Luka 5:4 - Sơ̆p Hlabơar Nơ̆r 'Bok Kei-Dei

⁴ Yêsu bơtho lu đe ei đang boih, na Sư khan kơ Simôn thoi âu: “Bĕ bơ̆n wơ̆r thŏng-nan bơ̆n tơ jrŭ 'biơ̆ wă traih jal.”

Luka 5:4 Iomraidhean Croise

Mathiơ 17:27

Mă-lei ba ưh kơ wă pơkăl kơ lu bơngai iŏk thuê̆ ôh, ba athei duh pơyom. Na dang ei ih năm wah kơ ba ka tơ đak dơsĭ bĕ. Ih 'bôh ka mă kăp wah hơdrol ih iŏk pŏ 'bơ̆r sư hŏ, lăm 'bơ̆r sư noh đei minh hlak jên. Jên noh lăp tôm hloi kơ ba ăn thuê̆. Na ih iŏk jên noh ăn kơ lu bơngai mă iŏk thuê̆, khan kơ lu sư ba ăn tôm boih.”

Luka 5:5

Na Simôn khan: “Ơ 'Bok, nhôn măng hei traih ră jal prăt măng hloi, mă-lei 'nhŏ kơ đei minh găr. Dah traih jal kơ'năr rai lŭch mă-lei dang ei yua kơ Ih athei na inh chu Ih mơ̆n.”

Yo 21:6

Yêsu khan kơ lu sư: “Iĕm traih lăng gah 'ma kơ thŏng-nan, 'bơ̆t noh đei ka lơ.” Na lu sư traih hloi 'bơ̆t ei, ka puh jal lu sư lơ tơpă, lu sư ưh kơ kĕ hiot atŏk jal.