Luka 8:53 - Sơ̆p Hlabơar Nơ̆r 'Bok Kei-Dei

⁵³ Na đe ei pơm hiĕk kơ Sư yua kơ lu sư băt nhên kơ bơngai noh lôch tơpă boih.

Luka 8:53 Iomraidhean Croise

Jop 12:4

Inh jing bơngai chă pơhiĕk kơ bôl buăl. Mă khan inh đơ̆ng bơngai juăt krao khan apinh Kră Yang 'Bok Kei-Dei păng đei Sư tơl tơwih nơ̆r inh; Inh bơngai 'lơ̆ng tơpăt tôm tơdrong đĭ jing bơngai đe hiĕk ăr.

Jop 17:2

Lu bơngai che bơle wang tăp kơ inh, inh ngăl 'bôh lu sư pơm kơ inh.

Horiso 22:7

Dah bu 'bôh inh lu sư hiĕk ăr. Lu sư gô pơpơm 'bơ̆r cheng păng tơtreh kơ̆l na khan:

Êsai 53:3

Sư bơngai đe areh păng đe kuă kơ sư. Sư ling-lang pŭ iŏk tơdrong ơh sơ'ngon pơmat-tat jĭ jơhngơ̆m. Thoi bơngai mă đe ôn muh măt ưh kơ sư. Đe areh kơ sư; lu bơ̆n lăng sư kư̆m ưh kơ đei rơ-a kiơ.

Mathiơ 9:24

Sư khan: “Iĕm lĕch đĭ tơ 'ngoaih, bơngai adruh âu ưh kơ lôch ôh, sư tep đĕch.” Na đe ei hiĕk kơ Sư.

Luka 16:14

Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.

Luka 8:52

Đei lơ bơngai 'bơ̆t ei tơjrông tơjrang mang oei nhơ̆m hmoi. Na Yêsu khan kơ lu đe ei: “Iĕm 'nĕ pă nhơ̆m hmoi kơ sư wăi, sư ưh kơ lôch ôh, sư tep đĕch.”

Luka 8:54

Đơ̆ng noh na đe Yêsu păng mĕ 'bă adruh ei mơ̆t tơ anih đe tơ'bĭch adruh ei na Yêsu rôp ti adruh ei păng khan: “Ơ mŏ adruh iĕ, iung bĕ.”

Yo 11:39

Yêsu khan: “Pơih tơnglơ̆p 'măng tơmo âu bĕ.” Na Mathê oh bơngai mă lôch ei sư khan kơ Yêsu: “Ơ 'Bok, dah bơ̆n pơih tơnglơ̆p tơmo âu dang ei bơ̆n 'bâu ôm dêh, kơlih nhôn 'bŭ sư đei pêng măng boih.”