Luka 9:18 - Sơ̆p Hlabơar Nơ̆r 'Bok Kei-Dei

¹⁸ Minh năr ei Yêsu oei krao khan kơdrô̆, na lu bơngai pơhrăm păng Sư năm tơ Sư. Na Yêsu jet lu sư: “Lu kon pơlei pơla sư krao anăn Inh bu?”

Luka 9:18 Iomraidhean Croise

Mathiơ 14:23

Đơ̆ng noh na Yêsu sơlah đơ̆ng lu bơngai tơpôl noh tŏk tơ kông kơdrô̆ wă krao khan kơ 'Bă Sư. Lăp 'năr mơ̆t măng mơt boih Sư oei tơ noh mơ̆n.

Mathiơ 26:36

Đơ̆ng noh Yêsu năm hơdai hăm lu bơngai pơhrăm păng Sư tơ anih mă đe anăn Gêtsêmanê. Yêsu khan kơ lu sư: “Iĕm oei 'bơ̆t âu, Inh wă năm krao khan tơ to.”

Luka 11:1

Minh năr ei Yêsu oei krao khan tơ minh anih ei. Lăp đang kơ Sư krao khan boih đei minh 'nu bơngai pơhrăm păng Yêsu khan kơ Sư: “Ơ 'Bok, sơ̆ Yôhan bơtho lu bơngai pơhrăm păng Sư krao khan. Dang ei nhôn kư̆m 'maih kơ Ih bơtho nhôn lei-lăi thoi noh mơ̆n.”

Luka 3:21

Kơplah đe tam mă phak Yôhan sơ̆ sư pơm 'batem kơ lu kon tơring tơrang. Đơ̆ng noh sư kư̆m pơm kơ Yêsu 'batem mơ̆n. Lăp Yêsu iŏk 'batem đang boih na Sư krao khan kơ 'Bok Kei-Dei, na plĕnh tơpơih.

Luka 6:12

Kơplah ei Yêsu tŏk tơ groi kông wă krao khan kơ 'Bok Kei-Dei. Sư krao khan tơ noh prăt măng hloi.

Luka 9:19

Lu sư khan: “Mơ'nah đe krao Ih Yôhan, bơngai pơm kơ đe 'batem. Mơ'nah khan Ih Êli, bơngai mă pơtruh nơ̆r 'Bok Kei-Dei sơ̆. Mơ'nah dơ̆ng kư̆m khan Ih minh 'nu bơngai pơtruh nơ̆r 'Bok Kei-Dei nai sơ̆ iung arih dơ̆ng.”

Luka 9:28

Dang tơhngam năr đơ̆ng rŏng kơ Yêsu bơtho tơdrong noh Yêsu anhăk lu bơngai pơhrăm păng Sư, anăn lu sư Pêtrôs, Yôhan păng Yakơ, lu sư tŏk tơ kông kơdrô̆ lu sư wă krao khan.

Luka 9:29

Kơplah Yêsu oei krao khan, muh măt Sư tơwir hloi păng ao Sư rang hơdah mơnhal.