Luka 6:42 - Sơ̆p Hlabơar Nơ̆r 'Bok Kei-Dei

⁴² Lơliơ iĕm pơ̆n khan kơ 'nhŏng oh iĕm khan: Lê̆ inh iŏk 'bruih đom lăm klong măt ih, lăm klong măt iĕm kơdih 'long tih oei đom ră mă-lei kơdih iĕm ưh kơ mơn? Ơ bơngai 'bơ̆r đak klak ŭnh, iĕm iŏk tŭk 'long tih đom lăm klong măt iĕm 'mơ̆i wăi, na iĕm gơh 'bôh hơdah iŏk tŭk 'bruih iĕ đom lăm klong măt 'nhŏng oh iĕm.

Luka 6:42 Iomraidhean Croise

Tơdrông Pơđơk 18:17

Mơ̆ng bơngai adrol pơma rŏ kơ trŏ; Phŏ truh đei apinh na gơh nhen.

Mathiơ 26:75

Pêtrôs 'blŏk hơdơ̆r hloi kơ tơdrong Yêsu khan kơ sư khan: “Hơdrol kơ iĕr ŏ, ih gô sơngah kơ Inh pêng 'măng.” Thoi noh na sư lĕch hmoi ơh kơdih sư.

Mathiơ 7:3

Lơliơ iĕm jô̆ kơ 'nhŏng oh iĕm đei tơdrong yoch mă iĕm đei tơdrong yoch tih hloh kơ sư dơ̆ng, dang iĕm 'bôh 'bruih iĕ đom lăm klong măt 'nhŏng oh iĕm, mă iĕm ưh kơ mơn kơ 'long tih oei đom lăm klong măt iĕm kơdih?

Mathiơ 7:4

Lơliơ iĕm pơ̆n khan kơ 'nhŏng oh iĕm khan: ‘Lê̆ inh iŏk 'bruih đom lăm klong măt ih,’ lăm klong măt iĕm kơdih 'long tih đom ră mă-lei kơdih iĕm ưh kơ mơn?

Luka 13:15

Kră Yang Yêsu tơl 'bok ei: “Ơ lu bơngai 'bơ̆r đak klak ŭnh, lăm năr pơdơh đĭ-đăng kơ iĕm yaih tơlĕch rơmo aseh iĕ iĕm puh pơnhă sư tơ đak.

Luka 22:32

Mă-lei Inh krao khan kơ 'Bok Kei-Dei wă kơ Sư tơgŭm ih huay kơ tŭk lê̆ tơdrong lui ih. Na lăp ih kơnăl tơdrong ih wă sơngah kơ Inh noh kơnh, na ih athei pơlung lu 'nhŏng oh ih âu wă kơ lu sư kư̆m lui kơjăp dơ̆ng.”

Luka 6:41

“Lơliơ iĕm jô̆ kơ đe đei tơdrong yoch mă iĕm đei tơdrong yoch tih hloh kơ đe dơ̆ng, dang iĕm 'bôh 'bruih iĕ đom lăm klong măt 'nhŏng oh iĕm, mă iĕm ưh kơ mơn kơ 'long tih oei đom lăm klong măt iĕm kơdih?

Luka 6:43

“'Long 'lơ̆ng ưh kơ layơ pơjing plei kơnê̆. 'Long kơnê̆ ưh kơ layơ pơjing plei 'lơ̆ng.

Jang 2:38

Pêtrôs khan: “Iĕm athei tơbral kơdih tơdrong yoch iĕm. Iĕm athei iŏk 'batem hăm anăn Yêsu Krist wă kơ Sư pơklaih tơdrong yoch iĕm, Sư ăn kơ iĕm Yang Bơhngol 'Lơ̆ng.

Jang 8:21

'Bok Kei-Dei ưh kơ ăn kơ ih tơdrong âu ôh yua kơ Sư 'bôh jơhngơ̆m ih ưh kơ 'lơ̆ng păng Sư.

Rom 2:1

Lăm lu iĕm mơ'nah jô̆ kơ đe pơm yoch, iĕm ưh kơ gơh khan kơ đe thoi noh ôh, yua kơ iĕm kư̆m hơdai pơm yoch lei-lăi. Iĕm jô̆ kơ đe pơm yoch noh dang iĕm khan kơ akâu iĕm kơdih pơm yoch.

II Kor 5:18

Tơdrong noh 'Bok Kei-Dei pơm kơ bơ̆n, Sư athei Yêsu Krist pơgơ̆p bơ̆n jing bơngai 'lơ̆ng hăm Sư dơ̆ng. Na dang ei Sư wă kơ nhôn krao tơwih iĕm đe jing bơngai 'lơ̆ng hăm Sư.

II Tim 2:21

Bơngai bu hŭt lê̆ dôm tơdrong kơnê̆ sư, bơngai 'noh sư kư̆m thoi lĕ pơnhan chhĕr yua 'bơ̆t sŏng sa tih mơ̆n. Yŏng sư 'Bok Kei-Dei gơh yua sư dang ei hloi jang dôm tơdrong Sư, yua kơ sư đei đon 'lơ̆ng tơpăt.

II Pet 1:9

Mă-lei bu ưh kơ pơm kiơ̆ dôm tơdrong noh, bơngai noh sư thoi bơngai măt bơbul, ưh kơ 'bôh hơdah; păng sư thoi bơngai hiơt kơ 'Bok Kei-Dei dŏng pơklaih bơ̆n đơ̆ng tơdrong yoch.