Luka 8:23 - Sơ̆p Hlabơar Nơ̆r 'Bok Kei-Dei

²³ Kơplah lu sư oei yak kơpal đak dơsĭ, Yêsu tep. Na đei kial hơbŭt tih păng đei đak poh-yă tih tơprah mơ̆t lăm thŏng-nan. Đak wă jê̆ 'bĕnh na thŏng-nan wă jê̆ krăm.

Luka 8:23 Iomraidhean Croise

Horiso 148:8

Ơ ŭnh păng 'mi prĕl, prĕl păng hơmơ̆l. Kial hơbŭt chu kiơ̆ Sư athei.

Horiso 44:23

Ơ Kră Yang, hơđơ̆r bĕ, yua kơ kiơ Ih oei tep? Iung bĕ, 'nĕ kơ achăng lê̆ lu nhôn ling-lang.

Êsai 54:11

Ơ lu bơngai oei pơmat-tat, đơ̆ng kial hơbŭt huơ̆r ưh kơ đei bu pơlung. 'Nâu Inh gô man ih hăm tơmo gĭt, lơ̆k hơnă ih păng tơmo gĭt Saphir.

Luka 5:1

Minh năr ei Yêsu oei tơ jih đak dơsĭ Galilê mă đe kư̆m anăn dơsĭ Gênêsaret, na lu đe tơpôl hmĕt hmot Sư yua kơ wă mơ̆ng Sư bơtho tơdrong 'Bok Kei-Dei.

Luka 8:22

Minh năr ei, Yêsu păng lu bơngai pơhrăm păng Sư tŏk thŏng-nan. Na Yêsu khan kơ lu sư: “Bĕ bơ̆n tŏk pah to đak dơsĭ.” Na lu sư năm hloi.

Jang 27:2

Nhôn tŏk minh pôm thŏng-nan, thŏng-nan ei đơ̆ng Pơlei Adramit ki na wă năm tơ lu pơlei dêh char Asi. Aritak sư bơngai đơ̆ng Pơlei Têsalônik, dêh char Masêđôn kư̆m năm hăm nhôn mơ̆n. Na thŏng-nan nhôn ei năm đơ̆ng Pơlei Sêsarê.

I Kor 15:30

Gah inh đe ling-lang wă pơm kơnê̆ kơ inh kơlih kơ inh adrin jang tơdrong 'Bok Kei-Dei. Na dah inh lôch ning-mônh ưh kơ đei iung arih đơ̆ng lôch, lei thoi yơ inh wă adrin jang thoi dang ei?

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.