Luka 8:8 - Sơ̆p Hlabơar Nơ̆r 'Bok Kei-Dei

⁸ Kư̆m đei mơ'nah huŏng tơ teh 'lơ̆ng, na sư chăt wơ̆ truh tơ đei plei trem minh-hrĕng găr.” Na Yêsu pơma re 'biơ̆ dơ̆ng khan: “Bu đei đon athei tơchĕng kơdih bĕ.”

Luka 8:8 Iomraidhean Croise

Bl 26:12

Isăk choh jang lăm tơring noh; sơnăm noh sư đei kĕch yuă iŏk lơ hloh kơ adrol hrĕng wơ̆t, yua kơ Kră Yang ăn đei tơdrong pŭn hiôk.

Tơdrông Pơđơk 20:12

Măt wă lăng păng đon wă kơtơ̆ng, 'Bar noh đơ̆ng Kră Yang pơjing.

Tơdrông Pơđơk 8:1

Tơdrong gơh hơgei ưh kơ oei krao? Tơdrong hlôh wao ưh kơ oei ôr hă?

Je 13:15

Pơgling đon iĕm mơ̆ng bĕ. 'Nĕ kơ pơang, Yua kơ Kră Yang khan boih.

Je 25:4

Kră Yang oei gô wơh đĭch đam sư, lu bơngai khan lê̆ adrol, năm roi tơbăt ăn kơ lu iĕm, mă-lei iĕm kuă kơ mơ̆ng, kư̆m ưh kơ 'maih wă pơgling đon mơ̆ng.

Mathiơ 11:15

Na bu đei đon athei mơ̆ng wă kơ kơtơ̆ng nhên.

Mathiơ 13:23

Gah lu bơngai mă thoi lĕ kơ găr 'ba huŏng 'bơ̆t teh 'lơ̆ng, lu bơngai noh boih kơtơ̆ng tơdrong 'Bok Kei-Dei păng hlôh wao, kiơ̆ hloi kơjăp, na đei plei tơpă, mơ'nah minh-hrĕng, mơ'nah tơdrâu-jĭt, mơ'nah pêng-jĭt.”

Markôs 4:20

Gah lu bơngai mă thoi lĕ kơ găr 'ba huŏng 'bơ̆t teh 'lơ̆ng, lu bơngai 'noh boih kơtơ̆ng nơ̆r 'Bok Kei-Dei, na iŏk hloi kơdih păng kiơ̆ hloi kơjăp, na đei plei, mơ'nah pêng-jĭt, mơ'nah tơdrâu-jĭt, mơ'nah đei plei trem truh tơ minh-hrĕng.”

Markôs 4:23

Bơngai bu đei đon, mơ̆ng mă nhên bĕ.”

Markôs 4:8

Kư̆m đei mơ'nah huŏng tơ teh 'lơ̆ng, na đei plei. Sư chăt kơjung 'lơ̆ng, klaih kơ noh đei plei trem, mơ'nah pêng-jĭt, mơ'nah tơdrâu-jĭt, mơ'nah minh-hrĕng.”

Markôs 7:16

Bu đei đon athei tơchĕng kơdih bĕ.”

Luka 14:35

Thoi noh bơ̆n ưh pă gơh yua sư boih, mă tơ mir mă yua wă bơlŭ kơ ĭch rơmo. Na bơ̆n jing hŭt lê̆ đĕch. Dah iĕm đei đon, pơwao wăi.”

Luka 8:15

Lu găr mă huŏng tơ teh 'lơ̆ng wă pơtih gia kơ lu bơngai kơtơ̆ng đe bơtho nơ̆r 'Bok Kei-Dei na kiơ̆ hloi kơjăp hăm pơm 'lơ̆ng tơpăt. Sư kư̆m adrin lui khŏm khŏm pơyua tơdrong jang 'Bok Kei-Dei tơpă.”

Luka 8:7

Kư̆m đei mơ'nah huŏng 'bơ̆t 'nhĕt jơla na 'nhĕt jơla chăt wơ̆ hơdai sư krênh lê̆ sư hloi.

Êphêsô 2:10

Tơdrong 'Bok Kei-Dei ăn kơ bơ̆n jing bơngai 'nao, yua kơ bơ̆n pôm đon hăm Yêsu Krist. Tơdrong bơ̆n jing bơngai 'nao noh Sư wă kơ bơ̆n pơm tôm tơdrong 'lơ̆ng tơpăt ngăl, na blŭng-a sơ̆ 'Bok Kei-Dei wă kơ bơ̆n pơm 'lơ̆ng ling-lang thoi noh.

Kôlôsê 1:10

Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

Tơdrông Tơ'bôh 13:9

Bơngai bu đei đon, mơ̆ng mă nhên bĕ dôm tơdrong âu:

Tơdrông Tơ'bôh 2:11

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh huay ăn kơ sư lôch mă 'bar.’ ”

Tơdrông Tơ'bôh 2:7

‘Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ rim hnam akŭm 'Bok Kei-Dei. Tơdrong tơblah păng yang kơnê̆ jei bu, Inh ăn kơ sư sa plei 'long kon bơngai arih. 'Long 'noh 'Bok Kei-Dei pơtăm tơ pơgar Sư tơ Pơlei 'Lơ̆ng Sư.’ ”

Tơdrông Tơ'bôh 3:13

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”

Tơdrông Tơ'bôh 3:6

Bơngai bu đei đon, mơ̆ng bĕ dôm tơdrong Yang Bơhngol 'Lơ̆ng pơma kơ lu bơngai lui tơ rim hnam akŭm 'Bok Kei-Dei.’ ”