Luka 7:44 - Sơ̆p Hlabơar Nơ̆r 'Bok Kei-Dei

⁴⁴ Đơ̆ng noh na Yêsu hue tơ bơngai drŏ-kăn noh khan hloi kơ Simôn: “Ih lăng bơngai drŏ-kăn âu. Lăp Inh mơ̆t tơ hnam ih, ih ưh kơ ăn kơ Inh đak wă ôp jơ̆ng Inh ôh, mă-lei sư âu ôp jơ̆ng Inh păng đak măt sư păng sut pơhrĕng păng sŏk sư kơdih.

Luka 7:44 Iomraidhean Croise

Bl 18:4

Apinh lu iĕm ăn kơ inh iŏk đak ôp jơ̆ng lu iĕm păng apinh iĕm ngôi pơdơh tơ ala yơ̆p 'long âu wă kơ rơngơp.

Bl 19:2

Sư khan: “Kơkuh kơ măr iĕm, ơ kơdră, apinh năm ngôi tơ hnam inh đĭch đam măr iĕm păng 'bĭch ngôi hloi măng 'nâu. Âu đak măr iĕm ôp jơ̆ng, na pơgê dơning măr iĕm yak năm.” 'Bar 'nu linh jang 'lơ̆ng khan. “Ưh măng âu nhi 'bĭch 'bơ̆t 'măng jang pơlei.”

Bl 43:24

Đơ̆ng noh năm ba lu 'nhŏng oh sư mơ̆t tơ lăm hnam Jôsep, iŏk ăn đak ôp jơ̆ng păng kư̆m hiĕm aseh lu sư sa.

II Sam 11:8

Na Đawit pơma dơnuh hăm Uri: “Năm wih brŏk bĕ tơ hnam ih, păng ôp hơrao jơ̆ng ih.” Na, Uri lĕch đơ̆ng hnam pơtao, pơtao wơh minh 'nu bơngai chĕp ba kơ sư tơmam đơ̆ng hnam pơtao ăn.

Luka 7:38

Na sư năm nhơ̆m 'bơ̆t jơ̆ng Yêsu, đak măt sư kơtoh tơ jơ̆ng Yêsu. Đơ̆ng noh na sư sut jơ̆ng Yêsu păng sŏk sư kơdih, na chŭm hloi jơ̆ng Yêsu. Đơ̆ng ei na sư tuh đak pơgang 'bâu phu kơ jơ̆ng Yêsu.

Luka 7:43

Simôn khan: “Rŏ lăng bơngai mă hre lơ 'biơ̆, sư hiôk hloh.” Yêsu khan: “Ih tơl trŏ boih.”

Yo 13:5

Klaih kơ noh Sư tuh đak lăm kơthao na ôp jơ̆ng lu bơngai pơhrăm păng Sư, na sut păng kơn mă đêl Sư chô̆ 'bơ̆t rơhiĕo Sư noh.

Ya 2:6

Mă-lei iĕm pơjăm pơjuă lu bơngai dơnuh hin, ưh kơ băt mơnat kơ lu sư. Bu pơjăm pơjuă wă kơtĭt sa iĕm păng dui anhăk iĕm tơ lu kră sek tơlang? Lu bơngai mơdrŏng boih pơm kơ iĕm kơnê̆ thoi noh.

Lu 19:21

Bơngai kră ei pơtơm lu sư mơ̆t lăm hnam sư, ăn kơ aseh iĕ sa, đang kơ noh lu sư ôp hơrao jơ̆ng ti, sŏng sa.

I Sam 25:41

Abigail, drap kơkuh hloi, na khan: Inh âu wă pơm đĭch đam Đawit pơm bơngai ôp jơ̆ng yŏng tơ'ngla inh.