Luka 5:5 - Sơ̆p Hlabơar Nơ̆r 'Bok Kei-Dei

⁵ Na Simôn khan: “Ơ 'Bok, nhôn măng hei traih ră jal prăt măng hloi, mă-lei 'nhŏ kơ đei minh găr. Dah traih jal kơ'năr rai lŭch mă-lei dang ei yua kơ Ih athei na inh chu Ih mơ̆n.”

Luka 5:5 Iomraidhean Croise

Êsêkiên 47:10

Lu bơngai traih ka gô dơ̆ng 'bơ̆t jih krong; đơ̆ng pơlei Êngêđi truh tơ Ên Eglaim đei anih wă dăng hơnhuăl; tơ noh đei lơ ka tôm kơ adrĕch ka kư̆m thoi lăm đak Dơsĭ Tih.

Luka 17:13

na lu sư krao 'bơ̆r re thoi âu: “Ơ 'Bok Thây ơi, Ih mơnat kơ nhôn 'biơ̆ bĕ.”

Luka 8:24

Lu bơngai pơhrăm păng Yêsu năm râu Yêsu khan hloi: “Ơ 'Bok Thây, bơ̆n wă lôch kơ đak lơ̆p boih.” Na Yêsu hơloh iung khă hloi kial hăm đak poh-yă. Na kial thĕng hloi păng đak poh-yă kư̆m pă adrŏ adrĕnh.

Luka 8:45

Kơplah 'nei Yêsu khan: “Bu kih pel Inh?” Đĭ-đăng lu đe ei khan: “Nhôn ưh kơ đei pel Ih.” Na Pêtrôs khan: “Ơ 'Bok Thây, đei lơ bơngai hmĕt hmot Ih.”

Luka 9:33

Lăp bre noh wă weh đơ̆ng Yêsu, na Pêtrôs khan kơ Yêsu: “Ơ 'Bok Thây, bơ̆n oei tơ âu hiôk dêh. Lê̆ kơ nhôn pơm kơ bơ̆n pêng tŏ bơsŭn; minh pôm pơm kơ Ih, minh pôm pơm kơ Môis, minh pôm pơm kơ Êli.” Pêtrôs pơma thoi noh, sư pơma hơdrol kơ đon.

Luka 9:49

Na Yôhan khan kơ Yêsu: “Ơ 'Bok Thây, nhôn 'bôh minh 'nu bơngai gơnang kơ anăn Ih wă pơpuh yang kơnê̆ đơ̆ng đe, na nhôn khă sư yua kơ sư ưh kơ jang hơdai bơ̆n.”

Yo 15:14

Dah iĕm răk dôm tơdrong Inh pơkă lei iĕm buăl juăt Inh tơpă.

Yo 2:5

Mĕ Sư kơtơ̆ng thoi noh boih, na sư năm khan kơ lu bơngai awih: “Iĕm jang kiơ̆ kơ Sư athei hŏ.”

Yo 21:3

Pêtrôs khan kơ lu buăl sư: “Inh wă năm traih ka.” Lu buăl sư khan: “Nhôn wă kiơ̆ ih mơ̆n.” Na đĭ-đăng lu sư tŏk thŏng-nan năm traih jal. Lu sư traih prăt măng mă-lei 'nhŏ kơ đei minh găr.