Mathiơ 26:64

Yêsu tơl: “Trŏ boih. Inh khan kơ iĕm tơpă, ning-mônh iĕm gô 'bôh Inh Kon Bơngai oei gah 'ma kơ Kră Yang 'Bok Kei-Dei mơsêh tih-tin na đơ̆ng noh jur đơ̆ng plĕnh hăm hơmơ̆l.”

Markôs 8:38

Ning-mônh Inh Kon Bơngai gô jur tơ ala teh âu hơdai păng lu linh jang 'lơ̆ng. Năr 'noh kơnh 'Bă Inh gô ăn kơ Inh mơsêh mơyang 'lơ̆ng rŏ tơpă. Na bơngai bu kiơ̆ Inh boih, mă-lei sư kơdơ̆ mơlâu kơ lu bơngai kơnê̆ tam lui na sư kuă kơ bơtho lu sư tơdrong Inh, năr 'noh kơnh Inh kư̆m kuă kơ sư mơ̆n.”

Yo 12:43

Lu kră ei wă kơ lu bôl buăl sư lăp đon kơ lu sư hloh kơ lu sư wă kơ 'Bok Kei-Dei lăp đon kơ lu sư.

Yo 5:44

Na lơliơ iĕm gơh lui lĕ? Ling-lang iĕm wă kơ bôl iĕm lăp đon kơ iĕm. Minh 'nu Kră Yang 'Bok Kei-Dei đĕch tih hloh tơpă mă-lei iĕm ưh kơ wă Sư lăp đon kơ iĕm.

Jang 10:22

Lu sư khan: “'Bok Kôrnei sư yŏng linh, sư athei nhôn năm tơ ih tơ âu. Sư bơngai tơpăt, lui kơ 'Bok Kei-Dei mơ̆n. Đĭ-đăng lu bơngai Juđê kư̆m khan sư 'lơ̆ng. Linh jang 'lơ̆ng đơ̆ng 'Bok Kei-Dei athei sư krao ih năm tơ hnam sư wă kơ sư gơh kơtơ̆ng nơ̆r ih bơtho.”

Rom 1:16

Tơdrong 'nao 'lơ̆ng Yêsu Krist kăl tơpă na inh bơtho đe ưh kơ mơlâu. Tơdrong noh tơbăt ăn kơ bơ̆n 'Bok Kei-Dei mơsêh mơyang tơpă pơklaih bơ̆n đơ̆ng tơdrong yoch na ăn kơ bơ̆n oei hiôk hăm Sư. Thoi noh dôm lu bơngai lui kơ tơdrong noh 'Bok Kei-Dei pơklaih ngăl. Lu bơngai Juđê lui hơdrol, đơ̆ng noh lu bơngai nai lui.

II Kor 12:10

Yua kơ inh wă pơư pơang anăn Yêsu Krist, na inh đei tơdrong rơdu tơrăn, đei tơdrong đe pơjăm, đei tơdrong gleh truh, tơdrong đe pơm pơmat inh, tơdrong anat anot, mă-lei jơhngơ̆m inh hiôk rai pran.

Galati 6:14

Gah inh ưh kơ đei pơang akâu inh kơdih ôh, inh wă pơang đe gah 'long pơglang Yêsu đĕch. Yua kơ Kră Yang Yêsu Krist lôch tang inh tơ 'long pơglang tơpă na inh lê̆ đĭ-đăng tơdrong ala teh âu, dang lĕ inh pơ̆ng lê̆ dôm tơdrong ala teh âu tơ 'long pơglang, kư̆m dang inh lôch tơ 'long pơglang ưh pă kiơ̆ dôm tơdrong ala teh âu.

I Tim 5:21

Kră Yang bơ̆n 'Bok Kei-Dei, Yŏng bơ̆n Yêsu Krist păng linh jang 'lơ̆ng Sư 'bôh bơ̆n ling-lang na ih athei kơchăng pơm kiơ̆ dôm tơdrong inh pơkă kơ ih 'noh. Inh wă kơ ih lăng đĭ-đăng bơngai lei-lăi đĕch, ih 'nĕ kơ lăng minh 'nu bơngai hloh kơ đe nai.

II Tim 1:12

Yua kơ inh bơtho tơdrong 'noh yơh na dang ei inh đei tơdrong pơmat-tat âu. Mă-lei inh ưh kơ mơlâu kơ đe ôh yua kơ inh băt kơdih inh lui kơ Kră Yang păng inh băt Sư tơgŭm inh jang tơdrong Sư khŏm khŏm truh năr Yêsu Krist jur tơ teh âu ning-mônh dơ̆ng.

II Tim 2:12

Dah bơ̆n đei tơdrong gleh pơmat-tat, bơ̆n oei adrin kiơ̆ Sư khŏm khŏm, lei bơ̆n kư̆m pơgơ̆r hơdai hăm Sư ning-mônh mơ̆n. Dah bơ̆n achăng Sư dang ei, lei pă jor Sư kư̆m achăng bơ̆n ning-mônh.

Hêbrơ 11:26

Sư tơchĕng lê̆ đe pơmat sư yua kơ sư kiơ̆ tơdrong 'Bok Krist, hiôk hloh kơ sư iŏk dôm mŭk tơmam pơtao tơ dêh Êyiptơ yua kơ ning-mônh sư băt kơ 'Bok Kei-Dei gô apah sư lơ hloh.

Hêbrơ 13:13

Thoi noh na bĕ bơ̆n năm kiơ̆ Sư tơ jih pơlei iŏk dôm tơdrong kon pơlei hil areh che bơle pơmat Sư sơ̆.

Ju 1:14

Ênŏk sư kon sâu jơhnơr mă tơpơh, jô̆ đơ̆ng jơhnơr Ađam. Sư đei pơma khan lê̆ hơdrol gah lu bơngai noh sơ̆ thoi âu: “Kră Yang wă jur hăm dôm rơbâu rơngan 'nu lu linh jang 'lơ̆ng Sư,

Tơdrông Tơ'bôh 1:7

Ning-mônh Sư wă jur tơ bơ̆n hăm hơmơ̆l. Đĭ-đăng kon bơngai gô 'bôh Sư. Lu bơngai mă pơ̆ng pơlôch Sư tơ 'long pơglang sơ̆ kư̆m 'bôh Sư mơ̆n. 'Bơ̆t noh kơnh đĭ-đăng khŭl kon bơngai jơ̆p kơ teh đak nhơ̆m hmoi 'bơ̆t anăp Sư; tơpă, trŏ kơ nhơ̆m hmoi tơpă mơ̆n. A-men.

Tơdrông Tơ'bôh 20:11

Inh kư̆m 'bôh minh pôm tang-dŏ tih krưp kok 'lơ̆ng păng 'bôh minh 'nu 'Bok oei kơpal tang-dŏ noh. Kơplah noh plĕnh păng teh hiong hiach đĭ, dang sư hli tơrơ kơ 'Bok noh jing ưh pă đei plĕnh păng teh tơ yơ.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Tơdrông Tơ'bôh 3:5

‘Tơdrong tơblah păng yang kơnê̆ jei bu, Inh gô ăn kơ sư hrŭk ao kok thoi noh mơ̆n. Inh ưh kơ sut lê̆ anăn sư tơ hla bơar mă đêl Inh chih wă ăn kơ sư arih ôh. Inh rai roi kơ 'Bă Inh păng roi kơ lu linh jang 'lơ̆ng tơdrong sư lui kơ Inh kơjăp.