Luka 7:47 - Sơ̆p Hlabơar Nơ̆r 'Bok Kei-Dei

⁴⁷ Thoi noh na Inh khan kơ ih tơpă, dôm tơdrong yoch sư lơ ră, mă-lei Inh mơnat ăn boih. Thoi noh na sư 'mêm kơ Inh tơpă. Mă-lei bơngai bu ưh kơ gan wă apinh Inh pơklaih tơdrong yoch sư, bơngai noh ưh kơ gan 'mêm kơ Inh dêh ôh.”

Luka 7:47 Iomraidhean Croise

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Êsai 55:7

Lu bơngai kơnê̆ athei hŭt lê̆ tơdrong kơnê̆ sư kơdih; bơngai pơm kơnê̆ athei hŭt lê̆ dôm đon tơchĕng kơnê̆. Wih brŏk bĕ tơ Kră Yang, na Sư 'mêm mơnat, năm bĕ tơ Kră Yang 'Bok Kei-Dei lu bơ̆n yua kơ Sư ling-lang ưh kơ đei jô̆ yo tơdrong yoch bơ̆n.

Êsêkiên 16:63

Na ih gô 'blŏk păng mơlâu kơplah Inh đei mơnat ăn tôm tơdrong mă ih đei pơm, ih pă gơh ha 'bơ̆r pơma dơ̆ng yua kơ mơlâu, Kră Yang tih hloh khan thoi noh.”

Mi 7:19

Sư kư̆m gô oei 'mêm mơnat kơ bơ̆n, kơtĭt lê̆ tơdrong yoch kơnê̆ lu nhôn tơ ala jơ̆ng Ih; păng klơ̆m hŭt lê̆ tơdrong yoch lu nhôn, tơ lăm đak dơsĭ jrŭ sŭng.

Mathiơ 10:37

“Bu 'mêm kơ mĕ 'bă sư hloh kơ sư 'mêm kơ Inh, bơngai 'noh ưh kơ trŏ kơ tơbôl hăm Inh ôh. Bu 'mêm kơ kon sư hloh kơ sư 'mêm kơ Inh, bơngai 'noh kư̆m ưh kơ trŏ wă tơbôl hăm Inh mơ̆n.

Luka 7:39

Lăp bơngai Pharisi mă wơ̆n Sư, 'bôh thoi noh na sư tơchĕng lăm to sư kơdih khan: “Tơ̆ng bơngai âu bơngai pơtruh nơ̆r 'Bok Kei-Dei tơpă, lei Sư băt kơ bơngai mă pel Sư 'noh bơngai đi.”

Luka 7:46

Ih kư̆m ưh kơ pik đak yâu tơ kơ̆l Inh wă pơhiôk Inh ôh, mă-lei sư âu tuh đak pơgang 'bâu phu tơ jơ̆ng Inh.

Luka 7:48

Na Yêsu khan kơ bơngai drŏ-kăn ei dơ̆ng: “Tơdrong yoch ih Inh tŭk lê̆ boih.”

Jang 5:31

'Bok Kei-Dei atŏk Yêsu anih gah 'ma kơ Sư, ăn Yêsu pơm 'Bok Pơgơ̆r bơ̆n. Sư kư̆m pơm 'Bok Dŏng Pơklaih bơ̆n mơ̆n, wă kơ bơngai Isơrael bơ̆n tơbral tơdrong yoch bơ̆n kơdih kơdih na 'Bok Kei-Dei pơklaih yoch bơ̆n.

Rom 5:20

'Bok Kei-Dei pơkă kơ bơ̆n tơdrong juăt Sư sơ̆, Sư wă tơbăt kơ bơ̆n đei tơdrong yoch tih; Sư 'bôh bơ̆n đei tơdrong yoch tih na Sư 'mêm kơ bơ̆n rai dêh.

II Kor 5:14

Nhôn băt kơ Yêsu Krist 'mêm kơ bơ̆n tơpă, na nhôn ưh kơ lăng tơdrong kon bơngai ôh. Nhôn băt kơ pôm Sư đĕch lôch tang đĭ-đăng kon bơngai tơpă, thoi noh na đĭ-đăng kơ bơ̆n kư̆m dang lôch thoi Sư.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Êphêsô 6:24

Inh apinh sư wei-lăng lu bơngai mă băt 'mêm kơ Kră Yang bơ̆n Yêsu Krist ling-lang.

Philip 1:9

Inh krao khan apinh 'Bok Kei-Dei ăn kơ iĕm rai đunh rai băt 'mêm mơnat dih băl păng hlôh tôm tơdrong Sư, wă kơ iĕm băt kơ tơdrong trŏ iĕm sŏ iŏk, tơdrong glăi iĕm săi tŭk. Thoi noh na iĕm jing bơngai 'lơ̆ng tơpăt, huay kơ đei tơdrong yoch kơplah Yêsu Krist jur ning-mônh.

I Tim 1:14

Kră Yang bơ̆n Yêsu Krist 'mêm mơnat kơ inh tơpă ăn kơ inh lui kơ Sư păng ăn kơ inh 'mêm kơ Sư hăm đĭ-đăng bơngai. Sư kư̆m ăn kơ đĭ-đăng bơngai lui lei-lăi mơ̆n.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.

I Yo 3:18

Ơ lu kon hơ'lơ̆p, tơdrong 'mêm mơnat dih băl, bơ̆n ưh kơ wă 'bơ̆r bơ̆n đĕch ôh mơnat. Bơ̆n athei 'mêm mơnat dih băl păng jơhngơ̆m đon bơ̆n tơpă păng tơdŏng băl tơdrong jang.

I Yo 4:19

Bơ̆n 'mêm kơ 'Bok Kei-Dei kơlih kơ Sư 'mêm kơ bơ̆n adrol.

I Yo 5:3

Dah bơ̆n 'mêm kơ 'Bok Kei-Dei lei bơ̆n athei răk dôm tơdrong Sư pơkă. Dôm tơdrong Sư pơkă noh ưh kơ gleh ôh.