Luka 5:9 - Sơ̆p Hlabơar Nơ̆r 'Bok Kei-Dei

⁹ Simôn pơma thoi noh yua kơ đĭ-đăng kơ lu sư sơleng kơ đon đơ̆ng lu sư rôp ka lơ dêh noh hei.

Luka 5:9 Iomraidhean Croise

Horiso 8:6

Ih jao ăn kơ kon bơngai pơgơ̆r wei-lăng dôm tơmam đơ̆ng tơpang ti Ih pơjing, ăn kơ lu kon sem, tơmam chu đep tơ ala jơ̆ng kon bơngai.

Horiso 8:8

Đĭ kơ lu sem păr tơ plĕnh hăm đĭ lu ka glơi tơ lăm trong đak dơsĭ sŭng.

Markôs 9:6

Pêtrôs sư pơma thoi noh yua kơ sư ưh pă gơh pơma thoi yơ boih kơlih kơ lu sư hli dêh.

Luka 2:18

Lu đe wang hlĭch hlăch kơtơ̆ng lu bơngai wei triu ră roi tơdrong noh.

Luka 4:32

Lu đe ei mơ̆ng mah chrêu kơ đon yua kơ dôm nơ̆r Sư bơtho gơh hơgei tơpă.

Luka 4:36

Thoi noh na đĭ-đăng lu bơngai 'bôh Sư pơm thoi noh, lu sư sơleng kơ đon na sư tơjet dih băl khan: “Thoi yơ bơngai âu pơma thoi noh đĕch ră mă-lei yang kơnê̆ mah lĕch hloi?”

Luka 5:10

Bôl mă jang hơdai sư ei kư̆m sơleng kơ đon mơ̆n. Anăn bre sư ei Yakơ păng Yôhan, kon Sêbêđê. Na Yêsu khan kơ Simôn: “Ih 'nĕ pă hli. Đơ̆ng âu tơ anăp kơnh ih gô krao chă kon bơngai wă kơ sư lui kơ 'Bok Kei-Dei.”

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”