Luka 7:8 - Sơ̆p Hlabơar Nơ̆r 'Bok Kei-Dei

⁸ Sư khan sư kư̆m đei đe pơgơ̆r sư păng sư kư̆m đei pơgơ̆r lu linh mơ̆n. Dah sư khan kơ bơngai âu, mă bơngai to: Năm bĕ, đe năm hloi chu sư. Dah sư bơtho lu đĭch sư jang, mă dôm tơdrong kiơ kiơ, lu sư jang hloi. Na sư kư̆m wă kơ Ih pơm thoi noh mơ̆n. Sư wă kơ Ih sơkat đơ̆ng âu đĕch na đĭch sư tơ hnam kư̆m gô klaih mơ̆n.”

Luka 7:8 Iomraidhean Croise

Luka 7:7

Păng sư kư̆m khan sư ưh kơ hơnhŏ wă năm tơ'bơ̆p Ih tơ âu ôh. Sư wă kơ Ih sơkat đơ̆ng âu đĕch na đĭch sư tơ hnam kư̆m klaih mơ̆n.

Luka 7:9

Yêsu kơtơ̆ng sư khan thoi noh, Sư mah hlĭch kơ đon, yua 'bok noh đei đon lui tơpă. Na Sư hue tơ rŏng khan kơ lu bơngai tơpôl mă kiơ̆ Sư ei thoi âu: “Inh khan kơ iĕm tơpă, đơ̆ng sơ̆ Inh tam mă 'bôh ôh khŭl bơngai Juđê lui kơjăp dang bơngai Rôm âu.”

Jang 23:17

Na Pôl krao minh 'nu 'bok phŏ linh păng khan: “Apinh ih năm ba bơngai tơdăm âu tơ 'bok yŏng ih. Sư đei tơdrong wă pơma hăm yŏng ih.”

Jang 23:23

Yua kơ tơdrong noh boih na 'bok tih linh krao hloi 'bar 'nu phŏ sư na khan: “Biĕm krao 'bar-hrĕng 'nu linh năm jơ̆ng hoh, tơpơh-jĭt 'nu linh hao aseh, 'bar-hrĕng 'nu linh chĕp tak. Athei lu sư hơmet bĕ năm tơ Pơlei Sêsarê tơsĭn jơ măng kơnh.

Jang 23:26

“Anăn inh Klôt Lisia chih kơthơ âu kơ 'bok kuan tih Phêlik. Hmach kơ ih 'bok.

Jang 23:31

Lu bơngai linh chu 'bok yŏng lu sư wơh. Măng âu lu sư năm ba Pôl truh tơ Pơlei Antipatrih.

Jang 24:23

Phêlik athei linh sư gak Pôl, mă-lei ăn kơ Pôl rơhơi 'biơ̆ mơ̆n păng ăn lu bôl buăl sư năm tơdŏng mơnat dôm tơdrong Pôl wă.

Jang 25:26

Inh kư̆m wă chih tơ'bôh kơ 'bok pơtao tơm Rôm hla kơthơ mơ̆n, mă-lei inh ưh kơ băt chih khan kơ sư Pôl pơm tơdrong kơnê̆ kiơ. Ơ pơtao Agripa, inh athei lu linh chông ba sư tơ âu 'bơ̆t anăp ih, hăm 'bơ̆t anăp đĭ-đăng lu bơ̆n mơ̆n, wă kơ bơ̆n apinh pơma gah tơdrong sư, na ăn kơ bơ̆n wă mă băt gah lu đe wă jâu sư tơdrong kiơ.

Kôlôsê 3:22

Ơ lu bơngai đĭch đe, iĕm athei chu yom kơ lu yŏng tơ'ngla iĕm lăm tôm tơdrong. Iĕm athei jang mă tơpă, ngê̆ kiơ kơ yŏng iĕm gŏk gô na jang, iĕm kư̆ kơ jang đĕch, yua kơ iĕm lui boih kơ Yŏng bơ̆n Yêsu Krist.