Luka 7:39 - Sơ̆p Hlabơar Nơ̆r 'Bok Kei-Dei

³⁹ Lăp bơngai Pharisi mă wơ̆n Sư, 'bôh thoi noh na sư tơchĕng lăm to sư kơdih khan: “Tơ̆ng bơngai âu bơngai pơtruh nơ̆r 'Bok Kei-Dei tơpă, lei Sư băt kơ bơngai mă pel Sư 'noh bơngai đi.”

Luka 7:39 Iomraidhean Croise

II Pot 5:20

Na Gêhasi đam Êlisê, bơngai mă 'Bok Kei-Dei yua, sư pơma lăm to khan: “To, tơ'ngla inh mơnat ăn huay kơ jô̆ yo Naaman, bơngai Aram, sư ưh kơ iŏk tơmam kiơ đơ̆ng Naaman ăn kơ sư, Inh pơkă 'bơ̆t anăp Kră Yang mă arih ling-lang, Inh gô druh 'moi Naaman, păng khŏm iŏk tơmam kiơ kiơ đơ̆ng sư 'mơ̆i.”

Tơdrông Pơđơk 23:7

Sư tơchĕng lăm jơhngơ̆m thoi yơ, sư thoi ei; Sư khan, sŏng sa, et sa bĕ; Mă-lei jơhngơ̆m sư ưh kơ đei thoi ei ôh.

Êsai 65:5

Lu sư khan: “Dơ̆ng mă ataih, 'nĕ năm jê̆ inh, yua kơ inh rơgoh hloh kơ lu iĕm.” Lu bơngai 'nâu thoi 'nhui lĕch đơ̆ng lăm trôm muh Inh, thoi ŭnh sa prăt năr.

Mathiơ 20:16

Tơdrong âu Yêsu pơma pơtih gia kơ 'Bok Kei-Dei wă pơgơ̆r bơ̆n: “Mă dôm tơdrong kiơ lu bơngai mă pơm iĕ kơ đe dang ei, ning-mônh sư gô tih; dôm lu bơngai pơm tih kơ đe dang ei ning-mônh sư jing iĕ.”

Mathiơ 21:11

Lu bơngai tơpôl kiơ̆ jơ̆ng Yêsu ei khan: “Sư 'noh Yêsu, Sư bơngai pơtruh nơ̆r 'Bok Kei-Dei, Sư đơ̆ng Pơlei Nasaret, dêh Galilê.”

Markôs 7:21

Yua kơ đơ̆ng jơhngơ̆m đon kon bơngai tơchĕng kơnê̆ na jing yoch: Sư pơm pơyô kư̆ kă, sư tơtông, sư pơlôch đe,

Luka 12:17

Na tơ'ngla sư tơchĕng kơdih khan: ‘Inh wă pơm thoi yơ kih, anih mong 'ba ưh kơ mah thoi âu?’

Luka 15:2

Na lu bơngai Pharisi păng lu 'bok thây bơtho tơdrong juăt đe Juđê chă mơmơnh khan: “Bơngai âu pơm ăn kơ lu bơngai yoch mơ̆ng sư bơtho, kư̆m sŏng sa hơdai hăm sư mơ̆n.”

Luka 16:3

Na đam kơiĕng sư ei tơchĕng lăm to khan: ‘Yŏng inh wă pơpuh inh boih, na inh wă jang tơdrong kiơ dơ̆ng? Inh choh mir kư̆m ưh kơ kĕ ôh. Inh kư̆m mơlâu kơ chă apinh sa đơ̆ng đe mơ̆n.

Luka 18:4

Sư năm apinh 'bok sek tơlang 'nei ling-lang ră, mă-lei 'bok 'nei kuă kơ tơdŏng sư. Mă-lei khŏm khŏm 'bok 'nei tơchĕng lăm to thoi âu: ‘Inh ưh kơ chu yom kơ 'Bok Kei-Dei, kư̆m ưh kơ chu kơ đe mơ̆n.

Luka 3:8

Iĕm athei tŭk lê̆ đĭ dôm tơdrong kơnê̆ na pơm mă 'lơ̆ng tơpăt wă kơ đe băt kơ iĕm tơbral kơdih tơdrong yoch tơpă boih. Iĕm 'nĕ pơhơi khan kuă kơ tơbral kơdih tơdrong yoch, pơm khan sơđơ̆ng kơ Abraham bơ̆n tơbôl hăm 'Bok Kei-Dei. Inh khan kơ iĕm tơpăt, 'Bok Kei-Dei Sư gơh pơm kơ tơmo âu jing kon sâu Abraham lei-lăi thoi iĕm mơ̆n.

Luka 7:16

Đĭ-đăng lu bơngai kiơ̆ ei hli ngăl, na lu sư ư-ang kơ 'Bok Kei-Dei khan: “Bơngai pơtruh nơ̆r 'Bok Kei-Dei mơsêh tơpă năm tơ bơ̆n boih.” Lu sư kư̆m khan dơ̆ng: “Dang ei 'Bok Kei-Dei wă tơgŭm lu bơngai Isơrael tơpă.”

Luka 7:37

Tơ pơlei ei đei minh 'nu drŏ-kăn juăt kơ pơm yoch. Sư kơtơ̆ng khan Yêsu oei sŏng sa păng bơngai Pharisi ei, na sư iŏk minh gŏl đak pơgang 'bâu phu.

Luka 7:38

Na sư năm nhơ̆m 'bơ̆t jơ̆ng Yêsu, đak măt sư kơtoh tơ jơ̆ng Yêsu. Đơ̆ng noh na sư sut jơ̆ng Yêsu păng sŏk sư kơdih, na chŭm hloi jơ̆ng Yêsu. Đơ̆ng ei na sư tuh đak pơgang 'bâu phu kơ jơ̆ng Yêsu.

Luka 7:40

Na Yêsu khan hloi kơ sư: “Ơ Simôn, Inh wă khan kơ ih.” Na Simôn tơl: “Ơ 'Bok Thây, Ih wă khan kiơ kơ inh?”

Yo 4:19

Duch ei khan kơ Sư: “Ơ 'Bok, inh băt boih Ih, Ih bơngai pơtruh nơ̆r 'Bok Kei-Dei.

Yo 7:12

Lu kon pơlei pơla pơma 'bơm gah tơdrong Yêsu. Lu mơ'nah khan Sư bơngai 'lơ̆ng tơpăt; lu mơ'nah khan Sư ưh kơ 'lơ̆ng ôh, khan Sư chă hơlĕnh kơ kon pơlei pơla đĕch.

Yo 9:24

Na lu sư krao bơngai đêl măt tol ei minh 'măng dơ̆ng na jet sư: “Ih bơnê kơ 'Bok Kei-Dei đĕch hŏ măt ih gơh 'bôh hơdah boih. Gah nhôn băt kơ Yêsu bơngai yoch tơpă.”