Luka 7:28 - Sơ̆p Hlabơar Nơ̆r 'Bok Kei-Dei

²⁸ Inh khan kơ iĕm tơpă, Yôhan sư tih hloh kơ đĭ-đăng kon bơngai mơ̆n, mă-lei bơngai bu iĕ hloh kơ đe lăm chăl 'nao mă 'Bok Kei-Dei pơgơ̆r dang ei, sư kư̆m hlôh wao tơdrong 'Bok Kei-Dei nhên hloh kơ Yôhan dơ̆ng.”

Luka 7:28 Iomraidhean Croise

Mathiơ 11:11

Inh khan kơ iĕm tơpă, Yôhan sư tih hloh kơ đĭ-đăng bơngai mơ̆n, mă-lei bơngai bu iĕ hloh kơ đe lăm chăl 'nao mă 'Bok Kei-Dei pơgơ̆r dang ei, sư kư̆m hlôh wao tơdrong 'Bok Kei-Dei nhên hloh kơ Yôhan dơ̆ng.

Mathiơ 3:1

Kơplah ei sơ̆ đei Yôhan bơngai mă pơm kơ đe 'batem, sư năm bơtho đe tơ char glă lăm dêh Juđê.

Luka 3:16

Mă-lei Yôhan khan kơ lu sư thoi âu: “Inh pơm kơ iĕm 'batem păng đak đĕch, mă-lei đei minh 'nu Sư gô truh đơ̆ng rŏng kơ inh noh Sư 'Bok tih tơpă, dah Sư athei inh iŏk ăn pôm chơkhŏ Sư, inh chu iŏk đĕch, ưh kơ pơ̆n ngơk lăng Sư ôh. Sư ei gô pơm kơ iĕm 'batem thoi âu: Sư gô ăn kơ iĕm Yang Bơhngol 'Lơ̆ng pơm kơ iĕm tŭk lê̆ dôm tơdrong kơnê̆ kư̆m thoi ŭnh soh lê̆ hla đuih đăm.

Luka 7:27

Yua kơ Yôhan boih na đe mah chih lăm sơ̆p hla bơar 'Bok Kei-Dei sơ̆ thoi âu: 'Bok Kei-Dei khan: ‘Âu Inh wơh minh 'nu bơngai pơtruh nơ̆r Inh hơdrol, wă kơ sư hơmet trong kơ Ih.’

Luka 7:29

Đĭ-đăng lu kon pơlei pơla păng lu bơngai iŏk jên thuê̆ mơ̆ng Yôhan bơtho sơ̆, lu sư khan 'Bok Kei-Dei 'lơ̆ng tơpăt, na lu sư wă kiơ̆ tơdrong 'Bok Kei-Dei bơtho, đơ̆ng noh Yôhan pơm 'batem kơ lu sư hloi.

Luka 9:48

na khan kơ lu đe ei: “Bơngai bu sơng iŏk bơngai 'lơ̆p âu, yua kơ bơngai 'lơ̆p âu lui kơ Inh, bơngai noh dang sơng iŏk Inh. Bơngai bu sơng iŏk Inh, bơngai noh dang sơng iŏk 'Bok Kei-Dei mă wơh Inh mơ̆n. Bơngai bu lăm lu iĕm pơm iĕ hloh, bơngai noh boih pơm tih.”