Luka 6:44 - Sơ̆p Hlabơar Nơ̆r 'Bok Kei-Dei

⁴⁴ Lăng plei băt kơ tơm. Bơ̆n ưh kơ lah layơ wă năm phĕ plei hơra khan năm chă tơ tơm 'long jơla. Bơ̆n ưh kơ lah layơ wă năm phĕ plei hơmu khan năm chă tơ tơm 'long bơmrôm.

Luka 6:44 Iomraidhean Croise

Mathiơ 12:33

“Iĕm băt boih, tơnơm 'lơ̆ng ling-lang pơjing plei 'lơ̆ng. Tơnơm kơnê̆ pơjing plei kơnê̆. Bơ̆n băt kơ 'long 'lơ̆ng dah ưh, bơ̆n lăng plei sư.

Mathiơ 7:16

Iĕm băt kơ sư bơngai kơnê̆, yua kơ iĕm 'bôh tơdrong kơnê̆ sư pơm. Kư̆m thoi lu 'long, khŭl 'long jơla ưh kơ gơh pơjing plei hơmu ôh; thoi lĕ kơ 'long bơmrôm sư ưh kơ gơh pơjing plei hơra ôh.

Mathiơ 7:20

Kư̆m thoi lu 'long 'noh mơ̆n, lu bơngai hơlĕnh khan sư pơtruh nơ̆r 'Bok Kei-Dei, bơ̆n 'bôh dôm tơdrong kơnê̆ sư pơm na bơ̆n băt sư bơngai kơnê̆.

Ya 3:12

Ơ 'nhŏng oh, bĭ 'long hơra hăm gơh pơjing plei hơmu, 'long hơmu hăm gơh pơjing plei hơra? Ưh ôh. Na tu đak kư̆m lei-lăi, đak 'băt 'boh ưh kơ gơh pơjing đak sơngiĕo 'lơ̆ng ôh. Na thoi yơ bơngai kơnê̆ gơh pơma tơdrong 'lơ̆ng?

Ju 1:12

Kơplah iĕm sŏng sa tih, iĕm sa hơpong wă tơbăt kơ đe tơdrong iĕm 'mêm băl, lu sư kư̆m sŏng sa hơdai iĕm mơ̆n, mă-lei lu sư sa dư dêh wă kơ mă hrăp kơ hơlŏng klak lu sư kơdih, ưh kơ băt mơlâu kơ bôl buăl. Lu sư pơm tơdrong noh kơplah iĕm akŭm băl tơdrong 'lơ̆ng, thoi lĕ kơ ao 'nao, mă sư mơgrĭ. Lu sư jing bơngai ưh kơ yua, thoi hơmơ̆l păr tơ rơwơ̆ng ưh kơ đei 'mi, kial thu jơ̆p-jang; kư̆m thoi 'long ưh kơ plei, trŏ bơyan plei mă sư jing thoi 'long lôch, jing tơbuch đĭ rơh sư hloi.