Luka 7:34 - Sơ̆p Hlabơar Nơ̆r 'Bok Kei-Dei

³⁴ Na gah Inh Kon Bơngai âu jur tơ teh âu, sŏng sa hơdai lu sư, na iĕm kư̆m jô̆ kơ Inh khan bơngai sa bơlŭk, et dư, tơbôl hăm bơngai iŏk jên thuê̆, lu bơngai yoch mơ̆n.

Luka 7:34 Iomraidhean Croise

Mathiơ 11:19

Na gah Inh Kon Bơngai jur tơ teh âu, sŏng sa mơh 'nhot hơdai kon bơngai, na đe jô̆ kơ Inh khan bơngai sa bơlŭk, et dư, tơbôl hăm bơngai iŏk jên thuê̆, lu bơngai yoch mơ̆n. Mă-lei dah bơ̆n 'bôh đe jang 'lơ̆ng, bơ̆n băt kơ đe jang trŏ jang hơgei.”

Mathiơ 5:46

Dah iĕm 'mêm pôm lu bơngai mă 'mêm kơ iĕm đĕch, lei 'Bok Kei-Dei ưh kơ bơnê kơ iĕm ôh. Bĭ lu bơngai pơgŏ iŏk jên thuê̆ kư̆m băt 'mêm kơ bôl sư.

Mathiơ 9:11

Lu bơngai Pharisi 'bôh thoi noh na jet lu bơngai pơhrăm păng Sư thoi âu: “Yua kơ kiơ Yêsu sŏng sa hơdai păng lu bơngai iŏk jên thuê̆ hăm lu bơngai pơm yoch?”

Luka 11:37

Lăp đang kơ Yêsu pơma boih, đei minh 'nu bơngai Juđê khŭl Pharisi pơtơm Yêsu năm sŏng sa tơ hnam sư, na bre sư mơ̆t tơoei wă sŏng sa.

Luka 14:1

Năr pơdơh Sa'bat ei Yêsu năm sŏng sa tơ hnam minh 'nu bơngai pơm kră kơ lu bơngai khŭl Pharisi. Na đe lăng Yêsu hnhong.

Luka 15:2

Na lu bơngai Pharisi păng lu 'bok thây bơtho tơdrong juăt đe Juđê chă mơmơnh khan: “Bơngai âu pơm ăn kơ lu bơngai yoch mơ̆ng sư bơtho, kư̆m sŏng sa hơdai hăm sư mơ̆n.”

Luka 19:7

Đĭ-đăng kơ đe 'bôh tơdrong noh na chă pơma kơdih khan: “Lơliơ Yêsu boih khan mơ̆t sŏng sa tơ hnam bơngai yoch?”

Luka 5:29

Đơ̆ng noh Lêwi pơtơm Yêsu sŏng sa tih lăm hnam sư. Na đei lơ bơngai iŏk jên thuê̆ păng lu bơngai nai sŏng sa hơdai păng sư mơ̆n.

Luka 7:33

Na tơdrong iĕm kuă kơ nhi Yôhan kư̆m thoi noh mơ̆n. Sơ̆ Yôhan ơ̆t kơ por, ưh kơ et sik, na iĕm kư̆m jô̆ kơ sư khan wơnh.

Luka 7:35

Mă-lei dôm lu bơngai kiơ̆ tơdrong 'Bok Kei-Dei tơpă, sư băt kơ 'Bok Kei-Dei pơm trŏ ngăl.”

Luka 7:36

Đei minh 'nu bơngai Pharisi wơ̆n Yêsu năm sŏng sa tơ hnam sư. Na Yêsu năm tơ ei sa hơdai sư.

Yo 12:2

Na đe hơmet tơmam sŏng sa kơ Sư. Mathê awih awăn kơ lu sư tơmam sa. Lasarơ kư̆m sŏng sa hơdai păng Yêsu mơ̆n.

Yo 2:2

Đe kư̆m wơ̆n Yêsu păng lu bơngai pơhrăm păng Sư năm mơ̆n.