Luka 8:24 - Sơ̆p Hlabơar Nơ̆r 'Bok Kei-Dei

²⁴ Lu bơngai pơhrăm păng Yêsu năm râu Yêsu khan hloi: “Ơ 'Bok Thây, bơ̆n wă lôch kơ đak lơ̆p boih.” Na Yêsu hơloh iung khă hloi kial hăm đak poh-yă. Na kial thĕng hloi păng đak poh-yă kư̆m pă adrŏ adrĕnh.

Luka 8:24 Iomraidhean Croise

Horiso 65:7

Ih khă lu jơwa đak dơsĭ poh-yă kial hơbŭt ngăn hreh. Păng tơdrong kon pơlei iung pơm kơnê̆.

Êsai 50:2

Lơliơ mưh Inh truh ưh kơ đei 'bôh bơngai bu? Mưh Inh krao ưh kơ đei bơngai bu tơl? Ti Inh kơđeh hă na ưh kơ gơh dŏng pơklaih? Dah Inh ưh kơ đei jơhngơ̆m pran wă dŏng pơklaih iĕm hă? 'Nâu wă Inh chrih na đak dơsĭ hrơ̆ hloi. Inh ăn kơ đak krong jing char glă; ka tơ ala đak krong gô lôch đĭ jing 'bâu ôm yua ưh kơ đei đak.

Je 5:22

Kră Yang khan: “Hăm trŏ lu iĕm athei hli kơ Inh hă? Hăm trŏ lu iĕm athei tơtơ̆ tơrơ 'bơ̆t anăp Inh? Inh boih Tơ'ngla iŏk chuơh bơ̆ găn hơdral đak dơsĭ, Pơm bơnơ̆ hơdral ling-lang, Đak dơsĭ ưh kơ kĕ lĕch ro hlôi, Poh-yă tih tŭn kư̆m ưh kơ kĕ pơchah. Mă khan lu sư blŭng kư̆m ưh kơ kĕ klĕch hlôi.

Na 1:4

Sư chrih kơ đak dơsĭ, đak dơsĭ hrĕng kro hloi; păng pơhrơ̆ đĭ-đăng lu đak krong. Mir chŭn pơgar tơring Basan păng Karmel hrĕng kro, pơkao char Liban jô hơlŭng.

Mathiơ 14:30

Pêtrôs sư hli kơ kial hơbŭt tih na akâu sư hiŭp hiŭp wă krăm hloi, na sư jah tơtom krao Yêsu khan: “Ơ 'Bok, hiot inh bĕ.”

Mathiơ 8:25

Na lu đe ei năm râu Yêsu khan: “Ơ 'Bok, dŏng bơ̆n bĕ, bơ̆n wă lôch kơ đak lơ̆p.”

Markôs 4:39

Na Sư iung khă hloi kial păng khan kơ đak dơsĭ: “Thĕng bĕ, păt bĕ.” Kial thĕng hloi, đak poh-yă kư̆m pă adrŏ adrĕnh.

Luka 4:35

Na Yêsu khă yang kơnê̆ ei thoi âu: “E 'nĕ pă pơma. E jah lĕch đơ̆ng akâu sư âu wăi.” Na yang kơnê̆ ei hơloh glơ̆m bơngai yang mơ̆t ei 'bơ̆t anăp đe tơpôl, na lĕch jăk hloi đơ̆ng bơngai ei. Na bơngai ei kư̆m huay kơ jĭ ôh.

Luka 4:39

Na Yêsu năm tơ sư pơklaih hloi tơdrong jĭ sư 'nei. Na sư klaih hloi. Sư iung chă awih awăn kơ đe Yêsu.

Luka 5:5

Na Simôn khan: “Ơ 'Bok, nhôn măng hei traih ră jal prăt măng hloi, mă-lei 'nhŏ kơ đei minh găr. Dah traih jal kơ'năr rai lŭch mă-lei dang ei yua kơ Ih athei na inh chu Ih mơ̆n.”

Luka 8:25

Thoi noh boih na Yêsu khan kơ lu bơngai pơhrăm păng Sư: “Lơliơ iĕm tam băt gơnang kơ Inh?” Lu bơngai pơhrăm păng Sư lăng hlĭch kơ đon. Jơhngơ̆m lu sư hli dêh. Na lu sư apinh băl khan: “Bu âu kih, kial hơbŭt, đak dơsĭ poh-yă tih dang noh, mă kư̆m chu yom kơ Sư?”