Luka 7:26 - Sơ̆p Hlabơar Nơ̆r 'Bok Kei-Dei

²⁶ Lei iĕm chă kiơ? Iĕm năm chă bơngai pơtruh nơ̆r 'Bok Kei-Dei hăm trŏ? Trŏ boih iĕm năm chă bơngai pơtruh nơ̆r 'Bok Kei-Dei. Inh khan kơ iĕm tơpă, Yôhan boih sư tih hloh kơ đĭ-đăng lu bơngai mă pơtruh nơ̆r 'Bok Kei-Dei sơ̆.

Luka 7:26 Iomraidhean Croise

Luka 1:76

Ơ dăm, gah ih âu đe gô anăn ih bơngai pơtruh nơ̆r 'Bok Kei-Dei mă Kră Yang Tih Hloh, yua kơ ih gô năm hơdrol kơ Kră Yang wă hơmet ming kon bơngai hơdrol kơ Sư truh.

Luka 16:16

“'Bok Kei-Dei pơkă ăn kơ bơ̆n tơdrong juăt Sư sơ̆ păng wơh lu bơngai pơtruh nơ̆r Sư lăp truh tơ Yôhan đĕch. Na đơ̆ng Yôhan pơtơm bơtho sơ̆ truh dang ei nhôn bơtho tơdrong 'nao 'lơ̆ng 'Bok Kei-Dei wă pơklaih kon bơngai đơ̆ng tơdrong yoch na pơgơ̆r lu sư, na đĭ-đăng bơngai wă tơpă kơ 'Bok Kei-Dei pơgơ̆r lu sư thoi noh.

Luka 20:6

Dah bơ̆n khan đơ̆ng kon bơngai, lei hli kơ lu kon pơlei klơ̆m bơ̆n păng tơmo, yua kơ lu sư lui kơ Yôhan bơngai pơtruh nơ̆r 'Bok Kei-Dei tơpă.”

Luka 7:25

Lei iĕm chă kiơ? Dah iĕm năm lăng bơngai hrŭk hơbĕn ao 'lơ̆ng? Tơ̆ng iĕm wă lăng bơngai hrŭk hơbĕn ao 'lơ̆ng jơnap jơnoi, lei sư oei tơ hnam 'bok pơtao.

Luka 7:27

Yua kơ Yôhan boih na đe mah chih lăm sơ̆p hla bơar 'Bok Kei-Dei sơ̆ thoi âu: 'Bok Kei-Dei khan: ‘Âu Inh wơh minh 'nu bơngai pơtruh nơ̆r Inh hơdrol, wă kơ sư hơmet trong kơ Ih.’

Yo 5:35

Yôhan thoi ŭnh kơđeng nhơk hơdah. Iĕm mơ̆ng sư bơtho hiôk chơt tơpă ră, mă-lei lăp minh yuh đĕch.