Luka 6:21 - Sơ̆p Hlabơar Nơ̆r 'Bok Kei-Dei

²¹ “Pŭn dêh lu iĕm mă pơngot rơwĕt dang ei, iĕm gô phĭ jơnap. Pŭn dêh lu iĕm mă nhơ̆m hmoi dang ei, iĕm gô hiĕk, gô chơt.

Luka 6:21 Iomraidhean Croise

Bl 17:17

Abraham drap bon tơ teh, hiĕk păng khan lăm to thoi âu: “Ô 'bônh ah bơngai kah minh-hrĕng sơnăm boih, na gơh pơjing kon dơ̆ng? Gah Sara, sư tơsĭn-jĭt, gô đei hơ'lơ̆p hă?”

Bl 21:6

Sara khan thoi âu: “Kră Yang 'Bok Kei-Dei đei pơm kơ inh minh tơdrong hiôk, đĭ-đăng bu bu kơtơ̆ng kư̆m hiôk chhôk hơdai hăm inh.”

Horiso 107:9

Yua kơ Sư pơm kơ bơngai rơhing gơh hrăp. Ăn kơ bơngai pơngot, sa phĭ rơkah kơ tơmam sa 'lơ̆ng;

Horiso 119:136

Đak măt inh lĕch ro nhen thoi đak glung. Yua kơ đe kuă kơ wei răk khôi juăt Ih.

Horiso 143:6

Inh yơ̆r ti inh gah Ih; Jơhngơ̆m inh rơhing kơ Ih thoi teh hrĕng kro. Sêla

Horiso 17:15

Bĭ inh âu, lăm tơdrong tơpăt inh gô 'bôh muh măt Ih; Mưh hơđơ̆r, inh gô lăp đon lăng rup hơbŏ Ih.e

Horiso 28:7

Kră Yang jơ̆ jơhngơ̆m pran păng thoi khêl inh, Jơhngơ̆m inh gơnang boih kơ Sư, na inh mă gơh klaih, Yua kơ thoi noh jơhngơ̆m inh chơt hiôk tơpă. Inh gô iŏk nơ̆r hơri bơnê kơ Sư.

Horiso 65:4

Pŭn dêh kơ bơngai bu mă Ih đei rơih păng ăn jê̆ Ih. Wă kơ oei tơ cham Ih: Lu nhôn gô phĭ jơnap đei tơmam 'lơ̆ng đơ̆ng hnam Ih.

Êsai 25:6

Tơ kơpal kông âu Kră Yang Tih Hloh gô hơmet ăn kơ rim adrĕch adrung, tơmam et sa tih. Hăm tơdrô hơmu 'lơ̆ng hloh, tơmam sa 'nhĕm rơmă bek đei 'ngăl, tơdrô hơmu 'lơ̆ng rơgoh.

Êsai 30:19

Ơ kon pơlei pơla oei lăm Siôn, lu bơngai oei lăm pơlei Jêrusalem, lu iĕm huay pă nhơ̆m hmoi dơ̆ng bơih. Mưh iĕm krao, sĭt Sư gô mơnat. Mưh kơtơ̆ng lu iĕm krao, Sư gô tơl hloi.

Êsai 66:10

“Hiôk chơt bĕ hơdai hăm pơlei Jêrusalem ơ lu bơngai mă 'mêm kơ pơlei Jêrusalem. Hiôk chơt bĕ yua kơ sư, ơ lu bơngai mă nhơ̆m hmoi kơ Jêrusalem, athei đĭ jơhngơ̆m chơt hiôk 'nă hal hơdai hăm sư.

Je 13:17

Mă-lei tơdah lu iĕm kuă kơ mơ̆ng, inh gô nhơ̆m lăm to, yua kơ tơdrong lu iĕm pơang. Măt inh gô nhơ̆m ơh ol dêh, đak măt inh gô lĕch ro, yua kơ triu Kră Yang đe gô rôp pơm bơnă.

Je 31:25

Inh gô ăn kơ lu bơngai gleh lap klaih rơhing păng lu bơngai pă kĕ sa phĭ mah.”

Je 31:9

Lu sư brŏk hăm nhơ̆m hmoi, păng krao khan, Inh gô pơlung păng chông ba lu sư, Inh gô bơrơng lu sư rok cheng đak glung, rok trong dơhnă, lu sư huay kơtơih pơ̆k, yua kơ Inh boih 'bă kơ lu adrĕch Isơrael, păng Êphraim kon kơdră Inh.

Je 9:1

Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!

Êsêkiên 7:16

Dôm lu bơngai ayơ klaih oei arih gô oei tơ kơpal kông nhơ̆m hmoi thoi sem kơtơp lăm pŭng-lŭng, đĭ-đăng lu sư nhơ̆m hmoi yua kơ tơdrong yoch kơdih.

Êsêkiên 9:4

na khan kơ sư: “Năm bĕ tơ jơ̆p lăm pơlei Jêrusalem, chih 'bơ̆t klĕng rim 'nu bơngai bu nhơ̆m hmoi kơ tơdrong yoch kơnê̆ krưp mă đei pơm boih lăm pơlei.”

Mathiơ 5:4

“Pŭn dêh lu bơngai mă ơh sơ'ngon, 'Bok Kei-Dei wă pơlung lu sư.

Mathiơ 5:6

“Pŭn dêh lu bơngai 'maih pơm 'lơ̆ng thoi 'Bok Kei-Dei wă, 'Bok Kei-Dei gô ăn kơ sư jing 'lơ̆ng thoi noh.

Luka 1:53

Sư 'me lu bơngai pơngot rơwĕt tơmam sa 'lơ̆ng, mă-lei lu bơngai mơdrŏng noh Sư tơbrŏk ti hoh đĕch.

Luka 6:20

Klaih kơ noh Yêsu hue lăng lu bơngai lui kiơ̆ Sư na khan: “Pŭn dêh lu iĕm bơngai dơnuh hin, yua kơ 'Bok Kei-Dei wă pơgơ̆r iĕm.

Luka 6:22

“Hiôk bĕ lu iĕm mă đe areh arĕnh, pơm kuă kơ iĕm, pơjăm pơjuă iĕm, khan iĕm bơngai kơnê̆ yua kơ iĕm lui kơ Inh Kon Bơngai.

Luka 6:25

“Lu iĕm mă phĭ jơnap dang ei, ning-mônh iĕm kư̆m pơmat-tat mơ̆n yua kơ tơmam sa ưh kơ đei. “Lu iĕm mă 'nă hal dang ei, ning-mônh iĕm gô nhơ̆m hmoi pơmat-tat mơ̆n.

Yo 11:35

Na Yêsu kư̆m nhơ̆m hmoi mơ̆n.

Yo 4:10

Yêsu khan kơ sư: “Dah ih băt kơ tơdrong 'Bok Kei-Dei wă ăn kơ ih păng dah ih băt kơ Inh bơngai thoi yơ mă apinh đak ih nhă na dah ih apinh Inh, Inh ăn hloi kơ ih đak mă ih gơh arih ling-lang.”

Yo 6:35

Yêsu khan kơ lu sư: “Inh boih jing tơmam sa mă ăn kon bơngai arih ei. Na bơngai bu năm tơ Inh, bơngai 'noh ưh kơ layơ pơngot; bơngai bu lui kơ Inh, bơngai 'noh ưh kơ layơ rơhing.

I Kor 4:11

Đơ̆ng sơ̆ khơ̆ dang ei, nhôn rơwĕt kơ por, ol kơ đak, iak kơ ao hiah dônh hrŭk hrăi; đe tơhmăi nhôn jĭ kơ lu sư tôn tơbeh teh tơlơ̆, wă ling-lang răm-'băm anih hnam hoh-hoy, hrăn yak rim anih.

II Kor 11:27

Inh jang gleh đei lơ tơdrong truh pơmat-tat. Phŏ kral kơmăng pă tep, phŏ pơngot hang klak rơhing kơ đak ưh kơ đei, năr jơ̆l kơ tơmam sa ưh kơ đei kư̆m đei, tơngiĕt tơngiot oei akâu hoh kư̆m đei.

II Kor 12:10

Yua kơ inh wă pơư pơang anăn Yêsu Krist, na inh đei tơdrong rơdu tơrăn, đei tơdrong đe pơjăm, đei tơdrong gleh truh, tơdrong đe pơm pơmat inh, tơdrong anat anot, mă-lei jơhngơ̆m inh hiôk rai pran.

II Kor 6:10

Đe lăng nhôn đei tơdrong sơ'ngon, mă-lei nhôn hiôk chơt ling-lang; đe lăng nhôn bơngai dơnuh, mă-lei đei lơ bơngai mơdrŏng yua kơ nhôn; đe lăng nhôn hoh-hoy kơbĭ đei kiơ, mă-lei nhôn đei tôm tơdrong tơmam.

Ya 1:12

Bơngai bu đei tơdrong đe pơlong lăng sư, tơdrong gleh truh kơ sư mă sư oei lui kơ 'Bok Kei-Dei kơjăp, bơngai noh hiôk rai loi; 'Bok Kei-Dei gô ăn kơ sư arih hiôk-hian ling-lang tơpă. Tơdrong 'noh Sư pơkă kơ rim 'nu bơngai, bơngai bu mă 'mêm kơ Sư.

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.

Tơdrông Tơ'bôh 7:16

Lu sư ưh pă layơ pơngot dah ol kơ đak, ưh pă layơ hli kơ bơyan tŏ bơyan phang.