Luka 8:2 - Sơ̆p Hlabơar Nơ̆r 'Bok Kei-Dei

² Na kư̆m đei lu drŏ-kăn năm hơdai lu sư mơ̆n. Lu drŏ-kăn noh sơ̆ đơ̆ng đêl Yêsu pơklaih lơ tơdrong jĭ lu sư, kư̆m đei pơpuh lu yang kơnê̆ đơ̆ng lu sư mơ̆n. Lu đe noh anăn lu sư: Mari đơ̆ng Pơlei Mađơla. Bơngai noh sơ̆ Yêsu pơpuh tơpơh tŏ yang kơnê̆ đơ̆ng sư.

Luka 8:2 Iomraidhean Croise

Mathiơ 4:24

Jơ̆p kơ dêh Siri kơtơ̆ng ang Sư, na đe năm ba tơ Sư dôm lu bơngai jĭ jăn, bơngai hơwing, bơngai wơnh, bơngai jơ̆ng ti jo, Sư pơklaih ăn ngăl.

Markôs 16:1

Lăp hloh kơ năr pơdơh Sa'bat boih, na Mari đơ̆ng Pơlei Mađơla, Salômê păng Mari mĕ bre Jôsê hăm Yakơ, lu sư răt pơgang 'bâu phu wă năm pik tơ atâu Yêsu.

Markôs 16:9

Yêsu iung arih til pơgê hrôih năr tơpơh lăm giĕng 'noh, na Sư tơ'bôh akâu Sư kơ Mari Pơlei Mađơla hơdrol kơ đe. Sư bơngai mă Yêsu pơpuh tơpơh 'nu yang kơnê̆ lĕch đơ̆ng akâu Sư sơ̆.

Luka 23:27

Lu kon pơlei pơla lơ tơpă kiơ̆ lăng Yêsu. Kư̆m đei lơ drŏ-kăn mơ̆n, sư hmoi ơh sơ'ngon rah.

Luka 23:49

Đĭ-đăng kơ lu bơngai juăt păng Yêsu, lu sư mơ'nah bơngai drŏ-kăn mă kiơ̆ Sư đơ̆ng dêh Galilê, lu sư dơ̆ng đơ̆ng ataih 'biơ̆ wă răp lăng dôm tơdrong đe pơm kơ Yêsu.

Luka 23:55

Na lu bơngai drŏ-kăn mă kiơ̆ Yêsu đơ̆ng dêh Galilê ki, lu sư kư̆m kiơ̆ Yôsep kơplah sư năm 'măn atâu Yêsu tơ lăm bơsat mơ̆n. Thoi noh na lu sư băt anih Yôsep 'măn atâu Yêsu.

Luka 8:30

Yêsu jet anăn sư: “Anăn ih bu?” Sư khan: “Anăn inh Tơpôl.” Sư khan thoi noh yua kơ sư đei lơ yang kơnê̆ oei lăm sư.

Yo 19:25

Jê̆ 'long pơglang đe pơ̆ng Yêsu 'noh đei mĕ Sư, duch Sư, Mari akăn Klôpas păng Mari Pơlei Mađơla.

Jang 1:14

Lu đe âu krao khan ling-lang kơ Kră Yang 'Bok Kei-Dei. Kư̆m đei Mari mĕ Yêsu păng lu oh Yêsu drŏ-nglo păng lu drŏ-kăn nai dơ̆ng akŭm pôm đon krao khan păng lu sư mơ̆n.