Luka 5:7 - Sơ̆p Hlabơar Nơ̆r 'Bok Kei-Dei

⁷ Na bre ei kuơch krao hloi 'bar 'nu bôl sư đêl hơdai sư thŏng-nan mă 'bar ei năm tơgŭm sư. Na bre sư năm hloi. Na đĭ-đăng kơ lu sư hiŏng atŏk hloi ka ei tuh tơ 'bar tŏ thŏng-nan ei, mlưi mah wă 'bĕnh tôm, thŏng-nan kư̆m mah wă krăm hloi.

Luka 5:7 Iomraidhean Croise

Le 23:5

Tơdah ih 'bôh aseh iĕ, tơ'ngla sư mă bơngai areh kơ ih chơ trăp na ưh kơ kĕ, ih 'nĕ kơ pơglăn đĕch, athei tŭn dŏng sư.

Tơdrông Pơđơk 18:24

Bơngai đei buăl juăt lơ pơmat kơ sư kơdih; Mă-lei bơngai đei minh 'nu buăl tơpăt juăt hloh kơ 'nhŏng oh pôm mĕ 'bă.

Markôs 4:36

Yêsu oei tơ kơpal thŏng-nan đĕch đơ̆ng hei boih. Na lu bơngai pơhrăm păng Sư tơklah đơ̆ng lu bơngai tơpôl lơ, anhăk Yêsu kiơ̆ lu sư tŏk pah to đak. Păng đei 'bar pêng tŏ thŏng-nan nai năm kiơ̆ lu sư mơ̆n.

Luka 5:6

Truh tơ đak jrŭ boih na bre Simôn păng bôl sư traih hloi, ka puh jal bre sư lơ tơpă, na jal sư mah wă hiah hloi.

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”

Jang 11:25

Đơ̆ng rŏng kơ noh dơ̆ng, 'Barna'ba năm tơ Pơlei Tarsơ sư chă Sôl.

Galati 6:2

Iĕm gơh tơgŭm dih băl thoi noh trŏ tơpă, thoi Kră Yang Yêsu Krist pơkă.

Philip 4:3

Ơ 'nhŏng mă jang pôm đon hăm inh, inh wă kơ ih tơgŭm bre sư, yua kơ ki bre sư jang tơgŭm inh bơtho tơdrong 'nao 'lơ̆ng gleh tơpă. Bre sư jang hơdai nhôn đe 'bok Klêmang, hăm đĭ kơ lu bơngai jang hơdai nhôn; 'Bok Kei-Dei chih boih anăn lu sư tơ hla bơar tơdrong arih Sư.