Luka 6:17 - Sơ̆p Hlabơar Nơ̆r 'Bok Kei-Dei

¹⁷ Yêsu đơ̆ng groi kông ei jur tơ teh dơhnă hơdai hăm lu bơngai pơhrăm păng Sư. Na kư̆m đei lơ bơngai nai mă lui kiơ̆ Sư oei tơ ei mơ̆n. Kư̆m đei lơ bơngai nai năm tơ ei đơ̆ng jơ̆p kơ dêh Juđê, mơ'nah đơ̆ng Pơlei Jêrusalem, mơ'nah đơ̆ng Pơlei Tirơ păng Pơlei Siđôn mă oei kiơ̆ jih đak dơsĭ. Lu đe ei năm tơ Sư wă mơ̆ng Sư bơtho păng kư̆m wă kơ Yêsu chă pơklaih tơdrong jĭ jăn lu sư hloi.

Luka 6:17 Iomraidhean Croise

Horiso 103:3

Sư mơnat ăn dôm tơdrong yoch đêl ih pơm, Pơklaih dôm tơdrong jĭ jăn ih.

Mathiơ 11:21

Na Sư khan: “Ơ Pơlei Chơrasin, iĕm gô đei tơdrong pơmat tơpă ning-mônh. Ơ Pơlei 'Betsaiđa, iĕm kư̆m đei tơdrong pơmat tơpă mơ̆n ning-mônh. Dah Inh pơm lơ tơdrong mơsêh mơyang tơ Pơlei Tirơ hăm Pơlei Siđôn dang Inh pơm tơ pơlei iĕm ki, lei 'bar tŏ pơlei noh tơbral kơdih tơdrong yoch 'bônh đĕch; lei lu sư hrŭk hloi ao 'bi păng iŏk hloi tơnuh ŭnh pik tơ akâu lu sư wă kơ đe băt kơ lu sư sơ'ngon kơ tơdrong yoch sư tơpă. Mă-lei lu iĕm âu phara dêh, iĕm ưh kơ băt tơbral thoi noh.

Mathiơ 12:15

Yêsu băt thoi noh Sư lĕch đơ̆ng noh năm tơ nai, đei lơ bơngai kiơ̆ Sư; Sư kư̆m ming pơklaih đĭ-đăng lu bơngai jĭ jăn.

Mathiơ 14:14

Lăp Yêsu jur đơ̆ng thŏng-nan Sư 'bôh lơ bơngai kiơ̆ Sư na Sư mơnat dêh kơ lu bơngai noh, na Sư pơklaih hloi lu bơngai jĭ jăn.

Mathiơ 15:21

Đơ̆ng noh Yêsu năm tơ tơring Pơlei Tirơ hăm Pơlei Siđôn.

Mathiơ 5:1

Yêsu 'bôh lơ bơngai wă năm tơ Sư, na Sư tŏk tơ kông; truh kơpal kông boih na Sư tơoei wă bơtho đe, lu bơngai pơhrăm păng Sư năm tơ Sư tơ ei.

Luka 5:15

Yêsu kuă ăn kơ đe băt tơdrong Sư pơklaih bơngai noh hei ră, mă-lei đe kơtơ̆ng ang tơdrong noh jơ̆p-jang hloi. Na đei lơ bơngai năm wă mơ̆ng Sư bơtho păng wă kơ Yêsu pơklaih jĭ jăn lu sư mơ̆n.

Luka 6:12

Kơplah ei Yêsu tŏk tơ groi kông wă krao khan kơ 'Bok Kei-Dei. Sư krao khan tơ noh prăt măng hloi.

Luka 6:16

Juđa kon Yakơ bơngai nai păng Juđa Ikariôt, bơngai mă plơ̆ plĕch kơ Yêsu.

Luka 6:18

Lu bơngai pơmat-tat yua kơ yang kơnê̆ mơ̆t, Yêsu kư̆m pơklaih ăn mơ̆n.