Luka 5:29 - Sơ̆p Hlabơar Nơ̆r 'Bok Kei-Dei

²⁹ Đơ̆ng noh Lêwi pơtơm Yêsu sŏng sa tih lăm hnam sư. Na đei lơ bơngai iŏk jên thuê̆ păng lu bơngai nai sŏng sa hơdai păng sư mơ̆n.

Luka 5:29 Iomraidhean Croise

Mathiơ 11:19

Na gah Inh Kon Bơngai jur tơ teh âu, sŏng sa mơh 'nhot hơdai kon bơngai, na đe jô̆ kơ Inh khan bơngai sa bơlŭk, et dư, tơbôl hăm bơngai iŏk jên thuê̆, lu bơngai yoch mơ̆n. Mă-lei dah bơ̆n 'bôh đe jang 'lơ̆ng, bơ̆n băt kơ đe jang trŏ jang hơgei.”

Mathiơ 5:46

Dah iĕm 'mêm pôm lu bơngai mă 'mêm kơ iĕm đĕch, lei 'Bok Kei-Dei ưh kơ bơnê kơ iĕm ôh. Bĭ lu bơngai pơgŏ iŏk jên thuê̆ kư̆m băt 'mêm kơ bôl sư.

Mathiơ 9:10

Đơ̆ng noh na Yêsu năm sŏng sa tơ hnam Mathiơ. Tơ ei đei lơ bơngai iŏk jên thuê̆ hăm bơngai pơm yoch sŏng sa hơdai Yêsu hăm lu bơngai pơhrăm păng Sư.

Mathiơ 9:9

Yêsu năm ataih 'biơ̆ đơ̆ng noh, na Sư 'bôh Mathiơ oei jang 'bơ̆t hnam thuê̆. Yêsu pơtơm sư khan: “Bĕ kiơ̆ Inh.” Na sư gruih iung kiơ̆ hloi Yêsu.

Markôs 2:15

Đơ̆ng noh na Yêsu năm sŏng sa tơ hnam Lêwi. Tơ ei kư̆m đei lơ bơngai iŏk jên thuê̆ hăm bơngai pơm yoch kư̆m sŏng sa hơdai Yêsu hăm lu bơngai pơhrăm păng Sư, kơlih kơ lu bơngai iŏk jên thuê̆ păng lu bơngai yoch noh kiơ̆ Yêsu.

Luka 15:1

Đei lơ bơngai iŏk jên thuê̆ păng lơ bơngai yoch năm mơ̆ng Yêsu.

Yo 12:2

Na đe hơmet tơmam sŏng sa kơ Sư. Mathê awih awăn kơ lu sư tơmam sa. Lasarơ kư̆m sŏng sa hơdai păng Yêsu mơ̆n.

I Kor 10:27

Dah lu 'nhŏng oh bơ̆n mă tam lui kơ 'Bok Kei-Dei, sư krao bơ̆n tŏk sŏng por tơ hnam sư, mă sư pôk kơ bơ̆n 'nhĕm 'nhot kiơ kiơ, bơ̆n kư̆ kơ sa đĕch, 'nĕ kơ jet sư: “'Nhĕm iĕm hăm sơmah ưh?”