Luka 8:9 - Sơ̆p Hlabơar Nơ̆r 'Bok Kei-Dei

⁹ Klaih kơ noh lu bơngai pơhrăm păng Sư jet Sư khan: “Tơdrong mă Ih pơtih gia noh hei wă khan kiơ?”

Luka 8:9 Iomraidhean Croise

Hôsia 6:3

Bĕ bơ̆n chơchă wă kơ băt Kră Yang. Ăn kơ bơ̆n băt kơnăl mă nhen Kră Yang. Tơdrong Sư truh sĭt tơpă thoi măt 'năr lĕch gah pơgê hrôih, Sư truh tơ lu bơ̆n thoi đak 'mi, thoi 'mi jur chruh kơ teh tuch-luch bơyan.

Mathiơ 13:10

Klaih kơ noh lu bơngai pơhrăm păng Sư năm jet Sư: “Yua kơ kiơ Ih wă bơtho pơjuang ngăl?”

Mathiơ 13:18

“Iĕm mơ̆ng bĕ wă kơ hlôh tơdrong bơngai rei 'ba 'noh hei wă khan kiơ.

Mathiơ 13:36

Yêsu bơtho kơ lu bơngai tơpôl đang boih, na Sư mơ̆t tơ hnam. Lu bơngai pơhrăm năm jet Sư thoi âu: “Apinh Ih tơblang kơ nhôn tơdrong pơtih gia 'ba păng 'nhĕt chăt hơdai noh hei wă khan kiơ.”

Mathiơ 15:15

Pêtrôs khan: “Apinh Ih tơblang kơ nhôn tơdrong Ih pơtih gia noh hei.”

Markôs 4:10

Lăp lu đe nai wih boih, na lu mơjĭt-'bar 'nu bơngai pơhrăm păng Sư păng lu bơngai nai tam mă wih, oei tăp dăr kơ Yêsu, na lu sư jet tơdrong pơtih gia hei.

Markôs 4:34

Sư bơtho đe, Sư bơtho pơtih gia ngăl, mă-lei dah Sư oei păng lu bơngai pơhrăm păng Sư, Sư bơtho tơblang tôm tơdrong.

Yo 15:15

Dang ei Inh ưh pă lăng iĕm thoi đĭch đam Inh boih. Inh lăng iĕm thoi buăl juăt Inh tơpă. Lu bơngai đĭch đe, yŏng sư ưh kơ roi tôm tơdrong sư ôh. Mă-lei Inh roi kơ iĕm tôm tơdrong Inh kơtơ̆ng đơ̆ng 'Bă Inh.