Luka 8:6 - Sơ̆p Hlabơar Nơ̆r 'Bok Kei-Dei

⁶ Kư̆m đei găr mơ'nah huŏng tơ kơpal tơmo trêl ưh kơ gan đei teh lơ. Sư chăt mơ̆n ră mă-lei sư jing jô yua kơ teh đơng ưh kơ jrŭ.

Luka 8:6 Iomraidhean Croise

Je 5:3

Ơ Kră Yang! Hăm trŏ kơ măt Ih chă lăng jơhngơ̆m tơpăt sĭt? Ih teh boih lu sư, lu sư ưh kơ băt jĭ, ih pơrăm lu sư boih, mă-lei lu sư oei kơchu kơ tơdrong Ih teh bơtho noh. Lu sư pơrơ̆ng pơm kơ muh măt lu sư arăng hơrăk thoi tơmo. Lu sư ưh kơ wă tơbral tơdrong yoch.

Êsêkiên 11:19

Inh gô ăn kơ lu sư minh jơhngơ̆m, minh đon 'nao; Inh gô iŏk lê̆ jơhngơ̆m arăng thoi tơmo đơ̆ng akâu lu sư păng ăn kơ lu sư jơhngơ̆m rơmuăn wă chu kiơ̆ Kră Yang.

Êsêkiên 36:26

Inh gô ăn kơ lu iĕm jơhngơ̆m 'nao păng ăn yang bơhngol 'nao tơ lăm lu iĕm; Inh gô iŏk hŭt lê̆ đĭ jơhngơ̆m arăng thoi tơmo đơ̆ng akâu lu iĕm păng ăn kơ lu iĕm jơhngơ̆m rơmuăn hăm sĕch wă chu kiơ̆ Inh.

Am 6:12

Iĕm hăm lah ăn kơ aseh kơdâu kơpal tơmo tih? Đe hăm choh rơmo tơ kơpal tơmo? Mă-lei lu iĕm tơplih tơdrong tơpăt jing tơdrong chhŭr nuih păng tơplih plei 'lơ̆ng tơpăt jing plei tăng.

Luka 8:13

Lu găr mă huŏng tơ kơpal tơmo trêl wă pơtih gia kơ lu bơngai kơtơ̆ng đe bơtho tơdrong 'Bok Kei-Dei. Lu sư hưch hanh păng iŏk hloi mơ̆n. Kư̆m đei ră tơnơm 'ba mă-lei rơh sư chăt ưh kơ jrŭ, sư jing jô lôch hloi, 'noh wă khan lu sư đei ră đon lui mă-lei ưh kơ đunh lăp đei tơdrong pơlong lăng lu sư jing achăng lê̆.

Luka 8:5

“Đei minh 'nu bơngai năm rei adrĕch 'ba. Lăp sư rei, đei găr mơ'nah huŏng tơ trong, na đe juă 'bơm, sem kư̆m jur sa.

Luka 8:7

Kư̆m đei mơ'nah huŏng 'bơ̆t 'nhĕt jơla na 'nhĕt jơla chăt wơ̆ hơdai sư krênh lê̆ sư hloi.

Hêbrơ 3:15

Thoi noh na 'Bok Kei-Dei khan sơ̆ thoi âu: “Đơ̆ng âu tơ anăp mưh iĕm kơtơ̆ng nơ̆r Inh pơma, iĕm 'nĕ pă arăng kơ̆l thoi lu yă 'bok iĕm mă oei tơ dêh glă sơ̆, lu sư kơchu dêh.”