Luka 6:43 - Sơ̆p Hlabơar Nơ̆r 'Bok Kei-Dei

⁴³ “'Long 'lơ̆ng ưh kơ layơ pơjing plei kơnê̆. 'Long kơnê̆ ưh kơ layơ pơjing plei 'lơ̆ng.

Luka 6:43 Iomraidhean Croise

Êsai 5:4

Hăm đei tơdrong kiơ gơh pơm dơ̆ng kơ pơgar hơmu Inh. Mă Inh tam mă pơm ăn kiơ kơ sư? Kơplah Inh hơmĕng kơ đei plei 'lơ̆ng mă-lei tă tơ plei wir kơnê̆?

Êsai 61:3

Wă ăn kơ lu bơngai ơh sơ'ngon oei tơ pơlei Siôn hơgăl pơkao tơplih kơ tơnuh tuh ăn đak 'bâu phu hiôk chơt tơplih kơ ơh sơ'ngon, pơhrŭk ăn ao bơnê ư-ang tơplih kơ jơhngơ̆m ơh klai. Đe gô krao sư tơm 'long kôih tơdrong tơpăt, 'long mă Kră Yang đei pơtăm bơih. Wă tơ'bôh tơdrong ư-ang Kră Yang.

Je 2:21

Inh pơtăm boih thoi minh tơnơm hơmu 'lơ̆ng Inh rơih iŏk, tă kơ găr adrĕch 'lơ̆ng ngăl. Na liơ iĕm tơplih lê̆ jing tơm hơmu bri kơnê̆?

Mathiơ 12:33

“Iĕm băt boih, tơnơm 'lơ̆ng ling-lang pơjing plei 'lơ̆ng. Tơnơm kơnê̆ pơjing plei kơnê̆. Bơ̆n băt kơ 'long 'lơ̆ng dah ưh, bơ̆n lăng plei sư.

Mathiơ 3:10

Sung Sư, Sư 'măn hiă rim kơ tơnơm 'long boih. Dah 'long ayơ ưh kơ đei plei 'lơ̆ng lei 'Bok Kei-Dei gô kăl tŭk 'long noh klơ̆m tơ ŭnh.

Luka 6:42

Lơliơ iĕm pơ̆n khan kơ 'nhŏng oh iĕm khan: Lê̆ inh iŏk 'bruih đom lăm klong măt ih, lăm klong măt iĕm kơdih 'long tih oei đom ră mă-lei kơdih iĕm ưh kơ mơn? Ơ bơngai 'bơ̆r đak klak ŭnh, iĕm iŏk tŭk 'long tih đom lăm klong măt iĕm 'mơ̆i wăi, na iĕm gơh 'bôh hơdah iŏk tŭk 'bruih iĕ đom lăm klong măt 'nhŏng oh iĕm.