Luka 6:14 - Sơ̆p Hlabơar Nơ̆r 'Bok Kei-Dei

¹⁴ Na âu jô̆ tôm lu anăn mơjĭt-'bar 'nu lu sư: Simôn, mă Yêsu anăn Pêtrôs; oh sư Andrê; Yakơ, Yôhan, Philip, 'Barthôlêmi,

Luka 6:14 Iomraidhean Croise

Mathiơ 10:2

Na âu jô̆ tôm lu anăn mơjĭt-'bar 'nu lu sư: Simôn mă Yêsu anăn Pêtrôs, sư pơm tih 'biơ̆ kơ bôl sư; oh sư Andrê; Yakơ hăm oh sư Yôhan. 'Bă bre sư Sêbêđê.

Mathiơ 10:3

Đơ̆ng noh lu đe Philip hăm 'Barthôlêmi; Thôm hăm Mathiơ, bơngai mă iŏk jên thuê̆ sơ̆; Yakơ kon Alphê hăm Thađê;

Mathiơ 4:18

Kơplah Yêsu năm kiơ̆ ter jih đak dơsĭ Galilê, Sư 'bôh 'bar 'nu 'nhŏng oh, anăn bre sư Simôn păng đe kư̆m anăn sư Pêtrôs, oh sư Andrê; bre sư oei traih jal chă ka lăm đak dơsĭ yua kơ bre sư bơngai juăt kơ chă ka ling-lang.

Mathiơ 4:21

Lu sư yak ataih 'biơ̆ đơ̆ng noh na tơ'bơ̆p dơ̆ng 'bar 'nu 'nhŏng oh nai. Anăn bre sư Yakơ hăm oh sư Yôhan kon Sêbêđê; bre sư oei kơpal thŏng-nan hăm 'bă sư oei hrăk ming jal, na Yêsu krao bre sư.

Markôs 1:19

Lu sư yak ataih 'biơ̆ đơ̆ng noh, Sư 'bôh bre Yakơ păng oh sư Yôhan kon Sêbêđê. Bre sư oei hrăk ming jal tơ thŏng-nan.

Markôs 1:29

Yêsu lĕch đơ̆ng hnam akŭm ei năm tơ hnam bre Simôn păng Andrê. Bre Yakơ păng Yôhan kư̆m kiơ̆ Sư mơ̆n.

Markôs 14:33

Yêsu anhăk ba lăp pêng 'nu đĕch truh tơ anih Sư krao khan. Anăn lu pêng 'nu noh Pêtrôs, Yakơ, Yôhan. Yêsu mơ-mreh hli dêh yua kơ Sư băt kơdih wă đei tơdrong gleh truh.

Markôs 3:16

Na âu jô̆ tôm lu anăn mơjĭt-'bar 'nu lu sư: Simôn mă Yêsu anăn Pêtrôs;

Markôs 5:37

Yêsu ưh kơ ăn đe kiơ̆ Sư, Sư ăn lu bơngai âu đĕch kiơ̆ Sư: Pêtrôs, Yakơ păng Yôhan mă oh Yakơ.

Markôs 9:2

Tơdrâu năr đơ̆ng rŏng kơ năr noh, Yêsu anhăk Pêtrôs, Yakơ hăm Yôhan lu sư tŏk tơ kông kơjung kơdrô̆ dôm lu sư âu. Na Yêsu tơwir akâu Sư kơdih 'bơ̆t anăp lu đe pêng 'nu noh.

Luka 5:10

Bôl mă jang hơdai sư ei kư̆m sơleng kơ đon mơ̆n. Anăn bre sư ei Yakơ păng Yôhan, kon Sêbêđê. Na Yêsu khan kơ Simôn: “Ih 'nĕ pă hli. Đơ̆ng âu tơ anăp kơnh ih gô krao chă kon bơngai wă kơ sư lui kơ 'Bok Kei-Dei.”

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Luka 6:13

Lăp 'năr boih na Yêsu krao lu bơngai pơhrăm păng Sư năm tơ Sư na Sư rơih iŏk mơjĭt-'bar 'nu. Sư anăn lu mơjĭt-'bar 'nu noh jơ̆ng 'bang Sư.

Luka 6:15

Mathiơ, Thôm, Yakơ kon Alphê, Simôn mă kiơ̆ khŭl đe Sêlôt sơ̆,

Yo 1:45

Philip năm roi kơ Nathanel khan: “Nhôn 'bôh boih Yêsu kon 'bok Yôsep Pơlei Nasaret, bơngai ei mă Môis chih roi lăm sơ̆p hla bơar tơdrong juăt bơ̆n păng lu 'bok pơtruh nơ̆r 'Bok Kei-Dei kư̆m chih roi lê̆ hơdrol kơ bơ̆n đơ̆ng sơ̆.”

Yo 14:8

Philip khan: “Ơ 'Bok, tơ'bôh kơ nhôn 'Bă Ih bĕ, dôm noh boih nhôn wă.”

Yo 6:5

Lăp Yêsu ngơk lăng na Sư tơmang 'bôh bơngai tơpôl lơ luh năm tơ Sư. Na Yêsu khan kơ Philip: “Bơ̆n răt tơmam sa đơ̆ng yơ wă kơ mah 'me bơngai dôm noh?”

Yo 6:8

Minh 'nu bơngai pơhrăm păng Yêsu nai, anăn sư Andrê, sư oh Pêtrôs, sư khan kơ Yêsu:

Jang 1:13

Lăp lu sư truh tơ Pơlei Jêrusalem boih na lu sư tŏk tơ hnam anih gah kơpal. Na anăn lu sư oei tơ ei: Pêtrôs, Yôhan, Yakơ, Andrê, Philip, Thôm, 'Barthôlêmi, Mathiơ, Yakơ kon Alphê, Simôn mă kiơ̆ khŭl đe Sêlôt sơ̆, Juđa kon Yakơ bơngai nai.

Jang 12:2

Na sư koh pơlôch Yakơ 'nhŏng kơ Yôhan.

II Pet 1:1

Inh Simôn Pêtrôs, bơngai đĭch đam Yêsu Krist, kư̆m pơm jơ̆ng 'bang Sư mơ̆n. Inh chih hơpong kơ lu bơngai mă 'Bok Kei-Dei hăm 'Bok Dŏng Pơklaih bơ̆n Yêsu Krist krao lui kơ Sư thoi nhôn, yua kơ Sư pơm tơpăt kơ đĭ-đăng.