Luka 5:35 - Sơ̆p Hlabơar Nơ̆r 'Bok Kei-Dei

³⁵ Pôm ning-mônh đĕch, lăp đe rôp anhăk bơngai mă iŏk akăn noh đơ̆ng bôl sư, 'bơ̆t ei kơnh trŏ kơ lu bôl sư ơh sơ'ngon ơ̆t kơ por.”

Luka 5:35 Iomraidhean Croise

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Da 9:26

Đơ̆ng rŏng kơ tơdrâu-jĭt 'bar 'măng giĕng noh; Yang mă đe tuh đak rơmă noh đe gô pơrăm lê̆ păng pă đei kiơ dơ̆ng. Đei kon pơlei 'bok pơtao gô truh wă pơrăm lê̆ pơlei tih păng anih rơgoh; tuch-luch sư kư̆m thoi đak lơ̆p, đei tơdrong tơblah dĭng tôch; jing juơ juŏ thoi đei pơkă.

Sa 13:7

Kră Yang Tih Hloh khan thoi âu:* “Ơ đao iung tơblah bĕ hăm lu bơngai wei triu Inh păng blah hăm lu buăl juăt Inh. Blah bĕ lu bơngai wei triu, lê̆ triu tơklah tơklang; păng Inh gô iŏk ti Inh pơm tơwih kơ lu triu iĕ noh.”

Mathiơ 9:15

Na Yêsu pơma pơtih gia kơ lu sư thoi âu: “Kơplah đe pơkong kơ bơngai mă iŏk akăn, lu bôl bơngai mă iŏk akăn noh chhôk ngă 'nă hal dêh, lu sư ưh kơ đei bu ơh sơ'ngon ơ̆t kơ por ôh. Pôm ning-mônh đĕch đe wă rôp anhăk bơngai mă iŏk akăn noh đơ̆ng bôl sư, 'bơ̆t ei kơnh trŏ kơ lu bôl sư ơh sơ'ngon ơ̆t kơ por.

Markôs 2:20

Pôm ning-mônh đĕch lăp đe anhăk bơngai mă iŏk akăn noh đơ̆ng bôl sư, 'bơ̆t ei kơnh trŏ kơ lu bôl sư ơh sơ'ngon ơ̆t kơ sŏng sa.

Luka 17:22

Klaih kơ noh Yêsu khan kơ lu bơngai pơhrăm păng Sư: “Ning-mônh iĕm chang gô Inh Kon Bơngai jur dơ̆ng păng khan: ‘Ô kuă kơ kiơ Yêsu jah jur dang ei lah?’ Mă-lei kơplah ei kơnh iĕm tam mă 'bôh Inh jur ôh.

Luka 5:34

Na Yêsu pơma pơtih gia kơ lu sư thoi âu: “Kơplah đe pơkong kơ bơngai mă iŏk akăn, lu bôl bơngai mă iŏk akăn noh, lu sư ưh kơ đei bu ơh sơ'ngon ơ̆t kơ por ôh.

Luka 5:36

Yêsu pơma pơtih gia gah tơdrong đêl lu sư jet noh hei thoi âu: “Kơbĭ bu 'maih hek che ao 'nao wă sĭt pơklĕp tơ ao so. Tơ̆ng đe pơm thoi noh lei sư pơrăm ao 'nao păng che 'nao mă đêl sư sĭt pơklĕp hăm che so noh ưh kơ layơ lei-lăi băl ôh.

Yo 12:8

Lu bơngai dơnuh hin sư oei hơdai hăm iĕm ling-lang tơ ala teh âu, mă-lei Inh âu ưh kơ oei hơdai hăm iĕm ling-lang ôh.”

Yo 13:33

“Ơ tơpôl lu dăm, Inh oei hơdai hăm iĕm ưh pă đunh boih. Iĕm gô chă Inh; kư̆m thoi Inh khan kơ lu bơngai Juđê ki, lu iĕm ưh kơ gơh truh tơ anih Inh ôh.

Yo 16:28

Inh jur đơ̆ng 'Bă Inh 'Bok Kei-Dei tơpă oei hơdai iĕm tơ ala teh âu. Dang ei Inh jăk đơ̆ng ala teh âu brŏk tơ 'Bă Inh dơ̆ng.”

Jang 1:9

Sư bơtho khan kơ đe ei đang boih, đơ̆ng noh Kră Yang Yêsu tŏk tơ kơpal plĕnh, hơmơ̆l gom Sư. Na đe ei hnhoi Sư dĭng tơ hơmơ̆l gom Sư ưh pă 'bôh boih.

Jang 14:23

Tơ rim pơlei bre sư kư̆m rơih ăn kơ lu sư wă kơ đei lu kră wei-lăng bơngai lui. Na bre sư ơ̆t kơ por krao khan, na bre sư krao khan apinh Kră Yang tơgŭm đĭ-đăng lu bơngai kră ei yua kơ lu sư lui kơ Kră Yang.

Jang 3:21

Dang ei Yêsu oei tơ plĕnh truh tơ năr tôch kơnh. Sư wă jur tơ teh dơ̆ng na Sư gô pơm ming tôm tơdrong 'nao 'lơ̆ng dơ̆ng, kư̆m thoi 'Bok Kei-Dei ăn lu bơngai khan lê̆ hơdrol sơ̆.

I Kor 7:5

Ưh kơ gơh sơ-ih băl ôh, mă-lei dah klo akăn biĕm pôm đon wă krao khan kơ Kră Yang tơdrong kiơ kiơ na biĕm wă pơdơh kơ tơdrong tơngôi noh, kư̆m bưh mơ̆n. Mă-lei tôch kơ năr biĕm pơkă krao khan noh boih, na biĕm tơngôi băl thoi đêl dơ̆ng, hli kơnh yang Satan pơhlŭ biĕm ngôi pơyô kư̆ kă yua kơ iĕm ưh kơ kĕ gơ̆t.

II Kor 11:27

Inh jang gleh đei lơ tơdrong truh pơmat-tat. Phŏ kral kơmăng pă tep, phŏ pơngot hang klak rơhing kơ đak ưh kơ đei, năr jơ̆l kơ tơmam sa ưh kơ đei kư̆m đei, tơngiĕt tơngiot oei akâu hoh kư̆m đei.