Luka 7:25 - Sơ̆p Hlabơar Nơ̆r 'Bok Kei-Dei

²⁵ Lei iĕm chă kiơ? Dah iĕm năm lăng bơngai hrŭk hơbĕn ao 'lơ̆ng? Tơ̆ng iĕm wă lăng bơngai hrŭk hơbĕn ao 'lơ̆ng jơnap jơnoi, lei sư oei tơ hnam 'bok pơtao.

Luka 7:25 Iomraidhean Croise

II Sam 19:35

Dang ei inh đei tơhngam-jĭt sơnăm boih, inh ưh pă băt kơ tơdrong 'lơ̆ng păng tơdrong kơnê̆ dơ̆ng boih Đĭch đam ih kư̆m ưh pă băt kơ tơmam sa, đak nhă nham dah ưh. Kŭm ưh pă gơh mơ̆ng nơ̆r hơri lu khŭl drŏ-nglo, drŏ-kăn hiôk dah ưh Đĭch đam ih pơnĕ pơm pơmat kơ pơtao yŏng tơ'ngla inh đĕch

I Pot 10:5

tơmam sŏng sa kơpal gơ'bang, tang-dŏ lu bơngai jang sư hơ-oei, tơdrong jang lu đĭch đam sư, hơbĕn ao lu sư hrŭk, lu bơngai năm ba kơchŏk đak nhă pơtao păng dôm tơmam soi pơyơ̆r lăm Hnam kơkuh kơ Kră Yang, yă pơtao ưh pă gơh pơma kiơ.

II Pot 1:8

Lu sư tơl: “Bơngai noh hrŭk ao akar sŏk sem bri păng tơ̆n tơlei tơ̆n akar.” Pơtao khan: “'Nei Êli bơngai Tisbit noh bơih.”

Esther 1:11

chông yă pơtao Wathi năm 'bơ̆t anăp pơtao, pơyơ̆l ăn kơ sư môk pơtao, wă tơ'bôh ăn tơdrong 'lơ̆ng sư kơ kon pơlei pơla păng kơ lu kuan tih lăng, yua kơ akâu sư hơbŏ 'lơ̆ng dêh.

Esther 1:3

Lăm sơnăm mă pêng chăl sư pơgơ̆r, sư pơih sŏng sa tih, sư krao wơ̆n lu kră pơgơ̆r wei-lăng tơring păng lu yŏng linh char Phersia hăm Mêdi năm 'bơ̆t anăp sư.

Esther 4:2

Sư năm truh tơ 'nguaih 'măng dur pơtao đĕch yua kơ lu bơngai bu mă su 'bi ưh kơ gơh kơ mơ̆t ôh lăm 'măng dur pơtao noh.

Esther 5:1

Lăm năr mă pêng Esther hrŭk ao yă pơtao sư klaih kơ noh sư năm dơ̆ng 'bơ̆t anăp 'măng tơklă anih tang-dŏ pơtao hơ-oei, pơtao sư hơ-oei tang-dŏ tơklă 'măng mơ̆t anih pơtao sư.

Esther 8:15

Morđêkai lĕch đơ̆ng anăp pơtao hrŭk hơbĕn ao jơk kok, yơ̆l môk maih pơtao păng hrŭk ao tai che 'bui se 'brê hơhĭm, kơplah noh kon pơlei Susa ôr jreo chhôk hơnôk.

Êsai 59:17

Kră Yang iŏk tơdrong tơpăt hrŭk thoi ao mam păng iŏk tơdrong dŏng pơklaih, yơ̆l thoi môk kơlăm Sư iŏk tơdrong pơm 'mong pơm thoi hơbĕn ao hrŭk, sư iŏk đĭ jơhngơ̆m tơnăp wăn tăp tơ akâu pơm thoi hơbĕn ao.

Mathiơ 11:8

Lei iĕm chă kiơ? Dah iĕm năm lăng bơngai hrŭk hơbĕn ao 'lơ̆ng? Tơ̆ng iĕm wă lăng bơngai hrŭk hơbĕn ao 'lơ̆ng, lei sư oei tơ hnam 'bok pơtao.

Mathiơ 3:4

Yôhan hrŭk ao tanh păng sŏk aseh lăk-đa păng tơ̆n gơ'năm akar tơ bơnei sư. Tơmam sa sư lep păng đak sut bri đĕch.

Mathiơ 6:29

Inh khan kơ iĕm tơpă, pơtao Sôlômôn sơ̆ sư mơdrŏng tih tơpă, mă-lei hơbĕn ao sư ưh kơ mah 'lơ̆ng dang pơkao 'nhĕt bri brah ôh.

Luka 16:19

Yêsu khan dơ̆ng thoi âu: “Sơ̆ đei minh 'nu bơngai mơdrŏng, sư juăt kơ hrŭk ao 'lơ̆ng rŏ păng sŏng sa jơnap ling-lang.

Luka 7:24

Lăp lu bơngai pơhrăm păng Yôhan wih boih, na Yêsu pơma kơ tơpôl đe ei gah tơdrong Yôhan: “Iĕm năm tơ Yôhan tơ char glă sơ̆, iĕm chă kiơ? Ưh kơ sĭ iĕm năm chă bơngai ngĭl ngŭl tơchĕng đon 'bar pah thoi lĕ hla kial thu wơ̆t lăk ôh.

Luka 7:26

Lei iĕm chă kiơ? Iĕm năm chă bơngai pơtruh nơ̆r 'Bok Kei-Dei hăm trŏ? Trŏ boih iĕm năm chă bơngai pơtruh nơ̆r 'Bok Kei-Dei. Inh khan kơ iĕm tơpă, Yôhan boih sư tih hloh kơ đĭ-đăng lu bơngai mă pơtruh nơ̆r 'Bok Kei-Dei sơ̆.