Luka 8:25 - Sơ̆p Hlabơar Nơ̆r 'Bok Kei-Dei

²⁵ Thoi noh boih na Yêsu khan kơ lu bơngai pơhrăm păng Sư: “Lơliơ iĕm tam băt gơnang kơ Inh?” Lu bơngai pơhrăm păng Sư lăng hlĭch kơ đon. Jơhngơ̆m lu sư hli dêh. Na lu sư apinh băl khan: “Bu âu kih, kial hơbŭt, đak dơsĭ poh-yă tih dang noh, mă kư̆m chu yom kơ Sư?”

Luka 8:25 Iomraidhean Croise

Tơdrông Pơđơk 30:4

Bu tŏk tơ plĕnh boih, na jur dơ̆ng? Bu pơpôi boih kial lăm tơpang ti sư? Bu 'nŭng boih đak lăm ao sư? Bu man pơjing bơih tôm kơ teh đak âu kơjăp. Anăn sư bu, păng anăn kon tơdăm sư bu? Tơdah ih băt roi bĕ kơ inh.

Tơdrông Pơđơk 8:29

Hơgat kơ đak dơsĭ, wă kơ đak huay kơ tŏk hloh kơ Sư hơgăt, Kơplah Sư pơjing hơnă teh đak,

Mathiơ 14:31

Yêsu thar tơkan rôp ti păng khan: “Liơ ih lui rơdu dêh, liơ ih ưh kơ lui ngeh kơ Inh?”

Mathiơ 17:20

Yêsu khan: “'Noh yua kơ tơdrong lui iĕm oei rơdu iĕ. Inh khan kơ iĕm tơpă, mă khan tơdrong lui iĕm rơdu iĕ tŏ găr sơ'bei dah sư rai wơ̆ thoi găr sơ'bei chăt kơjung lei iĕm gơh pơm tôm tơdrong nai hai. Pơtih gia iĕm sơkat kơ kông âu khan thoi âu: Ơ kông, hiŏng jăk kơdih tơ nai, na sư hiŏng hloi kơdih tơ nai.”

Mathiơ 6:30

Tơdrong lui iĕm rơdu dêh, iĕm kuă kơ kiơ tơchĕng kơ lu pơkao 'nhĕt bri brah: Sư 'bônh kơ hơlŭng, klaih hơlŭng đe soh hŭt lê̆ lăm ŭnh, mă-lei 'Bok Kei-Dei kư̆m ăn kơ sư 'lơ̆ng dang noh, pơma kiơ kơ iĕm kon bơngai kăl hloh kơ sư, 'Bok Kei-Dei gô ăn kơ iĕm hơbĕn ao tơpă.

Mathiơ 8:10

Yêsu kơtơ̆ng 'bok tih linh khan thoi noh, Sư mah hlĭch kơ đon yua kơ 'bok noh đei đon lui tơpă. Thoi noh na Sư khan kơ lu bơngai kiơ̆ ei: “Inh khan kơ iĕm tơpă, đơ̆ng sơ̆ Inh tam mă 'bôh ôh khŭl bơngai Juđê lui kơjăp dang bơngai Rôm âu.

Mathiơ 8:26

Yêsu khan kơ lu đe ei: “Yua kơ kiơ iĕm hli, iĕm tam băt gơnang kơ Inh hă?” Sư iung khă hloi kial hăm đak poh-yă. Kial thĕng hloi, đak poh-yă kư̆m pă adrŏ adrĕnh.

Markôs 4:35

Lăp 'năr wă mơ̆t kơsơ̆ ei, Yêsu khan kơ lu bơngai pơhrăm păng Sư: “Bĕ bơ̆n tŏk pah to đak.”

Luka 12:28

Tơdrong lui iĕm rơdu dêh. Iĕm kuă kơ kiơ tơchĕng kơ lu pơkao 'nhĕt bri brah, sư 'bônh kơ hơlŭng, klaih hơlŭng đe soh hŭt lê̆ lăm ŭnh. Mă-lei 'Bok Kei-Dei kư̆m ăn kơ sư 'lơ̆ng dang noh, pơma kiơ kơ iĕm kon bơngai kăl hloh kơ sư, 'Bok Kei-Dei gô ăn kơ iĕm hơbĕn ao tơpă.

Luka 8:24

Lu bơngai pơhrăm păng Yêsu năm râu Yêsu khan hloi: “Ơ 'Bok Thây, bơ̆n wă lôch kơ đak lơ̆p boih.” Na Yêsu hơloh iung khă hloi kial hăm đak poh-yă. Na kial thĕng hloi păng đak poh-yă kư̆m pă adrŏ adrĕnh.

Luka 8:26

Lu sư tŏk hloh pah to đak dơsĭ tơ tơring đe Gerasen. Tơring đe Gerasen noh pah to đak dơsĭ, pah âu dêh char Galilê.

Yo 11:40

Yêsu khan kơ sư: “Inh khan kơ ih boih, dah ih lui ih gô 'bôh tơdrong mơsêh mơyang đơ̆ng 'Bok Kei-Dei.”