Luka 5:38 - Sơ̆p Hlabơar Nơ̆r 'Bok Kei-Dei

³⁸ Tơ̆ng bu wă tring sư athei tring mong sik 'nao tơ kơdŭng akar 'nao, yua kơ kơdŭng akar 'nao 'noh kơjăp.

Luka 5:38 Iomraidhean Croise

Êsêkiên 36:26

Inh gô ăn kơ lu iĕm jơhngơ̆m 'nao păng ăn yang bơhngol 'nao tơ lăm lu iĕm; Inh gô iŏk hŭt lê̆ đĭ jơhngơ̆m arăng thoi tơmo đơ̆ng akâu lu iĕm păng ăn kơ lu iĕm jơhngơ̆m rơmuăn hăm sĕch wă chu kiơ̆ Inh.

Mathiơ 9:17

Kư̆m thoi noh mơ̆n kơbĭ bu 'maih tring sik 'nao 'băt kơtang mong tơ kơdŭng akar so. Tơ̆ng bu tring sik 'nao 'băt kơtang noh tơ kơdŭng akar so pă jor gô pơchah. Đak sik gô lĕch hiong, kơdŭng gô pơchah răm. Tơ̆ng bu wă tring, sư athei tring mong sik 'nao tơ kơdŭng akar 'nao, yua kơ kơdŭng akar 'nao 'noh kơjăp.”

Luka 5:37

Kư̆m thoi noh mơ̆n kơbĭ bu 'maih tring sik 'nao 'băt kơtang mong tơ kơdŭng akar so. Tơ̆ng đe tring thoi ei, pă jor kơdŭng akar so 'noh gô pơchah, na sik gô lĕch hiong, kơdŭng kư̆m gô pơchah răm.

Luka 5:39

Bơngai bu 'maih et sik so, sư kuă kơ et sik 'nao, yua kơ sư đêl juăt kơ et sik so khan 'lơ̆ng hloh.”

II Kor 5:17

Thoi noh na bu kiơ̆ Yêsu Krist, bơngai noh bơ̆n băt kơ 'Bok Kei-Dei pơjing sư jing bơngai 'nao, dôm tơdrong so ưh pă đei boih, sư đei tơdrong 'nao ngăl, yua kơ sư jing bơngai 'nao boih.

Galati 2:4

Đei mơ̆n lu bơngai nai đĕch athei nhôn kăt tơdra akar Tĭt. Mă-lei lu bơngai noh ưh kơ trŏ bơngai lui tơpă ôh. Lu sư mơ̆t akŭm hơdai hăm nhôn, lăng sư thoi bơngai lui mơ̆n, mă tơpă lăm to sư ưh ôh. Bơ̆n bơngai rơngei yua kơ bơ̆n lui kơ Yêsu Krist. Bơ̆n ưh kơ kăl kiơ̆ dôm tơdrong juăt lu bơngai Juđê mă đơ̆ng Môis pơkă kơ sư. Lu sư mơ̆t akŭm hơdai nhôn wă chă lăng tơdrong bơ̆n lui thoi yơ, lu sư wă kơ bơ̆n kiơ̆ dôm tơdrong juăt lu bơngai Juđê. Tơdrong juăt bơngai Juđê anat tơpă, dah bu wă kiơ̆, bơngai 'noh sư dang jing đĭch.

I Tim 4:8

Bơ̆n pơhrăm pơtơ̆p wă kơ jơhngơ̆m pran kư̆m kăl yua ră mơ̆n, mă-lei ưh kơ dang tơdrong 'Bok Kei-Dei. Bơ̆n pơhrăm tơdrong 'Bok Kei-Dei kăl yua tơpă kơ bơ̆n. Bơ̆n pơhrăm tơdrong Sư bơ̆n arih hiôk dang ei păng gô arih hiôk ling-lang ning-mônh.

Tơdrông Tơ'bôh 21:5

'Bok Kei-Dei mă oei tơ tang-dŏ khan: “Inh pơjing tôm tơdrong 'nao.” Sư wih khan dơ̆ng kơ inh thoi âu: “Ih chih răk lê̆ dôm tơdrong Inh pơma, yua kơ tơdrong âu sĭt gô đei tơpă iĕm gơh lui.”