Luka 7:14 - Sơ̆p Hlabơar Nơ̆r 'Bok Kei-Dei

¹⁴ Na Yêsu hơloh năm pel hơbang, na lu bơngai tung hơbang 'nei dơ̆ng. Yêsu khan kơ bơngai lôch 'nei khan: “Ơ dăm, iung bĕ ih.”

Luka 7:14 Iomraidhean Croise

I Pot 17:21

Đơ̆ng noh sư brom kơpal bơngai 'lơ̆p 'noh pêng wơ̆t păng krao khan kơ Kră Yang: “Ơ Kră Yang 'Bok Kei-Dei inh! Apinh Ih ăn bơhngol bơngai 'lơ̆p 'nâu wih mơ̆t lăm akâu sư dơ̆ng.”

I Pot 17:22

Kră Yang mơ̆ng păng tơl tơwih nơ̆r Êli krao khan; bơhngol bơngai 'lơ̆p 'noh mơ̆t dơ̆ng tơ lăm akâu sư na sư iung arih dơ̆ng.

Jop 14:12

Kon bơngai lôch bơih ưh pă arih dơ̆ng. Dĭng truh tơ plĕnh teh ưh pă đei kon bơngai kư̆m tam mă iung arih 'mơ̆i. Ưh kơ đei bu mă gơh râu tơiung sư đơ̆ng lôch.

Jop 14:14

Bơngai lôch, hăm gơh iung arih dơ̆ng? Đĭ-đăng năr jang gleh glăn inh, inh răp gô tơ̆p mă inh gơh lĕch.

Horiso 33:9

Đơ̆ng Sư sơkat, na đei hloi, Sư athei, na tơmam kơjăp hlŏng hloi.

Êsai 26:19

Lu bơngai lôch lăm Ih gô iung arih, akâu akar lôch bơih lu sư gô iung dơ̆ng. Ơ lu bơngai lăm 'mui teh iung bĕ, hiôk chơt hơri bĕ. Đak ngom Ih nhen đak ngom pơgê hrôih, teh gô tơpŭ tơlĕch lu bơngai đơ̆ng lôch bơih.

Markôs 5:41

Yêsu rôp ti sư păng khan kơ sư hăm nơ̆r Juđê: “Talitha kumi,” wă khan: “Ơ mŏ adruh iĕ, Inh râu e, iung bĕ.”

Luka 7:13

Lăp Kră Yang Yêsu 'bôh mĕ sư ei, 'brơ̆k mơnat, na Sư khan: “Ih 'nĕ pă hmoi.”

Luka 7:15

Gruih sư iung tơoei păng pơma. Đơ̆ng noh Yêsu pơjao ăn kơ mĕ sư.

Luka 7:17

Đe ră roi tơdrong Yêsu tơiung arih bơngai ei đơ̆ng lôch jơ̆p kơ dêh Juđê păng kiơ̆ dêh tơmoi hai.

Yo 11:25

Yêsu khan kơ sư: “Inh boih tơiung arih bơngai đơ̆ng lôch păng ăn tơdrong arih ling-lang. Bơngai bu lui kơ Inh, bơngai 'noh sư lôch bưh mơ̆n, mă-lei Inh tơiung arih sư dơ̆ng.

Yo 5:21

Yua kơ 'Bă Inh gơh tơiung arih kon bơngai đơ̆ng lôch na Inh Kon Sư kư̆m thoi Sư mơ̆n, Inh gơh ăn tơdrong arih kơ kon bơngai gô mơ̆ng kơ Inh wă.

Yo 5:25

“Inh khan tơpăt kơ iĕm dơ̆ng, ning-mônh kư̆m thoi dang ei mơ̆n, lu bơngai lôch gô kơtơ̆ng nơ̆r Kon 'Bok Kei-Dei krao sư, na bu mă mơ̆ng Sư krao, sư 'noh gô iung arih.

Rom 4:17

Yua kơ lăm sơ̆p hla bơar 'Bok Kei-Dei khan sơ̆ thoi âu: “Inh gô ăn kơ ih pơm 'bă kơ đĭ-đăng teh đak.” 'Bok Kei-Dei khan thoi noh na Abraham lui kơ nơ̆r 'Bok Kei-Dei, sư băt kơ 'Bok Kei-Dei gơh ăn kơ bơngai lôch gơh iung arih păng gơh pơjing tôm tơdrong hăm nơ̆r Sư pơma đĕch.

Êphêsô 5:12

Bơ̆n băt kơ tơdrong kơnê̆ lu sư pơm noh kơnê̆ tơpă păng mơlâu ră kơ pơma 'bơm tơdrong noh.