Luka 7:6 - Sơ̆p Hlabơar Nơ̆r 'Bok Kei-Dei

⁶ Na Yêsu năm kiơ̆ hloi lu đe ei. Lăp lu sư năm wă jê̆ truh tơ hnam 'bok tih linh ei, tơ'bơ̆p hĭ lu bơngai đơ̆ng 'bok tih linh ei wơh na khan kơ Yêsu: “Ơ 'Bok, yŏng nhôn khan Ih huay kơ mah năm truh tơ hnam sư ôh. Sư khan sư ưh kơ hơnhŏ wă tơmơ̆t Ih tơ hnam sư.

Luka 7:6 Iomraidhean Croise

Bl 32:10

Inh âu ưh kơ rơ-a na ưh kơ hơnhŏ gơh đei pŭn hiôk păng dôm tơdrong 'lơ̆ng tơpăt Ih mă đei pơm boih kơ đĭch đam Ih adrol sơ̆. Wă tŏk găn đak Krong Jôrđăn inh đei lăp minh pôm 'long jra đĕch, kơna dang ei inh đei 'bar khŭl bơngai âu.

Tơdrông Pơđơk 29:23

Bơngai pơang kang rai pơm kơ sư jur; Mă-lei bơngai bu đei iŏk đon ala đe gô pơyom.

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Mathiơ 3:11

Inh pơm kơ iĕm 'batem păng đak, wă kơ đe băt kơ iĕm tơbral kơdih tơdrong yoch boih. Mă-lei đei minh 'nu 'Bok wă truh đơ̆ng rŏng kơ inh, Sư 'Bok tih tơpă. Dah Sư athei inh chĕp ăn pôm chơkhŏ Sư đĕch, inh kư̆m ưh kơ hơnhŏ 'mơ̆i, ưh kơ pơ̆n ngơk lăng Sư ôh. Sư ei gô pơm kơ iĕm 'batem thoi âu: Sư gô ăn kơ iĕm Yang Bơhngol 'Lơ̆ng pơm kơ iĕm tŭk lê̆ dôm tơdrong kơnê̆ kư̆m thoi ŭnh soh lê̆ hla đuih đăm.

Markôs 5:24

Na Yêsu năm kiơ̆ sư. Kư̆m đei lơ bơngai yak hơdai Yêsu bĭt hmĕt hmot Sư.

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Luka 7:4

Lu sư năm truh tơ Yêsu, lung Yêsu khan: “Apinh Ih khŏm năm pơklaih đĭch 'bok tih linh noh 'biơ̆, yua kơ sư 'mêm tơgŭm kơ lu khŭl Juđê bơ̆n mơ̆n, na sư mah pơm ăn kơ nhôn minh pôm hnam akŭm.”

Luka 7:7

Păng sư kư̆m khan sư ưh kơ hơnhŏ wă năm tơ'bơ̆p Ih tơ âu ôh. Sư wă kơ Ih sơkat đơ̆ng âu đĕch na đĭch sư tơ hnam kư̆m klaih mơ̆n.

Luka 8:49

Kơplah Yêsu oei pơma, blư 'bôh minh 'nu bơngai đơ̆ng hnam 'bok Jairut năm giong khan kơ sư: “Kon adruh ih lôch boih, ih oei pơhrat kiơ kơ 'Bok Thây?”

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.

Ya 4:10

Iĕm athei pơma sơdrĭ tơ ala kơ Sư, na Sư 'brơ̆k mơnat tơiung iĕm.

Ya 4:6

Na 'Bok Kei-Dei ăn kơ bơ̆n rai pran hloh, kư̆m thoi lăm sơ̆p hla bơar 'Bok Kei-Dei khan mơ̆n: “'Bok Kei-Dei pơgăn lu bơngai mă pơang akâu kơdih, na pơchoh ăn kơ lu bơngai mă ưh kơ băt pơang akâu, jing pran.”