Luka 6:6 - Sơ̆p Hlabơar Nơ̆r 'Bok Kei-Dei

⁶ Minh năr pơdơh Sa'bat nai dơ̆ng Yêsu mơ̆t tơ hnam akŭm 'Bok Kei-Dei bơtho đe. Na đei minh 'nu bơngai ti kue gah 'ma oei lăm ei mơ̆n.

Luka 6:6 Iomraidhean Croise

I Pot 13:4

Kơplah pơtao Jêrôbôam kơtơ̆ng bơngai đơ̆ng Kră Yang 'Bok Kei-Dei pơma ôr blah hăm chơnang soi tơ pơlei Bethel, na pơtao Jêrôbôam chro đơ̆ng chơnang soi yơ̆r ti păng khan: “Rôp sư bĕ!” Ti đêl sư chro tơhlâu tơ bơngai mă Kră Yang 'Bok Kei-Dei yua 'noh Kră Yang pơm kơ ti sư arăng kro hloi, ưh pă gơh kơchôt dơ̆ng.

Sa 11:17

Răm-'băm tơpă kơ lu bơngai wei triu ưh kơ brĕ, achăng lê̆ triu lu sư! Iŏk đao 'bet kơkŏng ti sư păng koh măt gah 'ma sư; kơkŏng sư jing jo păng măt sư jing tol.”

Mathiơ 4:23

Yêsu năm jơ̆p-jang kơ dêh Galilê bơtho đe tơ lăm hnam akŭm đe Juđê gah tơdrong 'nao 'lơ̆ng 'Bok Kei-Dei wă pơgơ̆r bơ̆n păng Sư pơklaih rah dôm tơdrong jĭ jăn kon pơlei pơla pơmat-tat.

Luka 13:10

Lăm năr pơdơh Sa'bat ei Yêsu bơtho tơ hnam akŭm đe Juđê.

Luka 14:3

Na Yêsu jet hloi lu thây bơtho tơdrong juăt đe Juđê păng lu bơngai Pharisi thoi âu: “Kiơ̆ kơ tơdrong juăt bơ̆n, bơ̆n hăm gơh pơklaih đe jĭ jăn lăm năr pơdơh Sa'bat ưh?”

Luka 4:16

Klaih kơ noh Yêsu wih tơ Pơlei Nasaret, pơlei Sư kơdih. Lăp truh kơ năr pơdơh Sa'bat Sư năm akŭm tơ hnam 'Bok Kei-Dei pơlei Sư kơdih, yua kơ rim năr pơdơh Sa'bat Sư juăt kơ akŭm ngăl. Lăp truh tơ ei Sư iung wă đŏk kơ đe sơ̆p hla bơar 'Bok Kei-Dei.

Luka 4:31

Klaih kơ noh Yêsu năm tơ Pơlei Kapernum lăm dêh char Galilê ei mơ̆n. Na kơplah năr pơdơh Sa'bat Sư bơtho kon pơlei pơla tơ noh.

Luka 6:1

Lăp năr pơdơh Sa'bat ei, Yêsu păng lu bơngai pơhrăm păng Sư drong mơ̆t tơ mir, na lu bơngai pơhrăm păng Sư broch găr 'ba kăp sa ngôi.

Luka 6:5

Yêsu khan dơ̆ng kơ lu bơngai Pharisi: “Inh Kon Bơngai, Inh boih yŏng pơgơ̆r kơ năr pơdơh Sa'bat.”

Yo 5:3

Tơ ala prơng noh đei lơ bơngai 'bĭch păn kơ jĭ jăn. Lu mơ'nah măt tol, mơ'nah ti kue, mơ'nah jơ̆ng jo go kơdŭ. Lu bơngai jĭ ei chang gô đak dơnâu tơglăk,

Yo 9:16

Lu bơngai Pharisi mơ'nah khan: “Bơngai pơm thoi noh Sư ưh kơ sĭ lĕch đơ̆ng 'Bok Kei-Dei ôh, yua kơ Sư ưh kơ răk năr pơdơh Sa'bat.” Lu mơ'nah khan dơ̆ng: “Yah lei, bơngai yoch ưh kơ gơh pơm tơdrong mơsêh mơyang thoi Sư noh ôh.” Thoi noh na lu sư tơklah băl đon gah tơdrong Yêsu.